ప్రముఖ ఎలక్ట్రానిక్స్ కంపెనీ Samsung మరొక స్మార్ట్ ఫోన్ ను విడుదల చేసింది. ఈ స్మార్ట్ ఫోన్ ను గత సంవత్సరం అందించిన గెలాక్సీ A03 యొక్క తరువాతి తరం ఫోన్ గా ఈ Samsung Galaxy A04 స్మార్ట్ ఫోన్ ను లాంచ్ చేసింది. ఈ ఫోన్ 50MP ప్రధాన కెమెరా, బిగ్ బ్యాటరీ మరియు మరిన్ని ఇతర ఫీచర్లతో వచ్చింది. ఈ లేటెస్ట్ శామ్సంగ్ స్మార్ట్ ఫోన్ ఎలాంటి వివరాలతో వచ్చిందో చూద్దాం.
శామ్సంగ్ గెలాక్సీ ఎ04 స్మార్ట్ ఫోన్ 6.5 ఇంచ్ HD+ రిజల్యూషన్ డిస్ప్లేను కలిగివుంది. ఈ డిస్ప్లే ఇన్ఫినిటీ వి- నోచ్ తో వస్తుంది మరియు ఇందులో 5MP సెల్ఫీ కెమెరాని కలిగి ఉంటుంది. ఈ ఫోన్ యొక్క ఏ ప్రాసెసర్ తో పనిచేస్తుందనే విషయాన్ని కంపెనీ ఇంకా ప్రకటించలేదు. అయితే, ఈ ఫోన్ లో Exynos 850 ఆక్టా కోర్ ప్రాసెసర్ ఉందవచ్చని ఊహిస్తున్నారు. ఈ ఫోన్ 8GB RAM మరియు 128GB ఇంటర్నల్ స్టోరేజ్ లతో వస్తుంది.
ఈ ఫోన్ 3.5mm జాక్, డ్యూయల్-బ్యాండ్ WiFi ac, Bluetooth 5.0 ఫీచర్లతో వస్తుంది. అలాగే, Android 12 ఆధారిత One UI కోర్ 4.1 సాఫ్ట్‌వేర్‌ తో నడుస్తుందని కంపెనీ వెల్లడించింది. ఈ ఫోన్ పెద్ద 5000 mAh బ్యాటరీతో వస్తుంది. అయితే, ఈ ఫోన్ ఎటువంటి ఛార్జింగ్ టెక్ ను తో వస్తుందో మాత్రం కంపెనీ తెలుపలేదు.
శామ్సంగ్ గెలాక్సీ ఎ04 స్మార్ట్ ఫోన్ యొక్క ధర మరియు సేల్ వివరాలను Samsung ఇంకా వెల్లడించలేదు. ఈ స్మార్ట్ ఫోన్ తెలుపు, నలుపు, ఆకుపచ్చ మరియు రాగి రంగులలో అందుబాటులో ఉంటుంది.