Realme Narzo N61: రియల్ మీ నార్జో N60 సిరీస్ నుండి కొత్త ఫోన్ ను లాంచ్ చేయబోతున్నట్లు రియల్ మీ అనౌన్స్ చేసింది. అదే రియల్ మీ నార్జో N61 స్మార్ట్ ఫోన్ మరియు ఈ ఫోన్ ను గట్టి ఆర్మోర్ షెల్ ప్రొటెక్షన్ తో తీసుకొస్తున్నట్లు రియల్ మీ తెలిపింది. ఈ ఫోన్ ఫీచర్స్ తో రియల్ మీ టీజింగ్ ను మొదలు పెట్టింది. ఈ ఫోన్ ఎప్పుడు లాంచ్ అవుతుంది మరియు ఈ ఫోన్ ఎలా ఉండబోతుందో తెలుసుకోండి.
రియల్ మీ నార్జో ఎన్ 61 స్మార్ట్ ఫోన్ జూలై 29 వ తేదీ మధ్యాహ్నం 12 గంటలకు ఇండియాలో విడుదల అవుతుంది. ఈ ఫోన్ అమెజాన్ స్పెషల్ గా వస్తుంది మరియు ఈ ఫోన్ కోసం అమెజాన్ ప్రత్యేకమైన మైక్రో సైట్ పేజి మరియు బ్యానర్ పేజిని కూడా ఇప్పటికే అందించింది.
రియల్ మీ ఈ అప్ కమింగ్ స్మార్ట్ ఫోన్ గురించి ఎక్కువ వివరాలు అందించలేదు. కానీ ఈ ఫోన్ డిజైన్, కెమెరా మరియు ఇతర వివరాలు ఇమేజ్ ద్వారా చెప్పకనే చెప్పింది. ఈ ఫోన్ చూడగానే ఆకర్షించే డిజైన్ తో అందించింది. ఈ ఫోన్ చాలా స్లీక్ డిజైన్ తో వస్తుంది. ఈ ఫోన్ రౌండ్ కార్నర్స్ మరియు డిఫరెంట్ గ్రాఫిక్ కలిగిన బ్యాక్ ప్యానల్ మరియు రెండు కలర్ లలో కనిపిస్తోంది.
క్రింద జారిపడినా హాని కలగని విధంగా ఈ ఫోన్ ను గట్టి ఆర్మోర్ షెల్ ప్రొటెక్షన్ తో తీసుకొస్తున్నట్లు రియల్ మీ తెలిపింది. అంతేకాదు, ఈ ఫోన్ IP54 రేటింగ్ తో వాటర్ మరియు డస్ట్ రెసిస్టెంట్ గా ఉంటుంది. ఈ ఫోన్ ఇమేజ్ ద్వారా ఈ ఫోన్ లో వెనుక డ్యూయల్ రియర్ కెమెరా ఉన్నట్లు చూడవచ్చు. ఈ కెమెరా సెటప్ లో 32MP ప్రధాన కెమెరా ఉన్నట్లు కూడా చూడవచ్చు. అలాగే, ఈ ఫోన్ లో టైప్ C ఛార్జ్ పోర్ట్ మరియు పక్కనే 3.5mm జాక్ వుంది.
Also Read: GOAT సేల్ చివరి రోజు SONY Bravia 2 Smart Tv ల పైన భారీ ఆఫర్లు ప్రకటించిన Flipkart
ఈ ఫోన్ డిజైన్ మరియు ఫీచర్స్ చూస్తుంటే, ఈ ఫోన్ బడ్జెట్ ధరలో వచ్చే 4G స్మార్ట్ ఫోన్ కావచ్చని అంచనా వేస్తున్నారు. అయితే, ఈ ఫోన్ ఫీచర్స్ వెల్లడి అయిన తర్వాత ఈ ఫోన్ పైన ఒక అంచనా వస్తుంది.
