ఐకూ ఈరోజు ఇండియాలో తన లేటెస్ట్ స్మార్ట్ ఫోన్ iQOO Neo 7 5G ను లాంచ్ చేసింది.ఈ స్మార్ట్ ఫోన్ ను ఆకర్షణీయమైన డిజైన్ తో పాటుగా వేగవంతమైన 4nm ప్రాసెసర్ మరియు 120W ఫాస్ట్ ఛార్జింగ్ సపోర్ట్ వంటి మరిన్ని ఫీచర్లతో ఈ స్మార్ట్ ఫోన్ ను మిడ్ రేంజ్ ధరలో విడుదల చేసింది. ఐకూ సరికొత్తగా లాంచ్ చేసిన ఈ స్మార్ట్ ఫోన్ యొక్క ధర, స్పెక్స్ మరియు ఫీచర్లు తెలుసుకుందామా.
ఐకూ నియో 7 5జి స్మార్ట్ ఫోన్ యొక్క బేసిక్ వేరియంట్ (8GB+128GB) ధర రూ.29,999 మరియు 12GB+256GB వేరియంట్ ధర రూ.33,999. Amazon నుండి ఈ స్మార్ట్ ఫోన్ ను HDFC, SBI మరియు ICICI బ్యాంక్ కార్డుతో కొనేవారికి 1,500 రూపాయల అదనపు డిస్కౌంట్ లభిస్తుంది. ఈరోజు నుండి ఈ స్మార్ట్ ఫోన్ అమెజాన్ మరియు iqoo.com నుండి సేల్ కి అందుబాటులో వుంది.
ఐకూ నియో 7 5జి స్మార్ట్ ఫోన్ 120Hz రిఫ్రెష్ రేట్ మరియు 1300Hz నిట్స్ పీక్ బ్రైట్నెస్ రేట్ కలిగిన 6.78 ఇంచ్ పరిమాణం కలిగిన FHD+ రిజల్యూషన్ AMOLED డిస్ప్లే ని కలిగి వుంది.ఈ డిస్ప్లే HDR 10+ సపోర్ట్ సర్టిఫికేషన్ తో వస్తుంది. ఈ ఫోన్ మీడియాటెక్ Dimensity 8200 5G ప్రొసెసర్ తో పనిచేస్తుంది. ఇది 4nm ప్రాసెసర్ మరియు దీనికి జతగా గరిష్టంగా 12GB LPDDR5 ర్యామ్ మరియు (UFS 3.1) 256GB ఇంటర్నల్ స్టోరేజ్ సపోర్ట్ తో వస్తుంది.
కెమేరా విభాగంలో, ఈ లేటెస్ట్ ఐకూ 5G ఫోన్ వెనుక ట్రిపుల్ కెమెరా సెటప్ ఉంది. ఇందులో, 64MP OIS ప్రధాన కెమెరాకి జతగా 2MP బొకే మరియు 2MP మ్యాక్రో సెన్సార్ తో వస్తుంది. ముందుభాగంలో, 16MP సెల్ఫీ కెమెరాని సెల్ఫీల కోసం అందించింది. ఈ 5G స్మార్ట్ ఫోన్ ను 5,000mAh బ్యాటరీని 120W ఫ్లాష్ ఛార్జ్ సపోర్ట్ తో అందించింది.