Redmi A4 5G Launch: ప్రముఖ చైనీస్ ఎలక్ట్రానిక్స్ దిగ్గజం Xiaomi ఇండియాలో కొత్త స్మార్ట్ ఫోన్ అనౌన్స్ చేసింది. షియోమీ సబ్ బ్రాండ్ రెడ్ మీ నుంచి ఈ ఫోన్ ను లాంచ్ చేస్తోంది. అదే రెడ్ మీ A4 5జి స్మార్ట్ ఫోన్ మరియు ఈ ఫోన్ యొక్క కీలకమైన ఫీచర్స్ తో కంపెనీ కూడా మొదలు పెట్టింది. ఈ అప్ కమింగ్ షియోమీ స్మార్ట్ ఫోన్ కీలకమైన ఫీచర్లు మరియు లాంచ్ వివరాలు తెలుసుకుందామా.
రెడ్ మీ ఎ4 5జి స్మార్ట్ ఫోన్ ను నవంబర్ 20వ తేదీ విడుదల చేయడానికి డేట్ ఫిక్స్ చేసినట్లు షియోమీ అనౌన్స్ చేసింది. ఈ స్మార్ట్ ఫోన్ కోసం అమెజాన్ ను సేల్ పార్టనర్ గా ఎంచుకుంది. అందుకే అమెజాన్ ఇండియా ఈ ఫోన్ కోసం ప్రత్యేకమైన మైక్రో సైట్ పేజ్ ను అందించి మరి టీజింగ్ చేస్తోంది. ఈ పేజీ నుంచి ఈ ఫోన్ యొక్క కీలకమైన ఫీచర్స్ ను అందించింది.
రెడ్ మీ ఎ4 5జి స్మార్ట్ ఫోన్ ను 6.88 ఇంచ్ స్క్రీన్ ను 120Hz రిఫ్రెష్ రేట్ తో కలిగి ఉంటుందని రెడ్ మీ తెలిపింది. ఈ ఫోన్ టీజర్ ద్వారా ఈ ఫోన్ లో Snapdragon 4s Gen 2 చిప్ సెట్ ఉంటుందని కన్ఫర్మ్ అయ్యింది. అంతేకాదు, ఈ చిప్ సెట్ ఈ ఫోన్ తో గ్లోబల్ డెబ్యూట్ గా వస్తుంది. డిజైన్ పరంగా కూడా ఈ ఫోన్ చూడ్డానికి చాలా స్లీక్ గా ఎలిగెంట్ గా కనిపిస్తోంది.
రెడ్ మీ ఎ4 5జి స్మార్ట్ ఫోన్ లో 50MP డ్యూయల్ రియర్ కెమెరా మరియు ముందు వాటర్ డ్రాప్ సెల్ఫీ కెమెరా ఉంటుంది. ఈ ఫోన్ ప్రీమియం హేలో గ్లాస్ మరియు శాండ్విచ్ డిజైన్ తో వస్తుంది. ఈ ఫోన్ లో 5160 mAh బిగ్ బ్యాటరీని ఫాస్ట్ ఛార్జ్ సపోర్ట్ తో కలిగి ఉంటుందని కూడా షియోమీ వెల్లడించింది.
Also Read: Toxic Panda Malware: ఆండ్రాయిడ్ యూజర్లు ఈ కొత్త మాల్వేర్ తో జాగ్రత్త సుమ.!
ప్రస్తుతానికి అందించిన టీజర్ ఇమేజ్ ల ద్వారా ఈ ఫోన్ రెండు కలర్ ఆప్షన్ లలో లాంచ్ అవుతుందని అర్ధం అవుతోంది. ఈ ఫోన్ లాంచ్ కోసం ఇంకా సమయం ఉంది కాబట్టి ఈ ఫోన్ మరిన్ని కీలకమైన ఫీచర్స్ ను వెల్లడించే అవకాశం ఉంటుంది.
