Samsung Galaxy A06: శామ్సంగ్ ఈరోజు భారత మార్కెట్లో కొత్త బడ్జెట్ స్మార్ట్ ఫోన్ ను విడుదల చేసింది. అదే, శామ్సంగ్ గెలాక్సీ ఎ06 స్మార్ట్ ఫోన్ మరియు ఈ ఫోన్ ను సరికొత్త డిజైన్ మరియు బిగ్ బ్యాటరీ సెటప్ తో అందించింది. ఈ శామ్సంగ్ కొత్త ఫోన్ ను మూడు అందమైన కలర్ ఆప్షన్ లతో కూడా అందించింది.
శామ్సంగ్ గెలాక్సీ ఎ06 స్మార్ట్ ఫోన్ ను రెండు వేరియంట్లలో అందించింది. ఇందులో 4GB + 64GB వేరియంట్ ను రూ. 9,999 ధరలో మరియు రెండవ 4GB + 128GB వేరియంట్ ను రూ. 11,499 రూపాయల ధరకే అందించింది. ఈ కొత్త స్మార్ట్ ఫోన్ ఆఫ్ లైన్ స్టోర్స్ మరియు samsung.com/in అధికారిక వెబ్సైట్ నుంచి సేల్ కి అందుబాటులోకి కూడా తీసుకు వచ్చింది.
శామ్సంగ్ గెలాక్సీ ఎ06 స్మార్ట్ ఫోన్ ప్రీమియం లుక్ తో కనిపించే సరికొత్త డిజైన్ తో అందించింది. ఈ ఫోన్ 6.7 ఇంచ్ HD+ LCD స్క్రీన్ తో అందించింది. ఈ ఫోన్ మీడియాటెక్ Helio G85 ఆక్టాకోర్ ప్రోసెసర్ తో అందించింది. ఈ ఫోన్ లో 4GB ర్యామ్ జతగా 64 / 128GB ఇంటర్నల్ స్టోరేజ్ ఉంటుంది. ఈ ఫోన్ సైడ్ ఫింగర్ ప్రింట్ సెన్సార్ తో వస్తుంది మరియు Knox Vault సెక్యూరిటీ ని కూడా కలిగి ఉంటుంది.
ఈ శామ్సంగ్ గెలాక్సీ స్మార్ట్ ఫోన్ లో వెనుక 50 MP + 2 MP డ్యూయల్ రియర్ కెమెరా మరియు ముందు 8MP సెల్ఫీ కెమెరా కూడా ఉంటుంది. ఈ ఫోన్ 10X డిజిటల్ జూమ్ కి సపోర్ట్ చేస్తుంది మరియు 60fps వద్ద FHD (1920 x 1080) వీడియో రికార్డు సపోర్ట్ తో ఉంటుంది.
Also Read: Aadhaar Update: 10 రోజుల్లో బంద్ కాబోతున్న ఆధార్ ఉచిత సర్వీస్.!
ఈ శామ్సంగ్ లేటెస్ట్ బడ్జెట్ స్మార్ట్ ఫోన్ 5000 భారీ బ్యాటరీ సపోర్ట్ ను కలిగి ఉంటుంది. అంతేకాదు, ఈ ఫోన్ ను చాలా వేగంగా ఛార్జ్ చేసే 25W ఫాస్ట్ ఛార్జ్ సపోర్ట్ ను కూడా కలిగి ఉంటుంది. ఈ ఫోన్ లైట్ బ్లూ, బ్లాక్ మరియు గోల్డ్ మూడు కలర్ ఆప్షన్ లలో లభిస్తుంది.
