Infinix Hot 50 5G: ప్రముఖ చైనీస్ మొబైల్ కంపెనీ ఇన్ఫినిక్స్ సెప్టెంబర్ 5న కొత్త స్మార్ట్ ఫోన్ లాంచ్ చేస్తున్నట్లు ప్రకటించింది. అదే ఇన్ఫినిక్స్ హాట్ 50 5జి స్మార్ట్ ఫోన్ మరియు ఈ ఫోన్ ను కొత్త డిజైన్ మరియు కెమెరా మోడ్యూల్ తో లాంచ్ చేస్తోంది. ఈ ఫోన్ కోసం అందించిన టీజర్ ఇమేజ్ ల ద్వారా ఈ ఫోన్ డిజైన్ ను వెల్లడించింది.
ఇన్ఫినిక్స్ అప్ కమింగ్ స్మార్ట్ ఫోన్ Hot 50 5G ని సెప్టెంబర్ 5న లాంచ్ చేస్తోంది. ఈ స్మార్ట్ ఫోన్ సరికొత్త డిజైన్ మరియు కెమెరా మాడ్యూల్ తో వస్తోంది. ప్రత్యేకమైన మైక్రో సైట్ పేజి తో ఈ ఫోన్ టీజింగ్ వివరాలు ఫ్లిప్ కార్ట్ అందించింది. ఈ ఫోన్ కేవలం 7.8mm తో చాలా స్లిమ్ గా ఉంటుందని ఇన్ఫినిక్స్ ఈ పేజీ ద్వారా తెలిపింది.
ఈ ఫోన్ లో వెనుక ట్రిపుల్ రియర్ కెమెరా సెటప్ వుంది. ఈ ఫోన్ కెమెరా మోడ్యూల్ ను రెగ్యులర్ గా కాకుండా వినూత్నమైన స్క్వేర్ షేప్ లో అందించింది. ఇది చూడటానికి అందంగా మరియు విలక్షణంగా కనిపిస్తోంది. అంతేకాదు, ఈ ఫోన్ కెమెరాతో జతగా డ్యూయల్ ఫ్లాష్ ను కూడా సపోర్ట్ గా అందించింది.
ఈ ఫోన్ బ్లాక్, బ్లూ మరియు గ్రీన్ కలర్ ఆప్షన్ లలో కనిపిస్తోంది. ఈ ఫోన్ IP54 రేటింగ్ తో స్ప్లాష్ ప్రూఫ్ ఉంటుంది. ఇన్ఫినిక్స్ అప్ కమింగ్ ఫోన్ హాట్ 50 5జి ఫోన్ ను అధిక రిజల్యూషన్ కలిగిన స్క్రీన్ తో కూడా అందించే అవకాశం ఉంటుంది.
Also Read: Samsung Crystal 4K Dynamic Series నుంచి రెండు కొత్త స్మార్ట్ టీవీలు లాంచ్ చేసిన శామ్సంగ్.!
ఈ స్మార్ట్ ఫోన్ లేటెస్ట్ ఫాస్ట్ ప్రోసెసర్, క్లియర్ ఇమేజ్ లను అందించ గల మంచి కెమెరా సిస్టం మరియు ఫాస్ట్ ఛార్జ్ సపోర్ట్ కలిగిన లాంగ్ లాస్టింగ్ బ్యాటరీ వంటి ఫీచర్స్ తో లాంచ్ అయ్యే అవకాశం వుంది.
