Honor Magic 6 Pro: 2024 ప్రారంభంలో గ్లోబల్ మార్కెట్ లో పవర్ ఫుల్ ఫీచర్స్ తో హానర్ విడుదల చేసిన హానర్ మ్యాజిక్ 6 ప్రో స్మార్ట్ ఫోన్ ఈరోజు ఇండియాలో కూడా లాంచ్ చేయబడింది. ఈ హానర్ ఫోన్ అత్యంత ప్రతిష్టాత్మకమైన DXOMARK 2024 గోల్డ్ లేబుల్స్ ను పొందిన ఫోన్ గా మార్కెట్ లో నిలిచింది. ఈ ఫోన్ డిజైన్ మొదలుకొని కెమెరా మరియు బ్యాటరీ వరకు అన్ని విభాగాల్లో కూడా గొప్ప ఫీచర్స్ ను కలిగి ఉందని కంపెనీ గొప్ప తెలిపింది.
Honor Magic 6 Pro: ధర
హానర్ మ్యాజిక్ 6 ప్రో స్మార్ట్ ఫోన్ ను 12GB + 512GB సింగల్ వేరియంట్ లో రూ. 89,999 ధరతో ఇండియా లో విడుదల చేసింది. ఈ ఫోన్ అమెజాన్, ప్రధాన రిటైల్ స్టోర్స్ మరియు హానర్ ఇండియా అధికారిక వెబ్సైట్ నుంచి ఆగస్టు 15వ తేదీ నుంచి సేల్ అందుబాటులోకి వస్తుంది.
ఆఫర్స్
హానర్ మ్యాజిక్ 6 ప్రో లాంచ్ లో భాగంగా గొప్ప ఆఫర్లు కూడా హానర్ అందించింది. ఈ ఫోన్ పైన 12 నెలల No Cost EMI ఆఫర్ ను అందించింది.
Also Read: Myntra నుంచి మంచి డిస్కౌంట్ తో రూ. 1,000 లోపు లభిస్తున్న Bluetooth Speaker డీల్స్ ఇవే.!
Honor Magic 6 Pro: ఫీచర్స్
హానర్ మ్యాజిక్ 6 ప్రో స్మార్ట్ ఫోన్ నానో క్రిస్టల్ షీల్డ్ రక్షణ కలిగిన 6.80 ఇంచ్ LTPO స్క్రీన్ తో వచ్చింది. ఈ స్క్రీన్ 5000 నిట్స్ పీక్ బ్రైట్నెస్, HDR Vivid మరియు Dolby Vision సపోర్ట్ తో వస్తుంది. ఈ ఫోన్ Snapdragon 8 Gen 3 పవర్ ఫుల్ చిప్ సెట్ తో పని చేస్తుంది. దానికి జతగా 12GB ర్యామ్ మరియు 512GB ఇంటర్నల్ స్టోరేజ్ ఉన్నాయి.
ఈ హానర్ ఫోన్ సెక్యూరిటీ కోసం HDS చిప్ సెట్, నెట్ వర్క్ Honor C1+ మరియు పవర్ మేనేజ్మెంట్ కోసం హానర్ E1 చిప్ సెట్ ను కూడా కలిగి ఉంటుంది. ఈ ఫోన్ లో వెనుక 2.5 ఆప్టికల్ జూమ్ సపోర్ట్ కలిగిన 180MP పెరిస్కోప్ సెన్సార్ + 50MP హానర్ ఫాల్కన్ సెన్సార్ + 50MP అల్ట్రా వైడ్ సెన్సార్ లతో ట్రిపుల్ రియర్ కెమెరా వుంది. అలాగే, ఈ ఫోన్ ముందు భాగంలో 50MP + 3D డెప్త్ సెన్సింగ్ లతో డ్యూయల్ సెల్ఫీ కెమెరా వుంది.
ఈ ఫోన్ లో 5600 mAh హెవీ బ్యాటరీ ఉంది మరియు ఇది 80W ఫాస్ట్ వైర్డ్ ఛార్జ్ 66W వైర్లెస్ సూపర్ ఛార్జ్ సపోర్ట్ లను కలిగి ఉంటుంది. ఈ ఫోన్ హానర్ యొక్క Magic OS 8.0 OS పై నడుస్తుంది.
Follow Us
Raja Pullagura
Crazy about tech...Cool in nature... View Full Profile
