POCO X6 Neo 5G: 108MP డ్యూయల్ కెమేరాతో వచ్చింది.. ఫీచర్లు ఎలా ఉన్నాయంటే.!

POCO X6 Neo 5G: పోకో బ్రాండ్ నుండి లేటెస్ట్ 5G స్మార్ట్ ఫోన్ పోకో X6 నియో 5G ఈరోజు రిలీజ్ అయ్యింది. ఈ స్మార్ట్ ఫోన్ ను కేవలం 15 వేల రూపాయల ప్రారంభ ధరలో 108MP డ్యూయల్ కెమేరా మరియు 120Hz AMOLED డిస్ప్లే వంటి ఆకర్షణీయమైం ఫీచర్స్ తో తీసుకు వచ్చింది. ఈ పోకో లేటెస్ట్ స్మార్ట్ ఫోన్ అర్లీ యాక్సెస్ సేల్ కూడా ఈరోజు సాయంత్రం 7 గంటల నుండే మొదలువుతుంది. మరి ఈరోజే మార్కెట్ లో అడుగు పెట్టిన ఈ లేటెస్ట్ పోకో 5జి స్మార్ట్ ఫోన్ ధర, స్పెక్స్ మరియు ఫీచర్ల పైన ఒక లుక్కేద్దామా.

POCO X6 Neo 5G: Price

పోకో ఈ ఎక్స్ 6 నియో స్మార్ట్ ఫోన్ ను రూ. 15,999 ప్రారంభ ధరతో ప్రవేశపెట్టింది. ఈ ఫోన్ యొక్క (8GB + 128GB) వేరియంట్ ను ఈ రేటుతో అందించింది. ఈ ఫోన్ యొక్క (12GB + 256GB) వేరియంట్ ను కేవలం రూ. 17,999 ధరతో ప్రకటించింది. ఈ ఫోన్ పైన రూ. 1,000 రూపాయల ICICI బ్యాంక్ డిస్కౌంట్ అఫర్ మరియు రూ. 1,000 రూపాయల ఎక్స్ చేంజ్ బోనస్ ఆఫర్ ను అందించింది.

ఈ స్మార్ట్ ఫోన్ ఈరోజు 7 గంటల నుండి Early Access Sale కి అందుబాటులోకి వస్తుంది. ఈ పోకో కొత్త ఫోన్ ఆస్ట్రల్ బ్లాక్, హరీజోన్ బ్లూ మరియు మార్టియన్ ఆరంజ్ అనే మూడు కలర్ ఆప్షన్ లలో లభిస్తుంది.

Also Read: ధమాకా ఆఫర్: డ్యూయల్ సబ్ ఉఫర్ Soundbar పైన గొప్ప డిస్కౌంట్ అందుకోండి.!

POCO X6 Neo 5G: Specs

పోకో ఎక్స్ 6 నియో 5జి స్మార్ట్ ఫోన్ ను కేవలం 7.69mm మందంతో పర్ఫెక్ట్ స్లీక్ డిజైన్ తో తీసుకు వచ్చింది. ఈ పోకో ఫోన్ లో 6.67 ఇంచ్ AMOLED డిస్ప్లే వుంది. ఈ స్క్రీన్ 120Hz రిఫ్రెష్ రేట్, 1000 నిట్స్ పీక్ బ్రైట్నెస్ మరియు గొరిల్లా గ్లాస్ 5 ప్రొటెక్షన్ తో ఉంటుంది. పోకో ఈ ఫోన్ ను ,మీడియాటెక్ Dimensity 6080 5G ప్రోసెసర్ తో తీసుకు వచ్చింది. ఈ ఫోన్ 8GB / 12GB RAM మరియు 128GB / 256GB ఇంటర్నల్ స్టోరేజ్ ఆప్షన్ లలో లభిస్తుంది.

పోకో ఎక్స్ 6 నియో 5జి ఫోన్ లో వెనుక 108MP + 2MP డ్యూయల్ రియర్ కెమేరా మరియు ముందు 16MP సెల్ఫీ కెమేరా సెటప్ వుంది. ఈ ఫోన్ ఫ్రెంట్ మరియు బ్యాక్ కెమేరాతో 1080p (at 30 fps) వీడియోలను షూట్ చేసే వీలుంది. ఈ పోకో ఫోన్ 33W ఫాస్ట్ ఛార్జ్ సపోర్ట్ కలిగిన 5000 mAh బ్యాటరీని కలిగి వుంది.

ఈ ఫోన్ ను పోకో MIUI 14 సాఫ్ట్ వేర్ తో Android 13 OS తో అందించింది. ఈ ఫోన్ లో మోనో స్పీకర్ ఉన్నా దాన్ని Dolby Atmos సపోర్ట్ తో అందించింది.

Follow Us

Raja Pullagura

Crazy about tech...Cool in nature... View Full Profile