OTT గత శుక్రవారం కొత్త సీమలు రిలీజ్ అయ్యాయి. వీటిలో బాలీవుడ్ లేటెస్ట్ సినిమాలు కూడా ఉన్నాయి. అంతేకాదు, ఈ వారం కూడా ఓటీటీలో బ్లాక్ బాస్టర్ సినిమాలు రిలీజ్ కాబోతున్నాయి. వీటిలో 2022 భారీ బిగ్గెస్ట్ బ్లాక్ బాస్టర్ మూవీ KGF చాఫ్టర్ 2 కూడా వుంది. అయితే, ప్రస్తుతం ఓటీటీ లో స్ట్రీమ్ అవుతున్న లేటెస్ట్ సినిమాలు మరియు అవి ఏ OTT ప్లాట్ ఫామ్ పైన స్ట్రీమ్ అవుతున్నాయో చూద్దాం. అంటే, సరికొత్తగా ఓటీటీ లో రిలీజ్ అయ్యి స్ట్రీమ్ అవుతున్న ఆ కొత్త సినిమాలు ఏమిటో చూద్దామా.
ఆదిత్ అరుణ్ మరియు పూజితా పొన్నాడ జంటగా వచ్చిన 'కథ కంచికి మనం ఇంటికి' మే 25 నుండి అమెజాన్ ప్రైమ్ వీడియో నుండి స్ట్రీమ్ అవుతోంది. ఇది ఒక కామెడీ హర్రర్ చిత్రం మరియు ఈ సినిమాలో గెటప్ శీను, సప్తగిరి మరియు శ్యామల సపోర్టింగ్ యాక్టర్స్ గా నటించారు. ఈ సినిమా ఆద్యంతం కామెడీతో సాగిపోతుంది.
బాలీవుడ్ హీరో జాన్ అబ్రహం మరియు జాక్వలిన్ ఫెర్నాండేజ్ జోడిగా వచ్చిన సైన్స్ ఫిక్షన్ సినిమా Attack: Part 1. ఈ సినిమా ఏప్రిల్ 1 న థియేటర్లలో విడుదల అయ్యింది. అయితే, ఈ సినిమా ఆడియన్స్ ను మెప్పించలేక బాక్సాపీస్ వద్ద బోల్తా కొట్టింది. ఈ సినిమా మే 27 నుండి Zee5 నుండి స్ట్రీమ్ అవుతోంది.
టైగర్ ష్రాఫ్ హీరోగా అహ్మద్ ఖాన్ దర్శకత్వంలో వచ్చిన లేటెస్ట్ యాక్షన్ మూవీ 'Heropanti 2' కూడా మే 27 నుండి అమెజాన్ ప్రైమ్ వీడియో నుండి స్ట్రీమ్ అవుతోంది. ఈ సినిమా అనుకున్న స్థాయిలో ఫలితాలను ఇవ్వకపోగా డిజాస్టర్ మూవీగా నిలిచి పోయింది. 2014 లో వచ్చిన హీరోపంతి కి సీక్వెల్ గా వచ్చిన ఈ సినిమా ట్రైలర్ తో హై ఎక్స్ పెక్టేషన్స్ రేకెత్తించి, సినిమా హాల్స్ లో నిరాశ పరిచిందని టాక్.
దర్శక ధీరుడు S S రాజమౌళి దర్శకత్వంలో రామ్ చరణ్ మరియు Jr.NTR అద్భుతమైన నటనతో వచ్చిన RRR మూవీ ప్రపంచ వ్యాప్తంగా రికార్డులు కొల్లగొట్టడమే కాకుండా ప్రజల గుండెలో నిలిచిపోయింది. ఈ సినిమా ప్రపంచ వ్యాప్తంగా 1,000 కోట్లకు పైగా కలక్షన్స్ సాధించి భారీ విజయాన్ని సొంతం చేసుకుంది. RRR మూవీ మే 20 నుండి Zee 5 మరియు Netflix రెండు ప్లాట్ ఫామ్స్ నుండి స్ట్రీమ్ అవుతోంది.
కొరటాల శివ దర్శకత్వంలో మెగాస్టార్ చిరంజీవి మరియు రామ్ చరణ్ కలిసి నటించిన 'ఆచార్య' మే 20 నుండి అమెజాన్ ప్రైమ్ వీడియో లో స్ట్రీమ్ అవుతోంది. ఇటీవలే భారీ అంచనాలతో వచ్చిన ఈ సినిమా బాక్సాఫీస్ వద్ద బోల్తా కొట్టింది. అయితే, సినిమాలో మెగాస్టార్ మరియు రామ్ చరణ్ ల అద్భుతమైన నటన మరియు డాన్స్ రెండు ఆకట్టుకునే అంశాలు.
శ్రీవిష్ణు మరియు కేథరీన్ జంటగా నటించిన క్రైం థ్రిల్లర్ 'భళా తందనానా' కూడా మే 20 నుండి Disney+ HotStar నుండి స్ట్రీమ్ అవుతోంది. ఎప్పుడు ఏదో ఒక విలక్షణమైన కథ మరియు పాత్రలను మాత్రమే చేసే శ్రీవిష్ణు మరొకసారి మంచి సినిమాతో ముందుకు వచ్చాడు. మార్చ్ 6 న థియేటర్లలో విడుదలైన ఈ చిత్రం కూడా అనుకున్న స్థాయిలో విజయాన్ని సాధించేలేక పోయింది. కానీ, శ్రీవిష్ణు యాక్టింగ్, పోసాని మరియు సత్య ల కామెడీ కేథరీన్ గ్లామర్ వంటి ఆకట్టుకునే అంశాలు వున్నాయి.