షియోమి తన 11 సిరీస్ లైనప్ కు మరొక స్మార్ట్ ఫోన్ ను జత చేసింది. అదే Redmi Note 11 SE స్మార్ట్ ఫోన్. ఈ స్మార్ట్ ఫోన్ ను 15 వేల రూపాయల సబ్ కేటగిరిలో 64MP క్వాడ్ కెమెరా మరియు సూపర్ AMOLED డిస్ప్లే వంటి మరిన్ని ఫీచర్లతో షియోమీ ఇండియన్ మార్కెట్లో ప్రవేశపెట్టింది. షియోమీ లేటెస్ట్ గా విడుదల చేసిన ఈ కొత్త బడ్జెట్ స్మార్ట్ ఫోన్ యొక్క ధర, స్పెక్స్ మరియు ఫీచర్లను తెలుసుకోండి.
రెడ్ మి నోట్ 11 SE స్మార్ట్ ఫోన్ 6GB ర్యామ్ మరియు 64GB వేరియంట్ తో లాంచ్ అయ్యింది మరియు దీని ధర రూ.13,999. ఈ ఫోన్ యొక్క మొదటి సేల్ ఆగష్టు 31 వ తేదీ మధ్యాహ్నం 12 గంటలకు Flipkart, Mi.com,Mi Home మరియు Mi Studios నుండి జరుగుతుంది. ఈ ఫోన్ పైన ICICI బ్యాంక్ కార్డ్స్ పైన 1000 తగ్గింపు అఫర్ ను కూడా ప్రకటించింది.
రెడ్ మి నోట్ 11 SE యొక్క స్పెక్స్ విషయానికి వస్తే, ఇది 6.43 ఇంచ్ FHD+ సూపర్ AMOLED డిస్ప్లేని పంచ్ హోల్ డిజైన్ తో కలిగివుంది. ఈ 1100 నిట్స్ పీక్ బ్రైట్నెస్ తో వస్తుంది వుంది మరియు కార్నింగ్ గొరిల్లా గ్లాస్ రక్షణతో వస్తుంది. ఈ ఫోన్ వేగవంతమైన మీడియాటెక్ గేమింగ్ ప్రోసెసర్ Helio G95 SoC తో పనిచేస్తుంది. దీనికి జతగా 6GB ర్యామ్ మరియు 64GB స్టోరేజ్ లను అందిస్తుంది.
కెమెరా పరంగా, ఈ ఫోన్ వెనుక క్వాడ్ రియర్ కెమెరాని కలిగివుంది. ఇందులో 64MP మైన్ కెమెరా, 8ఎంపి అల్ట్రా-వైడ్ కెమెరా, 2MP డెప్త్ మరియు 2MP పోర్ట్రైట్ సెన్సార్ లను అందించింది. ఇక సెల్ఫీల కోసం పంచ్ హోల్ లో 13ఎంపి సెల్ఫీ కెమెరాని అందించింది. ఈ ఫోన్ 5,000 mAh బిగ్ బ్యాటరీని 33W ఫాస్ట్ ఛార్జింగ్ సపోర్ట్ తో కలిగివుంది.
ఇక ఇతర ఫీచర్ల విషయానికివస్తే, ఇది MIUI 12.5 స్కిన్ పైన ఆండ్రాయిడ్ 11 OS తో నడుస్తుంది. డ్యూయల్ స్టీరియో స్పీకర్లు,Hi-Res ఆడియో సర్టిఫికేషన్ తో కూడా వస్తుంది. సెక్యూరిటీ పరంగా, సైడ్ ఫింగర్ ప్రింట్ సెన్సార్ మరియు ఫేస్ అన్లాక్ ఫీచర్లను కలిగివుంది.