infinix launching Infinix Note 50x 5g under rs 12000
Infinix Note 50x 5G స్మార్ట్ ఫోన్ ను సూపర్ ఫీచర్స్ తో కేవలం రూ. 12,000 కంటే తక్కువ ధరలో లాంచ్ చేయనున్నట్లు ఇన్ఫినిక్స్ ప్రకటించింది. ఈ అప్ కమింగ్ స్మార్ట్ ఫోన్ లాంచ్ డేట్, కీలకమైన ఫీచర్స్ మరియు ఈ ఫోన్ ప్రైస్ ను కూడా ఇన్ఫినిక్స్ టీజర్ ద్వారా వెల్లడించింది. ఈ ఫోన్ టీజర్ వివరాలు మరియు ప్రైస్ డిటైల్స్ చూసిన తర్వాత ఈ ఫోన్ చాలా చవక ధరలో సూపర్ ఫీచర్స్ తో లాంచ్ కాబోతున్నట్లు అర్థం అవుతోంది.
ఈ ఇన్ఫినిక్స్ అప్ కమింగ్ స్మార్ట్ ఫోన్ మార్చి 27వ తేదీ మధ్యాహ్నం 12 గంటలకు లాంచ్ అవుతుంది. ఈ ఫోన్ ఫ్లిప్ కార్ట్ నుంచి సేల్ కి అందుబాటులోకి వస్తుంది. ఈ ఫోన్ కోసం ఫ్లిప్ కార్ట్ ప్రత్యేకమైన మైక్రో సైట్ పేజి తో టీజింగ్ చేస్తోంది. ఈ పేజీ నుంచి ఈ ఫోన్ కీలకమైన వివరాలు మరియు ప్రైస్ వివరాలు కూడా అందించింది.
ఈ అప్ కమింగ్ ఇన్ఫినిక్స్ స్మార్ట్ ఫోన్ ను రూ. 12,000 కంటే తక్కువ ధరలో లాంచ్ చేయనున్నట్లు ఇన్ఫినిక్స్ ప్రకటించింది. అయితే, ఈ స్మార్ట్ ఫోన్ ప్రైస్ ఆఫర్స్ కలిపి ఉంటుందా లేక ఇదే ఆఫర్ ప్రైస్ లో లాంచ్ అవుతుందా అని మాత్రం క్లియర్ చేయలేదు. ఈ ఫోన్ లాంచ్ నాటికి ఈ విషయంపై క్లారిటీ వస్తుంది.
ఇన్ఫినిక్స్ నోట్ 50x 5G స్మార్ట్ ఫోన్ MIL-STD 810H మిలటరీ గ్రేడ్ డ్యూరబిలిటీ మరియు IP64 రేటింగ్ తో వస్తుంది. ఈ ఫోన్ మీడియాటెక్ లేటెస్ట్ ఫాస్ట్ 5G చిప్ సెట్ Dimensity 7300 తో పని చేస్తుంది మరియు జతగా Infinix AI సపోర్ట్ ఉంటుంది. ఈ ఫోన్ లో 6.67 ఇంచ్ 120Hz రిఫ్రెష్ రేట్ HD+ డిస్ప్లేని కలిగి ఉంటుంది. అంతేకాదు, ఈ ఫోన్ లో DTS సౌండ్ సపోర్ట్ కలిగిన డ్యూయల్ స్టీరియో స్పీకర్లు కూడా ఉంటాయి.
ఈ స్మార్ట్ ఫోన్ లో 4K వీడియో రికార్డింగ్ సపోర్ట్ కలిగిన 50MP అల్ట్రా క్లియర్ ట్రిపుల్ రియర్ కెమెరా ఉంది మరియు ముందు 8MP సెల్ఫీ కెమెరా ఉంది. ఈ ఫోన్ 5500 mAh బిగ్ బ్యాటరీ మరియు 45W ఫాస్ట్ ఛార్జ్ సపోర్ట్ ను కలిగి ఉంటుంది మరియు బాక్స్ లో 45W ఛార్జర్ ను కూడా కలిగి ఉంటుంది. అంతేకాదు, ఈ ఫోన్ వైర్డ్ రివర్స్ ఛార్జ్ ఫీచర్ ను కూడా కలిగి ఉంటుంది.
Also Read: అమెజాన్ సేల్ నుంచి మంచి డిస్కౌంట్ తో లభిస్తున్న సింగల్ డోర్ Refrigerator Deals ఇవిగో.!
ఈ ఇన్ఫినిక్స్ స్మార్ట్ ఫోన్ వేగాన్ లెథర్ డిజైన్ కలిగిన సీబ్రీజ్ గ్రీన్, మెటాలిక్ ఫినిష్ తో పర్పల్ మరియు టైటానియం గ్రే మూడు కలర్ లలో లాంచ్ అవుతుంది.
