ఇండియాలో కొత్త ఫోన్ ను లాంచ్ చేయడానికి మోటోరోలా సిద్దమవుతోంది. Moto G13 స్మార్ట్ ఫోన్ ను మార్చి 29వ తేదీ మధ్యాహ్నం 12 గంటలకు విడుదల చేస్తున్నట్లు కంపెనీ ప్రకటించింది. ఈ ఫోన్ ను లేటెస్ట్ నియర్ స్టాక్ Android 13 OS తో పాటుగా మరిన్ని ఆకర్షనీయమైన ఫీచర్లతో తీసుకు వస్తునట్లు మోటోరోలా ఇప్పటికి టీజింగ్ మోదలుపెట్టింది. ఈ ఫోన్ యొక్క అంచనా మరియు టీజ్డ్ స్పెక్స్ పైనఒక లుక్కేద్దామా.
మోటోరోలా ఈ Moto G13 యొక్క చాలా స్పెక్స్ ను ఇప్పటికే టీజింగ్ ద్వారా వెల్లడించింది. అంతేకాదు, Flipkart ఈ ఫోన్ కోసం ప్రత్యేకమైన మైక్రో సైట్ పేజ్ ను కూడా అందించింది. ఈ స్మార్ట్ ఫోన్ 6.5 ఇంచ్ IPS LCD డిస్ప్లేని కలిగి వుంటుంది. ఈ డిస్ప్లే 90Hz రిఫ్రెష్ రేట్ తో వస్తుంది మరియు సెల్ఫీ కెమెరా కోసం పైన మధ్య భాగంలో పంచ్ హోల్ డిజైన్ వుంది. ఈ ఫోన్ మీడియాటెక్ Helio G85 ఆక్టా కోర్ ప్రాసెసర్ శక్తితో పనిచేస్తుంది. దీనికి జతగా 4GB ర్యామ్ మరియు 128GB స్టోరేజ్ లను కలిగి వుంటుంది.
ఆప్టిక్స్ పరంగా, ఈ ఫోన్ వెనుక 50MP క్వాడ్ పిక్సెల్ రియర్ కెమెరాతో వుంది. ముందు పంచ్ హోల్ లో 8MP సెల్ఫీ కెమెరాని ఈ ఫోన్ కలిగివుంది. ఈ ఫోన్ 5,000 mAh బిగ్ బ్యాటరీని 33W ఫాస్ట్ ఛార్జింగ్ సపోర్ట్ తో కలిగివుంది. ఈ ఫోన్ లేటెస్ట్ నియర్ స్టాక్ ఆండ్రాయిడ్ 13 OS పైన పనిచేస్తుంది. అంతేకాదు, ఈ ఫోన్ లో కూడా Dolby Atmos సపోర్ట్ కలిగిన స్టీరియో స్పీకర్లు కూడా ఉన్నాయని కంపెనీ టీజింగ్ ద్వారా వెల్లడించింది.