MOTOROLA G45 5G స్మార్ట్ ఫోన్ 10 వేల బడ్జెట్ లో సూపర్ ఫీచర్స్ తో వచ్చింది.!

MOTOROLA G45 5G స్మార్ట్ ఫోన్ 10 వేల బడ్జెట్ లో సూపర్ ఫీచర్స్ తో వచ్చింది. ఈ మాట ఈ ఫోన్ ఫీచర్స్ ను చూస్తే మీరే అంటారు. గత కొంత కాలంగా బడ్జెట్ యూజర్లను టార్గెట్ చేసుకొని G సిరీస్ నుంచి వరుసగా కొత్త స్మార్ట్ ఫోన్ లను విడుదల చేస్తూ వస్తున్న మోటోరోలా, ఇప్పుడు చాలా అగ్రెసివ్ ప్రైస్ లో ఈ కొత్త ఫోన్ లాంచ్ చేసింది. ఈ ఫోన్ లేటెస్ట్ మరియు ట్రెండీ ఫీచర్స్ ను కలిగి ఉండడమే కాకుండా చవక ధరలో కూడా ఉంటుంది.

MOTOROLA G45 5G: ధర

మోటోరోలా ఈ స్మార్ట్ ఫోన్ ను కేవలం రూ. 10,999 ప్రారంభ ధరలో విడుదల చేసింది. ఈ బేసిక్ వేరియంట్ 4GB + 128GB తో వస్తుంది. అయితే, ఈ ఫోన్ రెండవ 8GB + 128GB వేరియంట్ ను కూడా కేవలం రూ. 12,999 ధరలో లాంచ్ చేసింది.

ఆఫర్స్:

Axis మరియు IDFC First బ్యాంక్ క్రెడిట్ మరియు EMI ఆప్షన్ లతో ఈ ఫోన్ ను కొనుగోలు చేసే యూజర్లకు రూ. 1,000 డిస్కౌంట్ లభిస్తుంది. అంటే, ఈ స్మార్ట్ ఫోన్ ను ఈ బ్యాంక్ ఆఫర్ తో రూ. 9,999 ప్రారంభ ధరకే అందుకోవచ్చు. ఆగస్టు 28వ తేదీ మధ్యాహ్నం 12 గంటలకు ఈ ఫోన్ ఫస్ట్ సేల్ Flipkart మరియు motorola.in నుంచి మొదలవుతుంది.

MOTOROLA G45 5G: ఫీచర్స్

మోటోరోలా జి45 5జి స్మార్ట్ ఫోన్ HD+ రిజల్యూషన్ మరియు 120Hz రిఫ్రెష్ రేట్ కలిగిన 6. 67 ఇంచ్ IPS LCD స్క్రీన్ తో వస్తుంది. ఈ మోటోరోలా కొత్త స్మార్ట్ ఫోన్ Snapdragon 6s Gen 3 చిప్ సెట్ తో పని చేస్తుంది మరియు జతగా 4GB / 8GB ర్యామ్ మరియు 8GB ర్యామ్ బూస్ట్ తో పాటు 128GB ఇంటర్నల్ స్టోరేజ్ ను కూడా కలిగి ఉంటుంది.

ఈ ఫోన్ ను ఈ 10 వేల బడ్జెట్ లో ఎన్నడూ లేని విధంగా ప్రీమియం వెగాన్ లెథర్ డిజైన్ మరియు కలర్ ఆప్షన్ లలో అందించింది. ఈ ఫోన్ లో వెనుక 50MP + 8MP డ్యూయల్ వుంది మరియు ఉందు 16MP సెల్ఫీ కెమెరా కూడా ఉంటుంది. ఈ ఫోన్ కెమెరా 30fps వద్ద FHD వీడియోలు మరియు గొప్ప ఫోటోలు అందించే సత్తా కలిగి ఉంటుంది అని మోటోరోలా తెలిపింది.

Also Read: FHD టీవీ రేటుకే బ్రాండెడ్ 50 ఇంచ్ 4K Smart Tv అందుకోండి.!

ఈ మోటోరోలా స్మార్ట్ ఫోన్ Dolby Atmos మరియు Hi-Res Audio సపోర్ట్ కలిగిన దూల స్టీరియో స్పీకర్లు కూడా కలిగి ఉంటుంది. ఈ ఫోన్ స్మార్ట్ కనెక్ట్, IP 52 రేటింగ్, గొరిల్లా గ్లాస్ 3 ప్రొటెక్షన్ వంటి ఫీచర్స్ ను కూడా కలిగి ఉంటుంది. ఈ ఫోన్ లో 5000 mAh బిగ్ బ్యాటరీ మరియు 20W టర్బో పవర్ ఫాస్ట్ ఛార్జ్ సపోర్ట్ ను కలిగి వుంది.

Follow Us

Raja Pullagura

Crazy about tech...Cool in nature... View Full Profile