OTT లో లేటెస్ట్ గా విడుదలైన ఈ కొత్త సినిమాలు కోసం చూస్తున్నారా? అయితే, లేటెస్ట్ గా రిలీజ్ అయిన ఈ సినిమాలను మిస్ అవ్వకండి. ఈ వారం హాలీవుడ్ సినిమా థోర్ లవ్ అండ్ థండర్ తో సహా చాలా సినిమాలు రిలీజ్ అయ్యాయి. మరి ఓటీటీలో సందడి చేస్తున్న ఆ కొత్త సినిమాలు ఏమిటో తెలుసుకోండి.
మార్వెల్ కామిక్స్ ఆధారంగా చిత్రించిన అమెరికన్ సూపర్ హీరో మూవీ 'థోర్ లవ్ అండ్ థండర్' నిన్న OTT లో రిలీజ్ అయ్యింది. థోర్ ర్యాంగ్ రాక్ కు సీక్వెల్ గా వచ్చిన ఈ సినిమా భారీ వసూళ్లను సాధించింది. ఈ సినిమా సెప్టెంబర్ 8 నుండి Disney+ Hotstar లో స్ట్రీమ్ అవుతోంది.
హను రాఘవపూడి ప్రేమ కథా చిత్రం 'సీతారామం' కూడా ఈవారం OTT లో రిలీజ్ అవుతోంది. దుల్కర్ సల్మాన్, సుమంత్, మృణాల్ ఠాకూర్ మరియు రష్మిక మందాన నటించిన ఈ చిత్రం ఇటీవలే హిందీలో డబ్ చేసి రిలీజ్ చెయ్యబడింది మరియు హిందీ వెర్షన్ మంచి కలక్షన్ లను కూడా సాధిస్తోంది. అయితే, ఈ చిత్రం సెప్టెంబర్ 9, అంటే ఈరోజు నుండి అమెజాన్ ప్రైమ్ వీడియోలో స్ట్రీమ్ అవుతోంది.
M.S రాజు దర్శకత్వంలో సుమంత్ అశ్విన్ మరియు రోహన్ హీరోలుగా రూపొందిన చిత్రం '7 డేస్ 6 నైట్స్'. నేటి యువత కొత్త తరం పోకడల మధ్య సాగే రొమాంటిక్ సినిమా. ఈ సినిమా జూన్ 24 న థియేటర్లలో రిలీజై యావరేజ్ టాక్ తెచ్చుకుంది. ఈ సినిమా సెప్టెంబర్ 9న, అంటే ఈరోజు నుండి AHA లో స్ట్రీమ్ అవుతోంది.
హన్సికా మోత్వానీ నటించిన లేటెస్ట్ క్రైం థ్రిల్లర్ సినిమా 'మహా' OTT లో రిలీజ్ అవుతోంది. జూలై 22 న థియేటర్లలో విడుదలైన ఈ చిత్రం ఇప్పుడు OTT బాట పట్టింది. ఈ సినిమా యొక్క తెలుగు వెర్షన్ కూడా AHA లో సెప్టెంబర్ 9, అంటే ఈరోజు నుండి స్ట్రీమ్ అవుతోంది.