బడ్జెట్ ధరలో బిగ్ ర్యామ్ తో వచ్చిన Lava Blaze 2 సేల్ రేపటి నుండి స్టార్ట్ అవుతుంది.!

లావా మొబైల్స్ ఇండియాలో సరికొత్తగా విడుదల చేసిన Lava Blaze 2 మొదటిసారిగా సేల్ కి అందుబాటులోకి వస్తోంది. ఈ స్మార్ట్ ఫోన్ మొదటి సేల్ రేపు మధ్యాహ్నం 12 గంటల నుండి మొదలవుతుంది. బడ్జెట్ ధరలో వచ్చిన ఈ లావా స్మార్ట్ ఫోన్ బిగ్ ర్యామ్, ఆకర్షణీయమైన డిజైన్ మరియు ఫాస్ట్ UFS 2.2 బిగ్ స్టోరేజ్ వంటి ప్రత్యేకతలతో వచ్చింది. రేపటి నుండి సేల్ కి అందుబాటులోకి రానున్న ఈ లావా బ్లేజ్ 2 స్మార్ట్ ఫోన్ కంప్లీట్ వివరాలను ఇక్కడ చూడవచ్చు. 

Lava Blaze 2: ధర 

లావా బ్లేజ్ 2 స్మార్ట్ ఫోన్ సింగిల్ వేరియంట్ తో లాంచ్ చెయ్యబడింది. ఈ ఫోన్ 6GB ర్యామ్ మరియు 128GB స్టోరేజ్ తో రూ.8,999 రూపాయల ధరతో లాంచ్ చెయ్యబడింది. 

Lava Blaze 2: ప్రత్యేకతలు

ఇక లావా బ్లేజ్ 2 స్పెక్స్ మరియు ఫీచర్ల గురించి చూస్తే, ఈ స్మార్ట్ ఫోన్ Unisoc T616 ఆక్టా కోర్ ప్రోసెసర్ జతగా 6GB ర్యామ్ మరియు 5GB  వర్చువల్ ర్యామ్ ను కలిగివుంది. ఈ స్మార్ట్ ఫోన్ టైప్-C పోర్ట్ తో 18W ఫాస్ట్ ఛార్జింగ్ సపోర్ట్ కలిగిన 5000 mAh బిగ్ బ్యాటరీ తో వచ్చింది. ఈ ఫోన్ లో వెనుక 13MP AI డ్యూయల్ కెమేరా సెటప్ మరియు ఫ్రెంట్ 8MP సెల్ఫీ కెమెరా ఉన్నాయి.

ఈ ఫోన్ డిస్ప్లే మరియు ఇతర ఫీచర్ల విషయానికి వస్తే, ఈ ఫోన్ 90Hz రిఫ్రెష్ రేట్ కలిగిన 6.5 ఇంచ్ HD+ (1600 x 720) రిజల్యూషన్ డిస్ప్లేని కలిగివుంది. ఈ ఫోన్ Android 12 OS పైన పనిచేస్తుంది మరియు ఆటో కాల్ రికార్డ్ చేసే ఫీచర్ తో వస్తుందని కంపెనీ తెలిపింది. 

Follow Us

Raja Pullagura

Crazy about tech...Cool in nature... View Full Profile