ప్రస్తుతం థియేటర్లతో పాటుగా OTT లో కూడా కొత్త సినిమాలు మరియు వెబ్ సిరీస్ లు చాలా వేగంగా రిలీజ్ అవుతున్నాయి. కొన్ని సినిమాలు అయితే థియేటర్లకు వచ్చిన కేవలం కొన్ని రోజుల్లోనే OTT ప్లాట్ ఫామ్స్ దారి పడుతున్నాయి. వీటిలో బ్లాక్ బస్టర్ సినిమాలు కూడా ఉండడం ఆశ్చర్యం కలిగిస్తోంది. అందుకే, ఇటీవల OTT లో రిలీజ్ అయ్యి స్ట్రీమ్ అవుతున్న మరియు ఓటీటీ లో రిలీజ్ కాబోతున్న అప్ కమింగ్ సినిమాల గురించి ఈ రోజు తెలుసుకుందాం.
ఈ వారం OTT లో ఒకేరోజు 3 కొత్త సినిమాలు సందడి చేయనున్నాయి. ఈ సంవత్సరపు బ్లాక్ బాస్టర్ మూవీ RRR తో పాటుగా మరొక రెండు కొత్త సినిమాలు మే 20 న ఓటీటీ లో విడుదల అవుతున్నాయి. అయితే, అందరూ మరింత ఉత్కంఠగా ఎదురు చూస్తున్న KGF: చాఫ్టర్ 2 యొక్క అంచనా డేట్ మాత్రమే వినిపిస్తుండగా, అధికారిక OTT రిలీజ్ డేట్ మాత్రం ఇంకా బయటకి రాలేదు.
దర్శక ధీరుడు S S రాజమౌళి దర్శకత్వంలో రామ్ చరణ్ మరియు Jr.NTR అద్భుతమైన నటనతో వచ్చిన RRR మూవీ ప్రపంచ వ్యాప్తంగా రికార్డులు కొల్లగొట్టడమే కాకుండా ప్రజల గుండెలో నిలిచిపోయింది. ఈ సినిమా ప్రపంచ వ్యాప్తంగా 1,000 కోట్లకు పైగా కలక్షన్స్ సాధించి భారీ విజయాన్ని సొంతం చేసుకుంది. RRR మూవీ మే 20 న Zee 5 మరియు Netflix రెండు ప్లాట్ ఫామ్స్ నుండి స్ట్రీమ్ కాబోతోంది. ఈ సినిమా OTT లో ఎప్పుడు వస్తుందా? అని ఎదురు చూస్తున్న వారికి ఇది నిజంగా ఆనందాన్నిచ్చే వార్తే అవుతుంది.
కొరటాల శివ దర్శకత్వంలో మెగాస్టార్ చిరంజీవి మరియు రామ్ చరణ్ కలిసి నటించిన 'ఆచార్య' మే 20 న అమెజాన్ ప్రైమ్ వీడియో లో రిలీజ్ అవుతోంది. ఇటీవలే భారీ అంచనాలతో వచ్చిన ఈ సినిమా బాక్సాఫీస్ వద్ద బోల్తా కొట్టింది. అయితే, సినిమాలో మెగాస్టార్ మరియు రామ్ చరణ్ ల అద్భుతమైన నటన మరియు డాన్స్ రెండు ఆకట్టుకునే అంశాలు. అంతేకాదు, 'భలే బంజారా' ఫుల్ వీడియో సాంగ్ ను కూడా విడుదల చేశారు.
శ్రీవిష్ణు మరియు కేథరీన్ జంటగా నటించిన క్రైం థ్రిల్లర్ 'భళా తందనానా' కూడా ఇదే వారం మే 20న Disney+ HotStar నుండి స్ట్రీమ్ కాబోతోంది. ఎప్పుడు ఏదోఒక విలక్షణమైన కథ మరియు పాత్రలను మాత్రమే చేసే శ్రీవిష్ణు మరొకసారి మంచి సినిమాతో ముందుకు వచ్చాడు. మార్చ్ 6 న థియేటర్లలో విడుదలైన ఈ చిత్రం కూడా అనుకున్న స్థాయిలో విజయాన్ని సాధించేలేక పోయింది. కానీ, శ్రీవిష్ణు యాక్టింగ్, పోసాని మరియు సత్య ల కామెడీ కేథరీన్ గ్లామర్ వంటి ఆకట్టుకునే అంశాలు వున్నాయి.
