Oppo Reno 12 Series: ఒప్పో కొత్త ఫోన్ సిరీస్ లాంచ్ ను కన్ఫర్మ్ చేసింది. ఒప్పో రెనో 12 సిరీస్ ఫోన్ లను AI సత్తాతో తీసుకొస్తున్నట్లు కంపెనీ ప్రకటించింది. వాస్తవానికి, గత నెలలోనే ఈ ఫోన్ లను చైనా మార్కెట్లో ఒప్పో విడుదల చేసింది. ఎట్టకేలకు నెల రోజుల తర్వాత ఇండియాలో లాంచ్ చేస్తున్నట్లు ప్రకటించింది. అయితే, ఇప్పటికి కూడా ఈ ఫోన్ యొక్క లాంచ్ డేట్ ను మాత్రం అనౌన్స్ చేయలేదు. జస్ట్ ‘Coming Soon’ ట్యాగ్ తో ఆట పాటిస్తోంది అంతే.
ఒప్పో రెనో 12 సిరీస్ స్మార్ట్ ఫోన్ లను ఇండియాలో విడుదల చేస్తున్నట్లు ఒప్పో ప్రకటించింది. ఈ రెనో 12 సిరీస్ ఫోన్ లను త్వరలోనే ఇండియాలో విడుదల చేయబోతున్నట్లు అనౌన్స్ చేసింది. ఈ ఫోన్ లను AI సత్తాతో విడుదల చేయబోతున్నట్లు కూడా కన్ఫర్మ్ చేసింది. ఈ సిరీస్ నుండి రెండు ఫోన్ లను చైనా మార్కెట్ లో విడుదల చేసింది. ఇందులో, రెనో 12 మరియు రెనో 12 ప్రో రెండు ఫోన్లు ఉన్నాయి. ఇండియాలో కూడా ఈ రెండు ఫోన్లు లాంచ్ కావచ్చని అంచనా వేస్తున్నారు.
ఒప్పో ఈ రెనో 12 సిరీస్ ఫోన్స్ కోసం ఫ్లిప్ కార్ట్ ను సేల్ పార్ట్నర్ గా ఎంచుకుంది. అందుకే, ఈ ఫోన్స్ లాంచ్ కోసం ఫ్లిప్ కార్ట్ ప్రత్యేకమైన మైక్రో సైట్ బ్యానర్ మరియు మైక్రో సైట్ పేజి ను అందించింది. కంపెనీ అందించిన టీజర్ ఇమేజ్ ద్వారా ఈ ఫోన్ వివరాలు కొన్ని తేటతెల్లమయ్యాయి.
Also Read: Lava upcoming: కొత్త ఫోన్ రెండర్ లతో టీజింగ్ చేస్తున్న లావా.!
ఈ ఫోన్స్ స్లీక్ డిజైన్ మరియు షైనీ ఫ్రెమ్ తో అందంగా కనిపిస్తున్నాయి. ఈ ఫోన్ లో వెనుక ట్రిపుల్ రియర్ కెమెరా సెటప్ వుంది. ఈ ఫోన్ లాంచ్ డేట్ మరియు ఈ ఫోన్ స్పెక్స్ ను కంపెనీ త్వరలోనే ప్రకటించే అవకాశం వుంది.
అయితే, చైనాలో విడుదల చేసిన అదే ఫీచర్ లతో అదే ఫోన్ ను ఇండియాలో కూడా అందిస్తుందో లేక ఏవైనా మార్పులు చేస్తుందో చూడాలి. ఎందుకంటే, ఈ టీజర్ ఇమేజ్ ద్వారా ఈ ఫోన్ కూడా చూడటానికి అచ్చంగా చైనా వేరియంట్ మాదిరిగానే కనిపిస్తున్నాయి. అయితే, కంపెనీ అధికారికంగా ప్రకటించే వరకూ వేచి చూడాల్సి వస్తుంది.
