ఈ వారం OTT లో సరికొత్త సినిమాలు సందడి చేస్తున్నాయి. ఈ వారం ఇప్పటి వరకూ మొత్తం నాలుగు కొత్త సినిమాలు OTT లో రిలీజ్ చెయ్యబడ్డాయి. వీటిలో, నందమూరి కళ్యాణ్ రామ్ బ్లాక్ బాస్టర్ మూవీ 'బింబిసార' సినిమా కూడా వుంది. దీపావళి సందర్భంగా ఈ సినిమాను లాంచ్ చేసినట్లు తెలుస్తోంది. అంతేకాదు, శర్వానంద్ లేటెస్ట్ మూవీ 'ఒకే ఒక జీవితం' కూడా ఈరోజు నుండి ఒటిటి లో స్ట్రీమ్ అవుతోంది. మరి కొత్తగా ఒటిటి లో రిలీజ్ అయ్యి స్ట్రీమ్ అవుతున్న ఈ కొత్త సినిమా ముచ్చట్లు చూద్దామా.
కళ్యాణ్ రామ్ సొంత బ్యానర్ పైన అత్యంత ప్రతిష్టాత్మకంగా తీసుకొచ్చిన 'బింబిసార' సినిమా బాక్సాఫీస్ వద్ద బ్లాక్ బాస్టర్ గా నిలిచింది. ఈ సినీమా మంచి వసూళ్లను సాధించడమే కాకుండా ప్రేక్షకుల మనసును హత్తుకుంది. ఈ సినిమాలో కళ్యాణ్ రామ్ ద్విపాత్రాభినయం చేశారు మరియు కేథరిన్ హీరో ఇన్ గా నటించారు. క్రీస్తు పూర్వం 500 కాలం గురించి అప్పటి విషయాలను పూసగుచ్చినట్లు ఈ సినిమాలు చూపించారు. ఈ సినిమా ఈరోజు నుండి ZEE5 లో స్ట్రీమ్ అవుతోంది.
శర్వానంద్ లేటెస్ట్ మూవీ 'ఒకే ఒక జీవితం' కూడా ఈరోజు నుండి ఒటిటి లో స్ట్రీమ్ అవుతోంది. శర్వానంద్, అక్కినేని అమల, వెన్నెల కిశోర్ మరియు ప్రియదర్శి ముఖ్య పాత్రల్లో నటించిన ఈ సినిమా మంచి హిట్ టాక్ తెచ్చుకుంది. సెప్టెంబర్ 9 న థియేటర్లలో రిలీజ్ అయ్యి మంచి కలక్షన్స్ సాధించిన ఈ సినిమా, ఈరోజు నుండి SonyLiv లో స్ట్రీమ్ అవుతోంది.
కొత్త కథాంశం తో వచ్చిన సస్పెన్స్ థ్రిల్లర్ 'కపట నాటక సూత్రధారి' కూడా ఒటిటి లో రిలీజ్ అయ్యింది. విజయ్ శంకర్, సంపత్ కుమార్, భానుచందర్, అమీక్ష తారాగణం నటించిన ఈ సినిమా నవంబర్ 12 న సినిమా థియేటర్లలో రిలీజ్ అయ్యింది. కపట నాటక సూత్రధారి ఈరోజు నుండి Aha లో స్ట్రీమ్ అవుతోంది.
అమెజాన్ ఒరిజనల్ మూవీ 'అమ్ము' అమెజాన్ ప్రైమ్ వీడియో నుండి స్ట్రీమ్ అవుతోంది. ఐశ్వర్య లక్ష్మి, నవీన్ చంద్ర నటించిన ఈ సినిమా ట్రైలర్ పరంగా మంచి అంచనాలను అందుకుంది. నేటి కాలంలో మహిళ పైన సాధారణంగా జరిగే గృహ హింసను ఆధారంగా చేసుకొని ఈ సినిమాను తెరకెక్కించారు. సినిమా ఓవరాల్ గా ఒకే అనిపిస్తుంది.