మోటోరోలా ఇండియాలో మరొక కొత్త ఫోన్ లాంచ్ చేస్తున్నట్లు ప్రకటించింది. మోటో G సిరీస్ నుండి తీసుకురానున్న ఈ అప్ కమింగ్ స్మార్ట్ ఫోన్ యొక్క కీలకమైన స్పెక్స్ మరియు ఫీచర్ల గురించి కూడా టీజింగ్ చేస్తోంది. Flipkart ఈ ఫోన్ కోసం ప్రత్యేకమైన మైక్రో సైట్ పేజ్ ను కూడా అందించింది. అదే Moto G13 స్మార్ట్ ఫోన్ మరియు ఈ ఫోన్ ను లేటెస్ట్ నియర్ స్టాక్ Android 13 తో తీసుకువస్తునట్లు మోటోరోలా తెలిపింది. ఈ అప్ కమింగ్ స్మార్ట్ ఫోన్ యొక్క ఫీచర్లు ఎలా ఉండనున్నాయో ఒక లుక్కేద్దామా.
మోటోరోలా ఈ Moto G13 యొక్క చాలా స్పెక్స్ ను ఇప్పటికే టీజింగ్ ద్వారా వెల్లడించింది. ఈ స్మార్ట్ ఫోన్ 6.5 ఇంచ్ IPS LCD డిస్ప్లేని కలిగి వుంటుంది. ఈ డిస్ప్లే 90Hz రిఫ్రెష్ రేట్ తో వస్తుంది మరియు సెల్ఫీ కెమెరా కోసం పైన మధ్య భాగంలో పంచ్ హోల్ డిజైన్ వుంది. ఈ ఫోన్ మీడియాటెక్ Helio G85 ఆక్టా కోర్ ప్రాసెసర్ శక్తితో పనిచేస్తుంది. దీనికి జతగా 4GB ర్యామ్ మరియు 128GB స్టోరేజ్ లను కలిగి వుంటుంది.
ఆప్టిక్స్ పరంగా, ఈ ఫోన్ వెనుక 50MP క్వాడ్ పిక్సెల్ రియర్ కెమెరాతో వుంది. ముందు పంచ్ హోల్ లో 8MP సెల్ఫీ కెమెరాని ఈ ఫోన్ కలిగివుంది. ఈ ఫోన్ 5,000 mAh బిగ్ బ్యాటరీని 33W ఫాస్ట్ ఛార్జింగ్ సపోర్ట్ తో కలిగివుంది. ఈ ఫోన్ లేటెస్ట్ నియర్ స్టాక్ ఆండ్రాయిడ్ 13 OS పైన పనిచేస్తుంది. అంతేకాదు, ఈ ఫోన్ లో కూడా Dolby Atmos సపోర్ట్ కలిగిన స్టీరియో స్పీకర్లు కూడా ఉన్నాయని కంపెనీ టీజింగ్ ద్వారా వెల్లడించింది.