Realme కొత్త టీవీలు: బడ్జెట్ ధరలో భారీ ఫీచర్లతో వచ్చాయి

ఈరోజు ఒక ప్రత్యేకమైన ఆన్లైన్ ఈవెంట్ నుండి రియల్మి కొత్త స్మార్ట్ టీవీలను లాంచ్ చేసింది. రియల్మి ఈ లేటెస్ట్ స్మార్ట్ టీవీ లను భారీ ఫీచర్లతో కేవలం బడ్జెట్ ధరలో ప్రకటించడం విశేషం. ఈ టీవీలను 43 ఇంచ్ మరియు 50 ఇంచ్ సైజుల్లో విడుదల చేసింది. ఈ రెండు కొత్త టీవీలు కూడా కళ్ళకు హాని కలిగించని విధంగా తక్కువ బ్లూ లైట్ టెక్నజితో TUV Rheinland సర్టిఫికేషన్ తో వస్తాయి. ఈ లేటెస్ట్ స్మార్ట్ టీవీల యొక్క ధర, ప్రత్యేకతలు మరియు పూర్తి వివరాలను క్రింద చూడవచ్చు.

Realme కొత్త టీవీలు: ధర

రియల్మి కొత్త టీవీలు రెండు సైజులలో లభిస్తాయి

1. Realme Smart TV 4K (43 Inch) : రూ.27,999           

2. Realme Smart TV 4K (50 Inch) : రూ.39,999

జూన్ 4వ తేదీ నుండి ఈ టీవీ సేల్ మొదలవుతాయి. Flipkart మరియు రియల్మి వెబ్సైట్ నుండి ఈ టీవీలను కొనుగోలు చెయవచ్చు.    

Realme కొత్త టీవీలు: ప్రత్యేకతలు

ఈ రెండు Realme కొత్త టీవీలు కూడా ఒకేవిధమైన ప్రత్యేకతలతో వస్తాయి. అయితే, వీటి సైజుల్లో మాత్రమే మార్పు కనిపిస్తుంది. ఈ టీవీలు Dolby Vision సపోర్ట్ తో వస్తాయి మరియు సినిమాటిక్ 4K అనుభవాన్ని అందిస్తాయి. ఇందులో 4K స్క్రీన్ వుంటుంది మరియు ఇది Croma Boost సపోర్ట్ తో వస్తుంది. ఈ టీవీ లను దాదాపుగా కనిపించని విధంగా సన్నని అంచులతో తయారు చేసింది. ఇది 90% DCI-P3 వైడ్ కలర్ గ్యాముట్, 83% NTSC వైడ్ కలర్ గ్యాముట్ సపోర్ట్ ఇవ్వబడింది. అంటే, మంచి రంగులతో కూడిన స్పష్టమైన పిక్చర్ ని మీరు ఆస్వాదించవచ్చు.

ఇక సౌండ్ పరంగా, ఈ టీవీల పైన రియల్మి మరింత శ్రద్ద తీసుకుంది. ఈ టీవీలు Dolby Atmos మరియు DTS Studio Sound రెండింటికి సపోర్ట్ చేస్తుంది. అంతేకాదు, ఈ టీవీ లలో నాలుగు స్పీకర్లతో భారీ 24W సౌండ్ కూడా ఇచ్చింది. ఇక కనెక్టివిటీ పరంగా WiFi, LAN, 2HDMI, 1 HDMI Arc మరియు USB పోర్ట్స్ తో పాటుగా Bluetooth 5.0 కి కూడా సపోర్ట్ కలిగివుంది. ఇందులో మీడియా టెక్ ప్రాసెసర్ ని అందించింది మరియు ఇది ఆండ్రాయిడ్ టీవీ. ఇది  Android 10 తో పనిచేస్తుంది గూగుల్ అసిస్టెంట్ తో వస్తుంది. ఈ టీవీలు Netflix, Youtube మరియు Prime Video వంటి బిల్ట్ ఇన్ యాప్స్ తో వస్తుంది.

Follow Us

Raja Pullagura

Crazy about tech...Cool in nature... View Full Profile