ప్రముఖ ఎలక్ట్రానిక్ దిగ్గజం శామ్సంగ్ నుండి మరొక బడ్జెట్ స్మార్ట్ ఫోన్ వస్తోంది
Galaxy M సిరీస్ నుండి విడుదల చేయబోతున్నట్లు అనౌన్స్ చేసింది
కీలకమైన ఫీచర్లతో పాటుగా ధర వివరాల పైన ఒక హింట్ ఇచ్చింది
ప్రముఖ ఎలక్ట్రానిక్ దిగ్గజం శామ్సంగ్ నుండి మరొక బడ్జెట్ స్మార్ట్ ఫోన్ వస్తోంది. ఈసారి శామ్సంగ్ తన Galaxy M సిరీస్ నుండి విడుదల చేయబోతున్నట్లు కంపెనీ అనౌన్స్ చేసింది. ఆశ్చర్యకరంగా, ఈ అప్ కమింగ్ స్మార్ట్ ఫోన్ యొక్క కీలకమైన ఫీచర్లతో పాటుగా ధర వివరాల పైన ఒక హింట్ ఇచ్చింది. ఈ అన్ని వివరాలను పరిశీలిస్తే, Samsung Galaxy M14 5G స్మార్ట్ ఫోన్ ను 15 వేల రూపాయల సబ్ కేటగిరిలో ఇండియన్ మార్కెట్ లో లాంచ్ చేయనున్నట్లు అర్ధం చేసుకోవచ్చు. ఏప్రిల్ 17న ఇండియాలో విడుదల చేయనున్న ఈ ఫోన్ యొక్క టీజ్డ్ స్పెక్స్ మరియు అంచనా ధర వంటి వివరాలను గురించి తెలుసుకుందాం.
Samsung Galaxy M14 5G: టీజ్డ్ స్పెక్స్
శామ్సంగ్ గెలాక్సీ ఎం14 6G స్మార్ట్ ఫోన్ చాలా సింపుల్ డిజైన్ లో కనిపిస్తోంది. ఈ స్మార్ట్ ఫోన్ వెనుక మూడు కెమేరాల సెటప్ ను కలిగివుంది. ఈ సెటప్ లో 50MP ప్రధాన కెమేరా ఉన్నట్లు కంపెనీ టీజర్ చెబుతోంది. అంతేకాదు, ఈ ఫోన్ 13MP సెల్ఫీ కెమేరాతో రాబోతున్నట్లు కూడా తెలిపింది. ఈ కెమేరాలతో తక్కువ కాంతిలో కూడా మంచి ఫోటోలు తీయ్యగలదని కూడా హింట్ ఇచ్చింది.
ఈ ఫోన్ యొక్క డిస్ప్లే గురించి ఎటువంటి హింట్ ఇవ్వలేదు, కానీ ఈ ఫోన్ ఇన్ఫినిటీ V నోచ్ తో కనిపిస్తోంది. ఈ ఫోన్ ని లేటెస్ట్ Exynos1330 5G ప్రోసెసర్ తో తీసుకువస్తునట్లు కూడా శామ్సంగ్ టీజింగ్ వివరించింది. ఇక ఫీచర్ల విషయానికి వస్తే, ఈ ఫోన్ భారీ 6000 mAh పవర్ ఫుల్ బ్యాటరీని 25W ఫాస్ట్ ఛార్జింగ్ సపోర్ట్ తో కలిగి ఉంటుంది.
Samsung Galaxy M14 5G: అంచనా ధర
అమెజాన్ ఈ స్మార్ట్ ఫోన్ కోసం అందించిన ప్రత్యేకమైన మైక్రో సైట్ పేజ్ నుండి చేస్తున్న టీజింగ్ ద్వారా ఈ ఫోన్ యొక్క అంచనా ధరను కూడా శామ్సంగ్ హింట్ ఇచ్చింది. ఈ ఫోన్ ధర గురించి టీజింగ్ నుండి రూ.13XXX ధరతో లాంచ్ చేయబోతున్నట్లు చెబుతోంది. అంటే, ఈ ఫోన్ ఉప 14 వేల రూపాయల ధరలో లాంచ్ చేస్తుందని ఖాయం చేసి చెప్పింది.
Follow Us
Raja Pullagura
Crazy about tech...Cool in nature... View Full Profile
