Poco F6 Deadpool స్పెషల్ లిమిటెడ్ ఎడిషన్ స్మార్ట్ ఫోన్ ను తీసుకొస్తున్నట్లు తెలుస్తోంది. ఈ అప్ కమింగ్ ఫోన్ బాక్స్ మరియు వివరాలలు ఇప్పుడు నెట్టింట్లో రివీల్ అయ్యాయి. ఈ ఫోన్ కొత్త డెడ్ పూల్ కలర్ మరియు ఇమేజ్ తో ఆకట్టుకుంటోంది. రెండు నెలల క్రితం ఇండియాలో మార్కెట్ లో పోకో విడుదల చేసిన మిడ్ రేంజ్ పవర్ ఫుల్ ఫోన్ పోకో ఎఫ్ 6 స్మార్ట్ ఫోన్ యొక్క స్పెషల్ లిమిటెడ్ ఎడిషన్ గా ఈ ఫోన్ తీసుకొస్తోంది.
పోకో ఎఫ్ 6 డెడ్ పూల్ స్పెషల్ లిమిటెడ్ ఎడిషన్ ను త్వరలో లాంచ్ చేస్తుందని పోకో ఇండియా కంట్రీ హెడ్ హిమాన్షు టండన్ అనౌన్స్ చేశారు. అంతేకాదు, ఈ అప్ కమింగ్ ఫోన్ యొక్క బాక్స్ మరియు ఇమేజ్ తో ఈ ఫోన్ వివరాలను తన అధికారిక X అకౌంట్ నుండి రివీల్ చేశారు. మార్వెల్ స్టూడియో తీసుకు వస్తున్న డెడ్ పూల్ అండ్ వోల్వరిన్ సినిమా కోసం ఈ పోకో ఎఫ్ 6 డెడ్ పూల్ స్పెషల్ లిమిటెడ్ ఎడిషన్ ను తీసుకు వస్తున్నారు. ఈ సినిమా రేపు ప్రపంచ వ్యాప్తంగా విడుదల అవుతుంది. ఈ ఫోన్ కూడా అదే రోజు నుంచి విడుదల అయ్యే అవకాశం ఉండవచ్చు.
ఇక ఈ కొత్త స్పెషల్ ఎడిషన్ ఫోన్ వివరాల్లోకి వెళితే, ఈ కొత్త ఫోన్ కొత్త డెడ్ పూల్ థీమ్ రెడ్ కలర్ లో కనిపిస్తోంది. అంతేకాదు, ఈ ఫోన్ లో వెనుక డెడ్ పూల్ అండ్ వోల్వరిన్ ఫోటో ను కలిగి ఉంటుంది. ఇది స్పెషల్ లిమిటెడ్ ఎడిషన్ కాబట్టి కొన్ని యూనిట్స్ మాత్రమే అందుబాటులో ఉండవచ్చు. అయితే, ఈ ఫోన్ స్పెక్స్ లేదా ఫీచర్స్ లో ఎటువంటి మార్పులు ఉండకపోవచ్చని భావిస్తున్నారు.
పోకో ఈ స్మార్ట్ ఫోన్ ను 1.5K రిజల్యూషన్, Dolby Vision మరియు HDR 10+ సపోర్ట్ కలిగిన AMOELD స్క్రీన్ తో అందించింది. ఈ ఫోన్ ను పవర్ ఫుల్ పెర్ఫార్మెన్స్ అందించగల Snapdragon 8s Gen 3 ప్రోసెసర్ మరియు జతగా 12GB ర్యామ్ తో అందించింది. ఈ ఫోన్ 256GB మరియు 512GB స్టోరేజ్ వేరియంట్స్ లో కూడా లభిస్తుంది.
Also Read: Flipkart Sale నుంచి సగం ధరకే లభిస్తున్న JBL Soundbar ఆఫర్ పై ఒక లుక్కేయండి.!
పోకో ఎఫ్ 6 స్మార్ట్ ఫోన్ 60 fps వద్ద HDR 10+ 4K వీడియోలు షూట్ చెయ్యగల డ్యూయల్ రియర్ కెమెరా మరియు ముందు 20MP సెల్ఫీ కెమెరా కలిగి ఉంటుంది. అంతేకాదు, ఈ ఫోన్ 90W ఫాస్ట్ ఛార్జ్ సపోర్ట్ కలిగిన 5000 mAh బ్యాటరీతో కూడా ఉంటుంది. పోకో ఎఫ్ 6 ఫోన్ రూ. 27,999 ప్రారంభ ధరలో లభిస్తుంది. అయితే, పోకో ఎఫ్ 6 డెడ్ పూల్ స్పెషల్ లిమిటెడ్ ఎడిషన్ రేటు ఎంత ఉంటుందో చూడాలి.
