మోటోరోలా తన అప్ కమింగ్ స్మార్ట్ ఫోన్ వివరాలను వెల్లడించింది. మోటో Edge సిరీస్ నుండి వస్తున్నా ఈ స్మార్ట్ ఫోన్ యొక్క ఫీచర్లతో టీజర్ ను కూడా లాంచ్ చేసింది. అదే, Motorola Edge 40 స్మార్ట్ ఫోన్ మరియు ఈ ఫోన్ యొక్క కీలకమైన స్పెక్స్ తో కంపెనీ టీజింగ్ కూడా అందించింది. ఈ స్మార్ట్ ఫోన్ ఆకట్టుకునే కొత్త డిజైన్ తో పాటుగా ఫీచర్లతో కనిపిస్తోంది. ఈ ఫోన్ గురించి కంపెనీ వెల్లడించిన కీ స్పెక్స్ మరియు డిజైన్ వివరాలతో ఈ ఫోన్ ఎలా ఉండబోతోందో ఒక లుక్కేద్దాం పదండి.
మోటోరోలా ఈ స్మార్ట్ ఫోన్ యొక్క కీలకమైన స్పెక్స్ విడుదల చేసింది మరియు ఈ స్పెక్స్ మరియు ఫీచర్స్ తో ఫోన్ పైన అంచనాలను కూడా మరింతగా పెంచింది. ఫ్లిప్ కార్ట్ మోటోరోలా ఎడ్జ్ 40 ఫోన్ కోసం ప్రత్యేకమైన మైక్రో సైట్ పేజ్ ను అందించింది మరియు ఈ పేజ్ ద్వారా ఈ స్పెక్స్ వివరాలను అందించింది.
మోటోరోలా ఈ స్మార్ట్ ఫోన్ ను సెగ్మెంట్ ఫస్ట్ 144Hz రిఫ్రెష్ రేట్ 3D Curved డిస్ప్లే తో ఈ ఫోన్ ను తీసుకువస్తున్నట్లు తెలిపింది. ఈ ఫోన్ ప్రమియం లెదర్ మరియు అట్రాక్టివ్ డిజన్ తో కనిపిస్తోంది. ఎడ్జ్ 40 ఫోన్ OIS సపోర్ట్ కలిగిన 50MP+13MP అల్ట్రా వైడ్/మ్యాక్రో డ్యూయల్ కెమేరా సెటప్ ను కలిగి వుంది. ఈ మోటో ఫోన్ లో ముందు 32MP సెల్ఫీ కెమేరా కొద వుంది. ఈ ఫోన్ మీడియాటెక్ Dimensity 8020 ప్రోసెసర్ తో కలిగిన వరల్డ్స్ ఫస్ట్ ఫోన్ అవుతుందని కంపెనీ తెలిపింది.
ఈ ఫోన్ లో 8GB LPDDR4X ర్యామ్ మరియు 256 GB (UFS 3.1) స్టోరేజ్ లను కూడా జత చేసినట్లు మోటో టీజింగ్ ద్వారా సూచించింది. ఈ ఫోన్ 68W టర్బో పవర్ ఫాస్ట్ ఛార్జింగ్ సపోర్ట్ తో 4400 mAh బ్యాటరీతో వస్తుందని కూడా కంపెనీ తెలిపింది. ఈ ఫోన్ Dolby Atmos సపోర్ట్, IP68 రేటింగ్ (వాటర్ ప్రూఫ్) వంటి మరిన్ని ఫీచర్లను కూడా కలిగి వుంది.
మోటోరోలా ఈ స్మార్ట్ ఫోన్ మే 23న ఇండియన్ మార్కెట్ లో విడుదల చేయనున్నట్లు ప్రకటించింది.