మే 28 న జరగబోయే గూగల్ I/O ఈవెంట్ లో గూగల్ బ్రిల్లో ఓస్ ను ప్రవేసపెట్టనుంది అని రిపోర్ట్స్ వస్తున్నాయి. అయితే దానితో పాటు గూగల్ ఫోటో ఆప్ ను కూడా విడుదల చేయనుంది అని సమాచారం. గూగల్ ఫోటోస్ పేరుతో విడుదల అవ్వబోయే ఈ ఆప్ కేవలం ఫోటోస్ కోసం తయారు చేయబడింది. ఇందులో సరికొత్త ఆప్షన్స్ జోడించారు. ఇంకా విడుదల కాని ఈ ఆప్ ఇమేజ్స్ కొన్ని ఆండ్రాయిడ్ పోలిస్ సైటు ద్వారా లీక్ అయ్యాయి. వాటిని ఇక్కడ చూడగలరు.
ఈ సరికొత్త గూగల్ ఫోటోస్ ఆప్ లో ముఖ్యమైన మార్పు, గూగల్ దాని సొంత సోషల్ నెట్వర్కింగ్, గూగల్ ప్లస్ నుండి ఫోటోస్ ను వేరు చేయనుంది.
ఫోటోస్ గతంలో మాదిరిగానే ఆటోమేటిక్ గా బ్యాక్ అప్ అవుతాయి.
కొత్తగా జోడించిన ఫీచర్స్ లో ఒకటి, అసిస్టెంట్.ఇది మూవీస్, స్టోరీస్, ఎనిమేషన్ మరియు కోలేజ్స్ ఆప్షన్స్ ను ఇస్తుంది.
ఇప్పుడు మీ ఫోనులో ఉండే పిక్చర్స్ ను మీరు సెర్చ్ చేసుకోవచ్చు. మీకు కావలిసిన ఇమేజ్ ను దాని కేటగిరి వైజ్ గా వెతకవచ్చు.
పించ్ అండ్ జూమ్ తో ఇమేజ్ లను ఓపెన్ కూడా చేసుకునే ఆప్షన్ ఇందులో ఉంది. ఒక స్వైప్ తో ఇమేజ్ నుండి బయటకు కూడా ఎగ్జిట్ అవచ్చు.
ఇకపై ఫోటోలను లింక్ లుగా షేర్ చేసుకునే సౌలభ్యం ఉంది గూగల్ ఫోటోస్ కొత్త ఆప్ లో. మీ షేరింగ్ అయిపోతే ఆ లింక్ ను డిలీట్ కూడా చేసుకోవచ్చు.