నోకియా వరుసగా ఫ్లిప్ ఫోన్లను విడుదల చేస్తోంది. ఇటీవలే, Nokia 2660 Flip ఫోన్ ను లాంచ్ చేసిన నోకియా, ఇప్పుడు కొత్త ఫ్లిప్ ఫోన్ Nokia 2780 Flip ను విడుదల చేసింది. నోకియా ఈ లేటెస్ట్ ఫ్లిప్ ఫోన్ ను క్వాల్కమ్ ప్రోసెసర్ తో తీసుకొచ్చింది. అంతేకాదు, ఈ ఫోన్ అందమైన కలర్ అప్షన్ లలో లభిస్తుంది. నోకియా లేటెస్ట్ గా లాంచ్ చేసిన ఈ నోకియా 2780 ఫ్లిప్ ఫోన్ ధర, స్పెక్స్ మరియు పూర్తి వివరాలు తెలుసుకోండి.
నోకియా 2780 ఫ్లిప్ ఫీచర్ ఫోన్ కంపెనీ US లో మాత్రమే విడుదల చేసింది. ఈ ఫోన్ ఇతర దేశాల్లో విడుదల చేస్తుందో లేదో అనే విషయాన్ని తెలుపలేదు. ఈ ఫోన్ బ్లూ మరియు రెడ్ రెండు కలర్ ఎంపికలలో లభిస్తుంది మరియు ఇది $89.99 ధరతో లాంచ్ చెయ్యబడింది. అంటే, రూపాయితో పోలిస్తే ఇది దాదాపుగా రూ. 7,399 రూపాయలగా ఊహించవచ్చు.
ఇక నోకియా 2780 ఫ్లిప్ ఫోన్ ఫీచర్ల విషయానికి వస్తే, ఈ ఫోన్ 2.7 ఇంచ్ మైన్ TFT స్క్రీన్ తో వస్తుంది. అంటే, మీకు స్పష్టమైన మరియు పెద్ద రూపాన్ని డిస్ప్లే పైన అందిస్తుంది. అలాగే, 1.77 ఇంచ్ ఫ్రంట్ డిస్ప్లే ఇన్కమింగ్ కాల్ లను సులభంగా గుర్తించేలా చేస్తుంది. ఈ ఫోన్ లో బిగ్ బటన్స్ అందుతాయి మరియు చాలా ఈజీగా మెసేజ్ టైపింగ్ చేయటానికి సహాయ పడుతుంది.
ఈ ఫోన్ 5MP కెమెరాను కలిగి వుంది మరియు దీనికి జతగా LED ఫ్లాష్ ని కూడా అందించింది. ఈ ఫోన్ క్వాల్కమ్ యొక్క 214 చిప్ సెట్ తో వస్తుంది. ఈ ఫోన్ కేవలం సింగల్ సిమ్ కు మాత్రమే సపోర్ట్ చేస్తుంది మరియు 512MB ర్యామ్ + 4GB ఇంటర్నల్ స్టోరేజిలను కలిగివుంది.