వివో గత వారం ఇండియాలో విడుదల చేసిన Vivo Y35 4G స్మార్ట్ ఫోన్ ను ఇప్పుడు ఇండియాలో విడుదల చేయ్యడానికి ఏర్పాట్లు చేస్తోంది. ఈ స్మార్ట్ ఫోన్ యొక్క అధికారిక లాంచ్ డేట్ ను ఇంకా ప్రకటించలేదు. అయితే, మాహేష్ టెలికాం లీక్ చేసిన అధికారిక పోస్టర్ తరువాత ఈ అప్ కమింగ్ వివో స్మార్ట్ ఫోన్ యొక్క లాంచ్ అతి త్వరలో జరగనున్నదని అర్ధమవుతోంది. అంతేకాదు, ఈ ఫోన్ యొక్క కొన్ని వివరాలు కూడా తెలియ వస్తున్నాయి.
మాహేష్ టెలికాం లీక్ చేసిన ఈ పోస్టర్ ద్వారా, వివో వై35 4G స్మార్ట్ ఫోన్ గోల్డ్ మరియు బ్లాక్ కలర్ ఆప్షన్లలో వస్తున్నట్లు కనిపిస్తోంది. అంతేకాదు, ఈ ఫోన్ లో 50MP కెమెరా మరియు 44W ఫాస్ట్ ఛార్జింగ్ సపోర్ట్ కూడా ఉంటుందని నిర్ధారనయ్యింది. ఈ ఫోన్ ను 15000 రూపాయల బడ్జెట్ లో ఇండియాలో ప్రకటించవచ్చని ఈ పోస్టర్ హింట్ ఇస్తోంది.
ఇక వివో వై35 4G స్పెక్స్ విషయానికి వస్తే, ఈ ఫోన్ FHD+ రిజల్యూషన్ పెద్ద 6.58-అంగుళాల డిస్ప్లేను 90Hz రిఫ్రెష్ రేట్ తో కలిగి ఉంది. ఇది స్నాప్డ్రాగన్ 680 SoC కి జతగా 8GB RAM మరియు 256GB వరకు స్టోరేజ్ (1TB వరకు బాహ్య మెమరీ) కలిగి ఉంది. ఈ ఫోన్ వెనుక ట్రిపుల్ రియర్ కెమెరాతో వస్తుంది. ఇందులో, 50-మెగాపిక్సెల్ ప్రైమరీ కెమెరా సెన్సార్, 2-మెగాపిక్సెల్ మాక్రో సెన్సార్ మరియు 2-మెగాపిక్సెల్ బోకె సెన్సార్ ఉన్నాయి.
ఈ స్మార్ట్ ఫోన్ 44W ఫాస్ట్ ఛార్జింగ్ సపోర్ట్ కలిగిన 5000 mAh బిగ్ బ్యాటరీని కలిగి ఉంటుంది. ఈ ఫోన్ Android 12 ఆధారితమైన Funtouch 12 సాఫ్ట్ వేర్ పైన నడుస్తుంది.