KGF: చాఫ్టర్ 2 విషయానికి వస్తే, ఈ సినిమా రైట్స్ ని అమెజాన్ భారీ మొత్తం చెల్లించి సొంతం చేసుకుంది. అయితే, KGF: చాఫ్టర్ 2 యొక్క OTT అఫీషియల్ రిలీజ్ డేట్ మాత్రం ఇంకా ప్రకటించలేదు. కానీ, ఈ నెల 27 నుండి అమెజాన్ ప్రైమ్ వీడియో నుండి స్ట్రీమ్ కావచ్చని అంచనా వేస్తున్నారు.
ఇప్పటి వరకు OTT లో త్వరలో రాబోతున్న సినిమా గురించి మాట్లాడితే, ఇప్పుడు రీసెంట్ గా ఓటీటీ లో స్ట్రీమ్ అవుతున్న కొత్త సినిమాల గురించి చూడబోతున్నాము.
తలపతి విజయ్ నటించిన యాక్షన్ మూవీ బీస్ట్ ఈ OTT లో రిలీజ్ అయ్యింది. ఏప్రిల్ 13 న థియేటర్లలో విడుదలైన ఈ చిత్రం మిశ్రమ స్పందనను అందుకుంది. అయితే, ఈ సినిమా ఊహించిన ఘన విజయాన్ని మాత్రం సాధించ లేక పోయింది. బీస్ట్ మూవీ మే 11 నుండి Netflix మరియు Sun Next రెండు ప్లాట్ ఫామ్స్ నుండి స్ట్రీమ్ అవుతోంది. ఈ సినిమాను రెండు ప్లాట్ ఫామ్స్ పైన HD మరియు 4K రిజల్యూషన్ లో కూడా చూడవచ్చు.
ఎటువంటి అంచనాలు లేకుండా సైలెంట్ గా థియేటర్లలో విడుదలైన ఈ సినిమా 2022 లో బిగ్గెస్ట్ బ్లాక్ బాస్టర్ సినిమాలలో ఒకటిగా నిలిచింది. వివేక్ అగ్నిహోత్రి దర్శకత్వంలో వచ్చిన ఈ సినిమా ఊహించని భారీ కలక్షన్ లతో పాటుగా బాక్సాఫీస్ వద్ద భారీ విజయాన్ని అందించింది. ఇక విషయానికి వస్తే, 1990 ల కాలంలో కశ్మిర్ నుండి అక్కడి పండితులు వలస వెళ్ళవలసి వచ్చిన పరిస్థితులు మరియు వారు ఎదుర్కొన్న సంఘటనలను ఈ చిత్రం చూపించారు. ఈ సినిమా మే 13 నుండి ZEE 5 లో స్ట్రీమ్ అవుతోంది.
Matrix లేటెస్ట్ పార్ట్ Resurrections ముందుగా అమెజాన్ ప్రైమ్ వీడియోలో రెంట్ ఆన్ వ్యూ కి అందుబాటులోకి వచ్చినా, తరువాత కొన్ని రోజుల తరువాత అందరికి కోసం ప్రవేశపెట్టబడింది. ముందుగా వచ్చిన 3 మ్యాటిక్స్ సినిమాలు మాదిరిగానే ఈ సినిమా కూడా అద్భుతమైన గ్రాఫిక్స్ తో అలరిస్తుంది. కేనూ రీవ్స్, క్యారీ-యాన్ని మోస్, జెస్సికా హెన్ విక్ మరియు ప్రియాంక చోప్రా జోనాస్ ఈ చిత్రంలో ముఖ్య పాత్రల్లో నటించారు.
