Lava Blaze x: జూలై 10న వస్తున్న లావా బడ్జెట్ ఫోన్ ఫీచర్లు ఇవే.!

Lava Blaze x: లావా ఈరోజు తన బడ్జెట్ స్మార్ట్ ఫోన్ బ్లేజ్ ఎక్స్ లాంచ్ డేట్ మరియు ఫీచర్లు అనౌన్స్ చేసింది. లావా బ్లేజ్ ఎక్స్ స్మార్ట్ ఫోన్ ను జూలై 10న లాంచ్ చేస్తున్నట్లు ప్రకటించింది. లాంచ్ డేట్ తో పాటు ఈ ఫోన్ పూర్తి డిజైన్ మరియు కీలకమైన ఫీచర్లు కూడా ఈరోజు వెల్లడించింది. ఈ ఫోన్ అద్భుతమైన గ్లాసీ లుక్ డిజైన్ మరియు కర్వుడ్ డిస్ప్లే తో వస్తుంది.

Lava Blaze x:

లావా బ్లేజ్ ఫోన్ లాంచ్ డేట్ కోసం ఈరోజు అందించిన టీజర్ లో ఈ ఫోన్ ఫీచర్లను కూడా అందించింది. లావా యొక్క అధికారిక X అకౌంట్ నుండి ఈ టీజర్ ను అందించింది. ఈ టీజర్ వీడియో ద్వారా ఈ ఫోన్ లో 8GB ఫిజికల్ ర్యామ్ మరియు 8GB అదనపు ర్యామ్ ఫీచర్ కూడా వుంది. అంటే, ఈ లావా అప్ కమింగ్ స్మార్ ఫోన్ టోటల్ 16GB ర్యామ్ ఫీచర్ తో వస్తుంది.

ఈ ఫోన్ లో 64MP డ్యూయల్ రియర్ కెమెరా సెటప్ వుంది. ఈ కెమెరా సెటప్ ఈ ఫోన్ లో ప్రధాన ఆకర్షణగా నిలుస్తోంది. ఎందుకంటే, ఇప్పటివరకు లావా ఎన్నడూ అందించని కొత్త కెమెరా బంప్ డిజైన్ ను ఈ ఫోన్ లో అందించింది. ఈ ఫోన్ కర్వుడ్ డిస్ప్లే మరియు వెనుక కర్వుడ్ గ్లాస్ డిజైన్ బ్యాక్ ప్యానల్ ను కలిగి ఉన్నట్లు కనిపిస్తోంది. ఈ ఫోన్ ఫ్రెండు కలర్ ఆప్షన్ లలో వస్తున్నట్లు కంపెనీ టీజర్ ద్వారా తెలిపింది.

Also Read: Power Bill: కరెంట్ బిల్ పేమెంట్ పైన RBI ఆంక్షలు.. Online లో ఎలా కట్టాలో తెలుసుకోండి .!  

ఈ ఫోన్ అమెజాన్ స్పెషల్ గా లావా తీసుకు వస్తోంది. ఈ ఫోన్ లో టైపు C ఛార్జ్ సపోర్ట్ మరియు ముందు పంచ్ హోల్ సెల్ఫీ కెమెరా మరియు మరిన్ని ఫీచర్లు ఉన్నాయి. అమెజాన్ ప్రైమ్ డే సేల్ కంటే ముందే ఈ ఫోన్ లాంచ్ చేస్తున్నట్లు ప్రకటించింది. అంటే, ఈ ఫోన్ అమెజాన్ ప్రైమ్ డే సేల్ నుండి సేల్ అందుబాటులోకి వస్తుంది.

Follow Us

Raja Pullagura

Crazy about tech...Cool in nature... View Full Profile