Yuva 3 Pro: 9వేల లోపలే 8GB ర్యామ్, 50MP కెమేరాతో వచ్చింది.!

ఇండియన్ మొబైల్ బ్రాండ్ లావా ఈరోజు తన కొత్త స్మార్ట్ ఫోన్ Yuva 3 Pro ని విడుదల చేసింది. ఈ ఫోన్ ను కేవలం 9 వేల లోపలే 8GB ర్యామ్ మరియు 50MP కెమేరాతో మరియు మరిన్ని ఇతర ఫీచర్లతో ప్రకటించింది. ఈ ఫోన్ డిజైన్ మరియు ఇతర ఫీచర్ల పరంగా ప్రస్తుతం మార్కెట్ లో ఉన్న చాలా ఫోన్ లకు గట్టి పోటీగా కనిపిస్తోంది. ఇదంతా తెలుసుకోవాలంటే, ఈ ఫోన్ యొక్క కంప్లీట్ స్పెక్స్, ఫీచర్స్ మరియు ధర వివరాలు తెలుసుకుంటేనే మనకు అర్ధం అవుతుంది.

Yuva 3 Pro price

యువ 3 ప్రో స్మార్ట్ ఫోన్ ను కంపెనీ 8GB RAM మరియు 128GB ఇంటర్నల్ స్టోరేజ్ సింగల్ వేరియంట్ తో విడుదల చేసింది. ఈ ఫోన్ ధర రూ. 8,999 రూపాయలుగా లావా ప్రకటించింది. ఈ ఫోన్ ఈరోజు నుండి లావా అధికారిక వెబ్సైట్ నుండి మరియు అధికారిక రిటైల్ స్టోర్స్ నుండి సేల్ కి అందుబాటులోకి వచ్చింది. ఈ ఫోన్ డెజర్ట్ గోల్డ్, మేడో పర్పల్ మరియు ఫారెస్ట్ విరిడియన్ అనే మూడు కలర్ ఆప్షన్ లలో లభిస్తుంది.

Also Read : 200MP మెగా OIS కెమేరాతో వస్తున్న Redmi Note 13 Pro+ 5G స్మార్ట్ ఫోన్.!

లావా యువ 3 ప్రో ప్రత్యేకతలు

లావా యువ 3 ప్రో స్మార్ట్ ఫోన్ 6.5 ఇంచ్ HD+ Punch Hole డిస్ప్లేని 90Hz రిఫ్రెష్ రేట్ తో కలిగి వుంది. ఈ ఫోన్ UNISOC T616 ఆక్టా కోర్ ప్రోసెసర్ తో పనిచేస్తుంది మరియు Android 13 OS తో వస్తుంది. ఈ ఫోన్ ను మరింత వేగంగా మార్చేందుకు వీలుగా 8GB RAM + 8GB వర్చువల్ ర్యామ్ సపోర్ట్ మరియు 128GB ఇంటర్నల్ స్టోరేజ్ వలను అందించింది.

లావా యువ 3 ప్రో ఫోన్ లో వెనుక డ్యూయల్ రియర్ కెమేరా వుంది. ఇందులో, 50MP మెయిన్ + AI సెకండరీ కెమేరా ఉన్నాయి మరియు ముందు 8MP సెల్ఫీ కెమేరా వుంది. ఈ ఫోన్ కెమేరా 1080p Video రికార్డింగ్ సపోర్ట్ మరియు మంచి కెమేరా ఫిల్టర్స్ తో వస్తుంది. ఈ ఫోన్ లో 5000mAh బిగ్ బ్యాటరీ మరియు 18W ఫాస్ట్ ఛార్జ్ సపోర్ట్ ఉన్నాయి.

ఈ ఫోన్ లో అందించిన ఇతర ఫీచర్స్ విషయానికి వస్తే, ఈ ఫోన్ లో సైడ్ ఫింగర్ ప్రింట్ సెన్సార్, ఫేస్ అన్లాక్ మరియు బ్యాటరీ సేవింగ్ మోడ్ వంటి ఫీచర్లు ఉన్నాయి.

Follow Us

Raja Pullagura

Crazy about tech...Cool in nature... View Full Profile