iQOO Z9s: ఐకూ అప్ కమింగ్ స్మార్ట్ ఫోన్ సిరీస్ Z9 నుంచి రెండు కొత్త ఫోన్లు విడుదల చేస్తున్నట్లు ప్రకటించింది. ఈ సిరీస్ లో ఐకూ Z9s మరియు ఐకూ Z9s ప్రో స్మార్ట్ ఫోన్ లు వున్నాయి. ఈ సిరీస్ నుంచి విడుదల చేయబోతున్న బేసిక్ వేరియంట్ ఐకూ Z9s స్మార్ట్ ఫోన్ ను కూడా కర్వ్డ్ AMOLED డిస్ప్లే మరియు AI పవర్డ్ కెమెరాతో లాంచ్ చేస్తున్నట్లు కంపెనీ కన్ఫర్మ్ చేసింది. కేవలం ఇది మాత్రమే కాదు ఈ ఫోన్ మరిన్ని లేటెస్ట్ ట్రెండీ ఫీచర్ లను కూడా కలిగి ఉన్నట్లు టీజర్ ద్వారా తెలుస్తోంది.
ఐకూ ఈ స్మార్ట్ ఫోన్ ను ఆగస్టు 21వ తేదీ మధ్యాహ్నం 12 గంటలకు ఇండియాలో విడుదల చేస్తుంది. ఈ ఫోన్ కోసం అమెజాన్ సేల్ పార్ట్నర్ గా ఉంటుంది. అందుకే అమెజాన్ ఈ ఫోన్ యొక్క కీలకమైన ఫీచర్లతో టీజింగ్ చేస్తోంది.
ఐకూ Z9s స్మార్ట్ ఫోన్ లో 120Hz రిఫ్రెష్ రేట్ కలిగిన 3D Curved AMOLED డిస్ప్లే తో ఉన్నట్లు ఐకూ కన్ఫర్మ్ చేసింది. ఈ ఫోన్ చాలా అందంగా మరియు కంఫర్ట్ ఫీల్ అందించే స్లీక్ డిజైన్ తో అందిస్తున్నట్లు కూడా ఐకూ తెలిపింది. ఈ ఫోన్ కేవలం 0.749cm మందంతో చాలా స్లీక్ ఉంటుందిట. ఐకూ Z9s స్మార్ట్ ఫోన్ 7 లక్షలకు పైగా AnTuTu స్కోర్ కలిగిన మీడియాటెక్ Dimensity 7300 చిప్ సెట్ తో పని చేస్తుంది.
ఈ ఫోన్ లో చాలా స్లీక్ డిజైన్ తో ఉన్నా కూడా ఈ ఫోన్ ను 5000 mAh పవర్ ఫుల్ బ్యాటరీ తో ప్యాక్ చేసింది. అంతేకాదు, ఈ ఫోన్ IP64 రేటింగ్ తో డస్ట్ మరియు వాటర్ రెసిస్టెంట్ గా కూడా ఉంటుంది. ఇక ఈ ఫోన్ కలిగి ఉన్న కెమెరా సెటప్ విషయానికి వస్తే, ఈ ఫోన్ లో వెనుక డ్యూయల్ రియర్ కెమెరా వుంది. ఇందులో OIS సపోర్ట్ కలిగిన 50MP (Sony IMX 882) + 2MP పోర్ట్రైట్ కెమెరా ఉంటాయి. ఈ ఫోన్ లో కెమెరా కి సపోర్ట్ గా ఆరా రింగ్ ఫ్లాష్ కూడా వుంది.
Also Read: OnePlus Buds Pro 3: లెథర్ లాంటి టెక్స్చర్ మరియు ప్రీమియం ఫీచర్స్ తో వస్తోంది.!
అంతేకాదు, ఈ ఫోన్ కెమెరా తో AI ఫీచర్లు కూడా ఉన్నట్లు ఐకూ తెలిపింది. ఇందులో AI ఎరేజర్, AI ఫోటో ఎన్ హెన్స్ మరియు మరిన్ని AI ఫీచర్లు ఉన్నట్లు ఐకూ తెలిపింది.
