Samsung Galaxy F14: శామ్సంగ్ మరొక బడ్జెట్ స్మార్ట్ ఫోన్ ను విడుదల చేసింది. ఈ ఫోన్ ను మార్కెట్ లో ప్రస్తుతం నడుస్తుతున్న ట్రెండీ ఫీచర్స్ మరియు 50MP ట్రిపుల్ కెమెరాతో విడుదల చేసింది. శామ్సంగ్ గెలాక్సీ సిరీస్ నుండి ఇటీవల తీసుకు వచ్చిన గెలాక్సీ 14 5జి ఫోన్ యొక్క 4G వెర్షన్ గా ఈ ఫోన్ ను తీసుకొచ్చింది.
శామ్సంగ్ గెలాక్సీ ఎఫ్ 14 స్మార్ట్ ఫోన్ ను రూ. 8,999 ధరలో విడుదల చేసింది. ఈ ఫోన్ ను కేవలం 4GB + 64GB సింగల్ వేరియంట్ లో మాత్రమే విడుదల చేసింది. ఈ ఫోన్ సెలెక్టెడ్ రిటైల్ స్టోర్ లలో మాత్రమే లభిస్తుంది. ఈ ఫోన్ పైన No Cost EMI ఆఫర్ ను కూడా శామ్సంగ్ అందించింది. శామ్సంగ్ గెలాక్సీ ఎఫ్ 14 స్మార్ట్ ఫోన్ మూన్ లైట్ సిల్వర్ మరియు పెప్పర్మింట్ గ్రీన్ రెండు కలర్ లలో లభిస్తుంది.
శామ్సంగ్ గెలాక్సీ ఎఫ్ 14 FHD+ రిజల్యూషన్ కలిగిన 6.7 ఇంచ్ స్క్రీన్ తో అందించింది. ఈ స్క్రీన్ 90Hz రిఫ్రెష్ రేట్ సపోర్ట్ తో కూడా ఉంటుంది. ఈ ఫోన్ క్వాల్కామ్ యొక్క బడ్జెట్ ప్రోసెసర్ Snapdragon 680 తో పనిచేస్తుంది. ఈ ప్రోసెసర్ కి జతగా 4GB ర్యామ్+ 4GB ర్యామ్ ఫీచర్ తో టోటల్ 8GB ర్యామ్ ఫీచర్ మరియు 64GB ఇంటర్నల్ స్టోరేజ్ లను కలిగి ఉంటుంది.
Also Read: 12GB ర్యామ్ మరియు 256GB స్టోరేజ్ తో కొత్త Note 40X 5G ఫోన్ లాంచ్ చేస్తున్న ఇన్ఫినిక్స్.!
ఇక ఈ ఫోన్ కలిగివున్న కెమెరా సెటప్ వివరాల్లోకి వెళితే, ఈ ఫోన్ లో వెనుక ట్రిపుల్ రియర్ కెమెరా సెటప్ వుంది. ఇందులో, 50MP మెయిన్ కెమెరా + 2MP+ 2MP కెమెరాలు వున్నాయి. అలాగే ముందు 13MP సెల్ఫీ కెమెరా కూడా వుంది. ఈ ఫోన్ కెమెరాతో FHD వీడియోలు మరియు కెమెరా ఫిల్టర్స్ తో మంచి ఫోటోలు పొందవచ్చని శామ్సంగ్ తెలిపింది.
ఇక ఈ ఫోన్ లో వున్నా ఇతర ఫీచర్ల వివరాల్లోకి వెళితే, ఈ ఫోన్ లో 5000 mAh బ్యాటరీ వుంది. ఈ ఫోన్ 25W ఫాస్ట్ ఛార్జ్ సపోర్ట్ తో చాలా వేగంగా ఛార్జ్ అవుతుందని కూడా శామ్సంగ్ తెలిపింది. ఈ ఫోన్ 4 సంవత్సరాల సెక్యూరిటీ అప్డేట్స్ మరియు 2 మేజర్ OS అప్గ్రేడ్ లను అందుకుంటుందని కూడా శామ్సంగ్ వెల్లడించింది.
