ఈ రోజు తన Oppo K1 స్మార్ట్ ఫోన్ను ఇండియాలో విడుదల చేసింది ఒప్పో. అయితే, కేవలం 4GB/64GB వేరియంట్ ని మాత్రమే ఇండియాలో విడుదల చేసింది. కానీ, మిడ్ రేంజ్ పరిధిలో ఒక మంచి స్పెక్స్ కలిగిన, స్మార్ట్ ఫోనుగా దీనిని తీసుకొచ్చిందని మాత్రం చెప్పొచ్చు. ఫ్లిప్ కార్ట్ భాగస్వామ్యంతో వచ్చిన ఈ స్మార్ట్ ఫోన్, లాంచ్ ఆఫర్లను కూడా తీసుకొచ్చింది. అందులో, కేవలం 1 రూపాయితో బై బ్యాక్ వేల్యూ అఫర్ అందించడం విశేషంగా చెప్పొచ్చు. ఇక ఈ ఫోన్ వివారాల్లోకి వెళదాం.
Oppo K1 ప్రత్యేకతలు
ఈ స్మార్ట్ ఫోన్, 1080 x 2340 రిజల్యూషన్ కలిగిన ఒక 6.4 అంగుళాల అమోల్డ్ డిస్ప్లేతో ఉంటుంది. ఇది 19.5:19 ఆస్పెక్ట్ రేషియాతో 91% స్క్రీన్-టూ-బాడీ రేషియోని అందిస్తుంది. ఇది ఒక వాటర్ డ్రాప్ నోచ్ మరియు డిస్ప్లేలోఅంతర్గతంగా ఒక ఫింగర్ ప్రింట్ సెన్సార్ తో వస్తుంది. అంతేకాదు,ఈ డిస్ప్లే కార్నింగ్ గొరిల్లా గ్లాస్ 5 రక్షణతో వస్తుంది. ఈ స్మార్ట్ ఫోన్ 2.2GHz వేగంతో క్లాక్ చేయబడిన, ఒక క్వల్కామ్ స్నాప్ డ్రాగన్ 660 AIE ఆక్టా కోర్ ప్రొసెసరుకి జతగా అడ్రినో 512 GPU శక్తితో వస్తుంది.ఇది కనెక్టవిటీ కోసం స్నాప్ డ్రాగన్ X12 మోడెమ్ తో వస్తుంది, ఇది 600Mbps వరకు స్పీడ్ అందిస్తుంది. ఇది 4GB ర్యామ్ మరియు 64GB స్టోరేజితో వస్తుంది
కెమేరాల విషయానికి వస్తే, వెనుక 16MP కెమేరాకు జతగా మరొక 2MP సెన్సార్ కలిగిన డ్యూయల్ కెమేరాతో ఉంటుంది.ఈ ప్రధాన కెమేరా ఒక Sony IMX 398 సెన్సార్ తో వస్తుంది. ఇక ముందుభాగంలో ఒక 25MP AI సెల్ఫీ కెమెరాతో ఉంటుంది మరియు ఇది 8 రకాల బ్యూటీ కస్టమ్ మోడ్లతోవస్తుంది. ఇది ఆండ్రాయిడ్ ఓరెయో 8.1 ఆధారితంగా కలర్ OS 5.2 పైన నడుస్తుంది. ఈ స్మార్ట్ ఫోన్ ఒక 3600mAh బ్యాటరీతో వస్తుంది మరియు పియానో బ్లాక్,ఆస్ట్రల్ బ్లూ వంటి రెండు రంగుల ఎంపికలో లభిస్తుంది.
Oppo K 1 ధర మరియు లాంచ్ ఆఫర్లు
ఇది 4GB మరియు 64GB వేరియంట్ తో మాత్రమే విడుదల చేయబడింది. ఇక ధరను గురించి చూస్తే కనుక, ఈ 4GB వేరియంట్ రూ. 16,990 ధరతో విడుదలయ్యింది. అంతేకాకుండా, ఫ్లిప్ కార్ట్ నుండి కొనుగోలు చేసేవారికి, No Cost EMI, 90% మరియు Complete Mobile Protection ప్లాన్ అఫర్ కూడా అందించింది. ఇక Citi క్రెడిట్ మరియు డెబిట్ కార్డుతో కొనుగోలు చేసేవారికి 10%తక్షణ సేవింగ్ కూడా అందుకోవచ్చు. ఈ స్మార్ట్ ఫోన్ యొక్క మొదటి సేల్ Flipkart.com నుండి ఫిబ్రవరి 12 వ తేదీ మధ్యాహ్నం 12 గంటల నుండి ప్రారంభమవుతుంది.