Realme GT 7 Pro స్మార్ట్ ఫోన్ లాంచ్ గురించి కంపెనీ అనౌన్స్ చేసింది. గత నెల చివరిలో ఈ ఫోన్ లాంచ్ గురించి టీజింగ్ మొదలు పెట్టిన కంపెనీ, ఇప్పుడు ఈ టీజింగ్ పై మరింత వేగం పెంచింది. ఈ ఫోన్ ను నవంబర్ లో విడుదల చేస్తున్నట్లు ప్రకటించిన రియల్ మీ, ఇప్పుడు ఈ ఫోన్ యొక్క కీలకమైన స్పెక్స్ ను ఒక్కొక్కటిగా విడుదల చేయడం మొదలు పెట్టింది. ఈ అప్ కమింగ్ రియల్ మీ ఫోన్ ను 120X AI కెమెరాతో తీసుకు వస్తున్నట్లు కంపెనీ కొత్తగా అనౌన్స్ చేసింది.
రియల్ మీ అప్ కమింగ్ ఫోన్ GT 7 ప్రో 5జి స్మార్ట్ ఫోన్ ను నవంబర్ నెలలో విడుదల చేస్తుందని కంపెనీ తెలిపింది. అయితే, ఈ ఫోన్ లాంచ్ డేట్ ను మాత్రం ఇంకా కన్ఫర్మ్ చెయ్యలేదు. అయితే, ఈ ఫోన్ ను త్వరలోనే లాంచ్ చేస్తుందని మాత్రం తెలిపింది. ఈ ఫోన్ ను Snapdragon 7 Elite చిప్ సెట్ తో లాంచ్ చేస్తుందని కూడా కంపెనీ ముందు వెల్లడించింది. ఈ చిప్ సెట్ 30 లక్షలకు పైగా AnTuTu స్కోర్ కలిగి ఉంటుంది మరియు చాలా వేగవంతమైన ప్రోసెసర్ గా లిస్ట్ చెయ్యబడింది.
రియల్ మీ GT 7 ప్రో 5జి స్మార్ ఫోన్ యొక్క మరొ ఫీచర్ ను రియల్ మీ ఇప్పుడు వెల్లడించింది. ఈ ఫోన్ లో 120X AI కెమెరా ఉన్నట్లు కంపెనీ తెలిపింది. అంతేకాదు, ఈ ఫోన్ రియల్ మీ యొక్క Hyper Image + ఫీచర్ తో మరింత పవర్ ఫుల్ కెమెరా సెటప్ తో ఉండే అవకాశం వుంది. ఈ ఫోన్ టీజర్ ఇమేజ్ ద్వారా ఈ ఫోన్ లో వెనుక ట్రిపుల్ రియర్ కెమెరా సెటప్ ఉన్నట్టు క్లియర్ చేసింది.
Also Read: Flipkart sale ముగిసినా ముగియని ఆఫర్లు: ఈ స్మార్ట్ ఫోన్ డీల్స్ పై లుక్కేయండి.!
స్నాప్ డ్రాగన్ 8 ఎలైట్ ప్రోసెసర్ చాలా శక్తివంతమైనది మరియు దీనికి అనుకూలమైన కొన్ని ఫీచర్స్ ను మనము ఎక్స్ పెక్ట్ చేయవచ్చు. ఈ ఫోన్ లో LPDDR5X ర్యామ్ ను మరియు UFS 4.0 ఇంటర్నల్ స్టోరేజ్ ను జత చేసే అవకాశం ఉంటుంది. అంతేకాదు, ఈ ఫోన్ ను 1.5K రిజల్యూషన్ కలిగిన స్క్రీన్ మరియు ఫాస్ట్ ఛార్జ్ సపోర్ట్ కలిగిన పెద్ద బ్యాటరీ వంటి ఫీచర్స్ ను ఈ ఫోన్ కలిగి ఉండవచ్చని అంచనా వేస్తున్నారు.
అయితే, ఈ ఫోన్ లాంచ్ నాటికి ఈ అంచనా ఫీచర్స్ లో ఎన్ని నిజమౌతాయి అని తెలుస్తుంది. ఈ ఫోన్ అమెజాన్ స్పెషల్ గా వస్తుంది మరియు ఈ ఫోన్ లాంచ్ తర్వాత అమెజాన్ నుంచి ప్రతేకంగా సాల్ అవుతుంది.