విజయ్ బార్సే జీవితం ఆధారంగా రూపొందించబడిన అద్భుతమైన చిత్రం Jund మూవీ OTT లో స్ట్రీమ్ అవుతోంది. ఈ చిత్రంలో అమితాబ్‌ బచ్చన్‌ ఫుట్‌బాల్‌ కోచ్‌గా అలరించారు. ఈ చిత్రం మే 6 నుండి Zee 5లో స్ట్రీమ్ అవుతోంది. మురికి వాడలోని పిల్ల జీవితాలను వారిలోని ప్రతిభని దేశానికీ చాటిచెప్పి వారిని గొప్ప స్థాయికి తీసుకువచ్చిన విజయ్ బార్సే జీవిత సారాంశాన్ని సినీమాగా తెరకెక్కించారు.
అలియా భట్ అద్భుతమైన నటన కనబర్చిన గంగుభాయి కతియావాడి సినిమా OTT ప్లాట్ ఫామ్ లో స్ట్రీమ్ అవుతోంది. ఈ సినిమా Netflix నుండి స్ట్రీమ్ అవుతోంది. సంజయ్ లీలా బన్సాలీ చిత్రం గంగూబాయి కతియావాడి బాక్సాఫీస్ వద్ద మంచి కలక్షన్స్ సాధించింది. ఈ సినిమా ప్రేమికుని చేటిలో మోసగించబడి, వేశ్యా వృత్తిలోకి బలవంతంగా నెట్టబడి చివరకు గంగుభాయి గా మరిన ఒక అమ్మాయి జీవితం గురించి చెబుతుంది. అంతేకాదు, ఈ సినిమా గంగూబాయి హర్జీవందాస్ యొక్క నిజమైన కథ ఆధారంగా రూపొందించబడింది.
స్పోర్ట్స్ డ్రామా నేపథ్యంలో వచ్చిన వరుణ్ తేజ్ సినిమా గని ధియేటర్స్ వద్ద ఆశించినంత రాణించలేక పోయింది. అయితే, వరుణ్ తేజ్, ఉపేంద్ర మరియు సునీల్ శెట్టి తో పాటు జగపతిబాబు అద్భుతమైన యాక్టింగ్ ఈ సినిమాలో చూడవచ్చు. ఏప్రిల్ 8 న సినిమా థియేటర్లలో విడుదలైన ఈ సినిమా ఏప్రిల్ 22 నుండి AHA లో స్ట్రీమ్ అవుతోంది. ఈ సినిమాలో వరుణ్ తేజ్ బాక్సర్ గా అద్భుతమైన నటన కనబరిచినట్లు కితాబు అందుకున్నాడు.
సినిమా థియేటర్లలో మార్చ్ 4న రిలీజ్ అయిన ఈ రొమాంటిక్ కామెడీ డ్రామా సినిమా IMDb లో 6.5 రేటింగ్ తో యావరేజ్ మూవీగా నిలిచింది. ఈ సినిమాలో శర్వానంద్, రష్మికా మందన్న, ఖుష్బూ మరియు రాధికా శరత్ కుమార్ ప్రధాన పాత్రలు పోషించారు. కామెడీ, సెంటిమెంట్ మరియు బంధాలకు ప్రాధాన్యతనిస్తూ తీసుకొచ్చిన ఈ సినిమా ఆడవారిని అధికంగా ఆకర్షిస్తుంది. ఈ సినిమా SonyLiv OTT ప్లాట్ ఫామ్ నుండి స్ట్రీమ్ అవుతోంది.
దివంగత కన్నడ సూపర్‌స్టార్ పునీత్ రాజ్‌కుమార్ చివరిగా నటించిన చిత్రం జేమ్స్ బాక్సాఫీస్ వద్ద మంచి ఫలితాలను సాధించింది. ఈ కన్నడ చిత్రం హిందీ, తెలుగు, తమిళం, మలయాళ భాషల్లో ఏప్రిల్ 14 నుండి SonyLiv నుండి స్ట్రీమ్ అవుతోంది. చేతన్ కుమార్ దర్శకత్వం వహించిన ఈ జేమ్స్ మూవీ ఒక సెక్యూరిటీ కంపెనీలో మేనేజర్‌గా పనిచేస్తున్న సంతోష్ కుమార్ కథను చెబుతుంది. ఈ సినిమాలో మాదకద్రవ్యాల వ్యాపారంలో చిక్కుకున్న కుటుంబాన్ని రక్షించే బాధ్యత హీరోది. ఆ తరువాత ఏం జరిగిందన్నది సినిమా.
