JIo జబర్దస్త్ ప్లాన్: ఇప్పటికే తన పోర్టుఫోలియోలో చాలా ప్రీపెయిడ్ ప్లానులను అందించిన రిలయన్స్ జియో మరొక కొత్త ప్లాన్ ను తీసుకొచ్చింది. రిలయన్స్ జియో ఈ కొత్త ప్లాన్ ను తక్కువ ధరలో ఎక్కువ లాభాలను అందించేలా తీసుకు వచ్చింది. అన్లిమిటెడ్ కాలింగ్, డైలీ డేటా మరియు ఎస్ఎంఎస్ లాభాలను కూడా ఈ ప్లాన్ అందిస్తుంది. రిలయన్స్ జియో హరి కొత్తగా తీసుకొచ్చిన ఈ ప్లాన్ ప్రయోజనాలు ఏమిటో తెలుసుకుందామా.
జియో కొత్తగా విడుదల చేసిన రూ. 234 ప్రీపెయిడ్ ప్లాన్ గురించే మనం మాట్లాడుతోంది. ఈ బడ్జెట్ ప్రీపెయిడ్ ప్లాన్ ను JioBharat Phone యూజర్ల కోసం ప్రవేశపెట్టింది. ఈ ప్లాన్ జియో భారత్ ఫోన్ యూజర్లకు 56 రోజుల అన్లిమిటెడ్ ప్రయోజనాలను అందిస్తుంది. అయితే, స్మార్ట్ ఫోన్ యూజర్లు ఈ ప్లాన్ ను రీచార్జ్ చేసే అవకాశం ఉండదు. ఇది కేవలం జియో భారత్ ఫోన్ యూజర్లకు మాత్రమే చెల్లుతుంది.
Also Read: Voter ID దొరకడం లేదా, ఆన్లైన్ లో సింపుల్ గా డిజిటల్ ఓటర్ కార్డ్ డౌన్ లోడ్ చేసుకోండి.!
రిలయన్స్ జియో తన జియో భారత్ ఫోన్ యూజర్ల కోసం ఈ కొత్త రూ. 234 ప్రీపెయిడ్ ప్లాన్ ను అందించింది. ఈ ప్లాన్ 56 రోజులు చెల్లుబాటు అవుతుంది. ఈ పూర్తి వ్యాలిడిటీ కాలానికి గాను అన్లిమిటెడ్ కాలింగ్ సౌకర్యాన్ని అందిస్తుంది.
అంతేకాదు, ఈ ప్లాన్ తో రోజుకు 0.5 GB చొప్పున 56 రోజుల పాటు డైలీ డేటాని అందిస్తుంది. అలాగే, ఈ డేటా లిమిట్ ముగిసిన తరువాత 64 Kbps స్పీడ్ వద్ద 56 రోజులు అన్లిమిటెడ్ డేటాని పొందవచ్చు.
ఇక ఈ ప్లాన్ అందించే మరిన్ని ప్రయోజనాల విషయానికి వస్తే, ఈ ప్లాన్ తో 28 రోజులకు 300 SMS చొప్పున 56 రోజులకు 600 SMS లను అందిస్తుంది. అంతేకాదు, JioSaavn మరియు JioCinema యాప్స్ కి ఉచిత యాక్సెస్ ను కూడా తీసుకు వస్తుంది.
