ఈసారి Lava మొబైల్ Agni 2 5G తో చైనా మొబైల్ కంపెనీలు పోటీ ఇస్తుందా.!

దేశీయ మొబైల్ కంపెనీ Lava ఇండియాలో ప్రీమియం ఫీచర్లతో స్మార్ట్ ఫోన్ ను విడుదల చేయనున్నట్లు కనిపిస్తోంది. ఇండియాలో త్వరలోనే Lava Agni 2 5G  స్మార్ట్ ఫోన్ విడుదల చేయనున్నట్లు అనౌన్స్ చేసింది. ఈ అప్ కమింగ్ స్మార్ట్ ఫోన్ టీజ్డ్ స్పెక్స్ చూస్తుంటే, ఈసారి Lava మొబైల్ Agni 2 5G తో చైనా మొబైల్ కంపెనీలు పోటీ ఇస్తుందా? అని అనిపిస్తోంది. ఇంతగా ఆకట్టుకుంటున్న ఈ లావా అప్ కమింగ్ ఫోన్ వివరాలేమిటో చూద్దామా.

Lava Agni 2 5G:

లావా మొబైల్స్ యొక్క ఈ అప్ కమింగ్ 5G ఫోన్ యొక్క వివరాలను ఒకొక్కటిగా కంపెనీ బయటపెడుతూ టీజింగ్ చేస్తోంది. ముందుగా, ఈ ఫోన్ కర్వ్డ్ డిస్ప్లేతో రాబోతున్నట్లు తెలిపిన కంపెనీ, తరువాత ఈ ఫోన్ మీడియాటెక్ లేటెస్ట్ ఫాస్ట్ 5G ప్రోసెసర్ Dimensity 7050 SoC తో ఇండియాలో లాంచ్ అవుతున్న మొదటి ఫోన్ ఇదే అని ప్రకటించి ఈ ఫోన్ పైన అంచనాలను మరింతగా పెంచింది. 

ఇక ఈరోజు నేషనల్ టెక్నాలజీ డే సందర్భంగా ఈ ఫోన్ యొక్క గ్లింప్స్ ఇమేజ్ ను అందించి మరింత ఆకట్టుకుంది. ఈరోజు రిలీజ్ చేసిన ఇమేజి ద్వారా ఈ ఫోన్ కలర్ వేరియంట్ తో వెనుక పెద్ద కెమేరా మాడ్యూల్ మరియు చాలా ప్రీమియం లుక్ తో రాబోతున్నట్లు కనిపిస్తోంది. ఈ ఫోన్ ధర విషయం పక్కన పెడితే, భారతీయ మొబైల్ కంపెనీ నుండి వస్తున్న మొదటి ప్రీమియం స్మార్ట్ ఫోన్ ఇదే కావచ్చని అనిపిస్తోంది. 

అయితే, ఇదంతా కూడా మనం అంచనా వేసి చెబుతూన్న విషయాలు మాత్రమే, ఈ ఫోన్ లాంచ్ కావడానికి మరింత సమయం వుంది కాబట్టి మరిన్ని ఫీచర్లను కంపెనీ తన టీజింగ్ ద్వారా వెల్లడించే అవకాశం వుంది.

Follow Us

Raja Pullagura

Crazy about tech...Cool in nature... View Full Profile