Realme కొత్త ఫోన్ రేపు ఇండియాలో లాంచ్ అవుతోంది. అదే Realme Narzo N53 స్మార్ట్ ఫోన్ మరియు ఈ ఫోన్ ఐఫోన్ 13 లో కనిపించే బిగ్ ట్రిపుల్ కెమేరా డిజైన్ తో కనిపిస్తోంది. ఈ స్మార్ట్ ఫోన్ లుక్స్ పరంగా అక్కటుకుంటోంది మరియు ఈ ఫోన్ లో ఫీచర్ల పరంగా ఎలా ఉంటుందో ఫోన్ లాంచ్ తరువాత చూడాలి. అయితే, కంపెనీ ఇప్పటికే కొన్ని కీలకమైన ఫీచర్లను టీజర్ ద్వారా తెలియ చేసింది. రేపు ఇండియాలో విడుదల కాబోతున్న ఈ రియల్ మి స్మార్ట్ ఫోన్ యొక్క సంగతులు ఏమిటో చూసేద్దాం పదండి.
రియల్ మి నార్జో ఎన్53 స్మార్ట్ ఫోన్ ను అమెజాన్ స్పెషల్ గా రియల్ మి తీసుకువస్తునట్లు సూచించింది. ఈ ఫోన్ కోసం అమెజాన్ ప్రత్యేకమైన మైక్రో సైట్ ను అందించింది మరియు స్పెక్స్ తో టీజింగ్ చేస్తోంది. ఈ ఫోన్ ను రియల్ మి Gold ఫిల్మెంట్ కోటింగ్ మరియు కాలిఫోర్నియా సన్ షైన్ డిజైన్ తో తీసుకు వస్తున్నట్లు టీజింగ్ నుండి తెలిపింది.
ఈ ఫోన్ యొక్క ఛార్జింగ్ సిస్టమ్ మరియు బ్యాటరీ వివరాలను కూడా పంచుకుంది రియల్ మి. Narzo N53 ఫోన్ ను 33W ఫాస్ట్ ఛార్జింగ్ సపోర్ట్ మరియు ఓవర్ టెంపరేచర్ ప్రొటక్షన్ కలిగిన 5000mAh బ్యాటరీతో అందిస్తున్నట్లు టీజింగ్ ద్వారా చెబుతోంది.
ఈ ఫోన్ లో ఉన్న మరొక ఫీచర్ గురించి కూడా టీజర్ నుండి గొప్పగా చెబుతోంది. ఈ ఫోన్ లో డైనమిక్ RAM ఫీచర్ తో 12GB వరకూ ర్యామ్ ను అందుకోవచ్చని హింట్ ఇచ్చింది. ఈ ఫోన్ 2TB ఎక్స్ టర్నల్ స్టోరేజ్ కి సపోర్ట్ కూడా సపోర్ట్ ను కలిగి వుంది.
ఇది బడ్జెట్ సిరీస్ నుండి వస్తున్న ఫోన్ కాబట్టి ధర కూడా బడ్జెట్ యూజర్లను ఆకర్షించే విధంగా ఉంటుంది. ఈ ఫోన్ మే 18, అనగా రేపు మధ్యాహ్నం 12 గంటలకు లాంచ్ అవుతుంది.