రాజ్ తరుణ్ హీరోగా నటించిన స్టాండ్ అప్ OTT స్ట్రీమ్ అవుతోంది. AHA నుండి ఈ సినిమా 8 ఏప్రిల్ నుండి స్ట్రీమ్ అవుతోంది. ఇది జీవితంలో ఎవరికి కోసం ఎప్పుడూ నిలబడని ఒక వ్యక్తి ఉద్యోగంలో చేరిన తరువాత ప్రేమలో పడి జీవితంలో ప్రతి విషయంలో నిలబడాలని నేర్చుకుంటాడు. ఇది ఒక రొమాన్స్ కామెడీ సినిమా మరియు ఈ సినిమాలో వర్ష బొల్లమ్మ హీరో ఇన్ గా నటించగా ఇంద్రజ, వెన్నెల కిశోర్ మరియు మురళి శర్మ ప్రధాన పాత్రల్లో నటించారు.
సూర్య నటించిన సూపర్ యాక్షన్ మూవీ ET ఈరోజు Netflix మరియు Sun Next రెండు ప్లాట్ ఫామ్స్ నుండి స్ట్రీమ్ అవుతోంది. తమిళంలో ET (ఎతరక్కుమ్ తునిందవన్) మరియు తెలుగులో ET (ఎవరికి తలవంచడు) పేరుతో వచ్చిన సూర్య యాక్షన్ మూవీ ఈరోజు నుండి OTT లో స్ట్రీమ్ అవుతోంది. పక్కా మాస్ మసాలా మరియు జబర్దస్త్ యాక్షన్ తో వచ్చిన ఈ సినిమా బాక్సాఫీస్ వద్ద అంతగా ఆకట్టుకోలేకపోయింది. అయితే, మార్చి 10 న ప్రంచవ్యాప్తంగా విడుదలైన ఈ సినిమా 175 కోట్ల వరల్డ్ వైడ్ కలక్షన్ సాధించినట్లు చెబుతున్నారు.
రెబల్ స్టార్ స్టార్ ప్రభాస్ నటించిన రాధే శ్యామ్ చిత్రం మార్చి 11న థియేటర్లలో విడుదలయ్యింది. ఈ చిత్రంలో పూజా హెగ్డే మరియు భాగ్యశ్రీ కూడా ముఖ్యమైన పాత్రలలో కనిపించారు మరియు ఈ చిత్రానికి కె.కె. రాధాకృష్ణ కుమార్ దర్శకత్వం వహించారు. ఈ చిత్రం 1970 ల కాలం నాటి యూరప్ నేపథ్యంలో సాగే రొమాంటిక్ డ్రామా చిత్రం. అలాగే, ఈ సినిమాలో విజువల్స్ మరియు రెబల్ స్టార్ ప్రభాస్ రొమాంటిక్ యాక్టింగ్ అద్భుతంగా ఉన్నాయని కితాబు అందుకున్నారు. ఈ సినిమా అమెజాన్ ప్రైమ్ వీడియో నుండి స్ట్రీమ్ అవుతోంది.
పవన్ కళ్యాణ్ మరియు దగ్గుబాటి రాణా హీరోలుగా నటించిన ఈ భారీ మల్టి స్టార్ సినిమా మరో మూడు రోజుల్లో AHA మరియు Disney+ Hotstar రెండు ఓటీటీ ప్లాట్ ఫామ్స్ పైన సందడి చేస్తోంది. ఈ సినీమా భారీ విజయాన్ని సొంత చేసుకుంది మరియు భారీ కలెక్షన్లను కూడా వాసులు చేసింది. ఇక పవర్ స్టార్ పవన్ కళ్యాణ్ యాక్షన్ అయితే ఒక రేంజ్ లో వుంది.
