ఒక 48MP ప్రధాన రియర్ కెమెరాతో చైనాలో విడుదల చేయబడిన ఈ స్మార్ట్ ఫోన్ అమ్మకానికి వచ్చిన మొదట మూడు వారాలలోనే, 10 లక్షల కంటే ఎక్కువగా అమ్మకాలను సాధించింది. ఇప్పుడు, ఈ రెడ్మి నోట్ 7 యొక్క ఇండియా లాంచ్ డేట్ ఫిబ్రవరి 28 వ తేదీగా నిర్ణయించింది షావోమి. ఇంకా విడుదలకాకముందే, అనేక అంచనాలతో మార్కెట్లో మంచి క్రేజ్ ని సంపాదించుకుంది ఈ రెడ్మి నోట్ 7. ఇటీవలే, ఈ స్మార్ట్ ఫోనుకు సంభందించిన AnTuTu స్కోరుకు సంబంధించిన ఒక వీడియోను కూడా తన అధికారిక ఫేస్ బుక్ పేజీలో విరుధ్దల చేసింది. ఈ వీడియోలో, 48MP# మరియు ఒక M అక్షరం యొక్క స్కోర్లను చూపించింది. బహుశా ఇది ఇటీవలే, ఇండియాలో విడుదల చేయబడిన శామ్సంగ్ యొక్క M-సిరీస్ పోన్లదే అయిఉండొచ్చని అనిపిస్తోంది.
ఈ వీడియోలో చూపించిన వివరాల ప్రకారం, రెడ్మి నోట్ 7 యొక్క AnTuTu స్కోర్ 1,43,000 గా చెబుతోంది షావోమి. ఇక మిగిలిన M అక్షరం యొక్క AnTuTu స్కోరును 1,23,000 గా చూపిస్తోంది. ఈ వీడియో ద్వారా ఈ ఫోన్ యొక్క పెరఫార్మెన్స్ ను గురించి షావోమి వివరంచాలని చూస్తున్నట్లు అనిపిస్తోంది.
రెడ్మి నోట్ 7 ప్రత్యేకతలు
డిస్ప్లే పైన వాటర్ డ్రాప్ నోచ్ తో ఈ రెడ్మి నోట్ 7, 2340×1080 పిక్సెళ్ళు గల ఒక 6.3-అంగుళాల LCD ప్యానెల్ తోవస్తుంది. ఒక 450 nits బ్రైట్నెస్ తో కేవలం 0.8mm మందపాటి bezelsను కలిగిఉంది. ఈ ఫోన్ కూడా 2.5D కర్వ్డ్ గ్లాస్ రక్షణలో ఉంచబడింది మరియు ఒక బ్యాక్ -మౌంటు వేలిముద్ర సెన్సార్ను కలిగి ఉంది. ఈ ఫోన్ క్వాల్కమ్ స్నాప్ డ్రాగన్ 660 SoC కి జతగా 3GB, 4GB లేదా 6GB RAM వేరియంట్లలో 32GB లేదా 64GB స్టోరేజిలలో లభిస్తాయి. ఒక 4,000 mAh బ్యాటరీతో ఈ స్మార్ట్ ఫోన్ వస్తుంది.
పోర్ట్రైట్ షాట్లకు అనుగుణంగా 5MP సెకండరీ సెన్సారుతో కలిపి 48MP సెన్సారు కలిగిన మొదటి Redmi ఫోన్ ఇది. ఈ నోట్ 7 యొక్క 48MP సెన్సార్ తక్కువ కాంతి లో కూడా మంచి షాట్లు తీసుకోవటానికి సహాయపడుతుందిని కంపెనీ పేర్కొంది. ఈ 48MP కెమెరా సెన్సార్ 1/2-అంగుళ పరిమాణాన్నికలిగి స్మార్ట్ ఫోన్లలో అందంగా పెద్దదిగా ఉంటుందిని సోనీ సంస్థ వెల్లడించింది. ఇందులో అతితక్కువ 0.8um అంగుళాల పిక్సెళ్ళు నిజంగా బాగుంటుంది, కెమెరా సెన్సార్లో 48 మెగాపిక్సెళ్లను క్రామ్ చేయగలిగింది. Xiaomi ప్రకారం, Redmi Note 7 పోస్టర్ వంటి HD ఫోటోలను తీయగలదని చెబుతోంది. ముందుభాగంలో, పోర్త్రైట్ మోడ్ మరియు పేస్ బ్యూటిఫికేషన్ కి సపోర్ట్ చేసేలా, AI అల్గారిథం కలిగిన ఒక 13MP కెమెరా ఉంటుంది.
ఇక ఈ రెడ్మి నోట్ 7 స్మార్ట్ ఫోన్ చైనాలో 3G + 32GB వేరియంట్ ధర 999 యువాన్(సుమారు 10,381 రూపాయల) నుంచి రెడ్మి నోట్ 7 ప్రారంభిస్తుంది. అయితే 4GB + 64GB వేరియంట్ 1199 యువాన్ (దాదాపు రూ .12,455) మరియు 6GB + 64GB వేరియంట్ 1399 యువాన్ (దాదాపు రూ. 14,532). అయితే, భారతదేశంలో కూడా ఇలాంటి ధారలతోనే విడుదలచేయవచ్చని అంచనా వేస్తున్నారు, కానీ ఎలాఉంటాయో వేచిచూడాల్సిందే.