బోనీ కపూర్ మరియు జీ స్టూడియోస్ సంయుక్తంగా నిర్మించిన ఈ చిత్రం ఫిబ్రవరి 24న థియేటర్లలో విడుదలై సక్సెస్ ను సాధించింది. జీ నెట్‌వర్క్ యొక్క OTT సైట్ Zee5 లో మార్చి 25 నుండి స్ట్రీమ్ అవుతోంది. ఈ సినిమా తమిళం, తెలుగు, కన్నడ మరియు హిందీ భాషల్లో స్ట్రీమ్ అవుతోంది. తమిళనాట ఈ ఈ సినిమా పైన మిశ్రమ రివ్యూలు వచ్చినప్పటికీ, ఈ చిత్రం మంచి వసూళ్లను సాధించింది.
సినిమా థియేటర్లలో రిలీజైన చాలా రోజుల తరువాత 83 మూవీ OTT లో విడుదల చెయ్యబడింది. ఈ సినిమా డిస్నీ+ హాట్ స్టార్ మరియు Netflix రెండు ప్లాట్ ఫామ్స్ పైన అందుబాటులో వుంది. 83 మూవీ నెట్ ఫ్లిక్ లో కేవలం హిందీలో మాత్రమే అందుబాటులో ఉండగా, డిస్నీ+ హాట్ స్టార్ లో మాత్రం తెలుగు, కన్నడ, తమిళ్ మరియు మలయాళం భాషల్లో చూడవచ్చు. ఈ సినిమా భారత్ 1983 వరల్డ్ కప్ గెలిచిన వృత్తాంతాన్ని కధగా తెరకెక్కించారు. కబీర్ ఖాన్ అద్భుతంగా తెరకేక్కించిన 83 మూవీని నెట్‌ఫ్లిక్స్ మరియు డిస్నీ + హాట్‌స్టార్‌ లలో చూడవచ్చు.
ఇక OTT లో కొత్తగా వచ్చిన వెబ్ సిరీస్ ల విషయానికి వస్తే, కొన్ని వెబ్ సిరీస్ లు సినిమాలను మైమరపించేలా కూడా ఉన్నాయి. అంతేకాదు, పేరుపొందిన పెద్ద యాక్టర్స్ కూడా వెబ్ సిరీస్ లను చెయ్యడానికి సుముఖత చూపడంతో అద్భుతమైన వెబ్ సిరీస్ లో కూడా OTT లో దర్శన మిస్తున్నాయి.
ఇది ఒక స్పానిష్ మిస్టరీ థ్రిల్లర్ సిరీస్, ఇది మే 18న నెట్‌ఫ్లిక్స్‌లో విడుదల కానుంది. ప్రేక్షకులకు నచ్చే ఈ క్రైమ్ మిస్టరీ సిరీస్‌లో ఈ సీజన్‌లో అనేక మలుపులు జోడించబడ్డాయి.
గిల్టీ మైండ్స్ వెబ్ సిరీస్ ను అమెజాన్ ప్రైమ్ వీడియోలో చూడవచ్చు. ఈ వెబ్ సిరీస్ గత నెల 22న విడుదలైంది. ధర్మానికి ప్రతిరూపమైన కుటుంబం మరియు అన్ని రకాల కేసులతో వ్యవహరించే ప్రముఖ న్యాయ సంస్థ అయిన మరొక కుటుంబానికి మధ్య జరిగే న్యాయ పోరాటమే ఈ 'Guilty Minds' వెబ్ సిరీస్.
ఇది ఒక రొమాంటిక్ థ్రిల్లర్ వెబ్ సిరీస్ మరియు ఇది Voot లో స్ట్రీమ్ అవుతోంది. ఇది ట్రయాంగిల్ లవ్ స్టోరీ నేపథ్యంలో సాగే కథ.