Nokia T10: బడ్జెట్ ధరలో ట్యాబ్లెట్ లాంచ్ చేసిన నోకియా..!!

HMD Global సారధ్యంలోని నోకియా బ్యాక్ టూ బ్యాక్ ట్యాబ్లెట్ లను లాంచ్ చేస్తోంది. ఇప్పుడు ఇండియన్ మార్కెట్లో మరొక ట్యాబ్లెట్ ను కూడా నోకియా జత చేసింది. నోకియా యొక్క ఈ కొత్త ట్యాబ్లెట్ ను Nokia T10 పేరుతో తీసుకొచ్చింది. ఈ నోకియా టి10 ట్యాబ్లెట్ ను కేవలం బడ్జెట్ ధరలోనే విడుదల చేసింది. వాస్తవానికి, రీసెంట్ గా Nokia T21 ను లాంచ్ చేసిన నోకియా వేను వెంటనే నోకియా టి10 ట్యాబ్లెట్ కూడా విడుదల చేసింది. ఈ లేటెస్ట్ నోకియా ట్యాబ్లెట్ ధర, స్పెక్స్ మరియు ఫీచర్లు ఎలా ఉన్నాయో వివరంగా చూద్దాం పదండి.

Nokia T10: ధర

 నోకియా టి10 ట్యాబ్లెట్ ను రెండు వేరియంట్ లలో నోకియా పరిచయం చేసింది. ఇందులో స్టార్టింగ్ వేరియంట్ 3 జీబీ ర్యామ్‌తో కూడిన 32 జీబీ స్టోరేజ్ తో వస్తుంది మరియు దీని ధర రూ.11,799. ఇక రెండవ వేరియంట్ 4 జీబీ ర్యామ్ 64 జీబీ స్టోరేజ్ తో రూ.12,799 ధరతో వచ్చింది. అయితే, త్వరలోనే Nokia T10 (LTE + Wi-Fi) వేరియంట్‌ను విడుదల చేయనున్నట్లు నోకియా తెలిపింది.

Nokia T10: స్పెసిఫికేషన్లు

నోకియా టి10 ట్యాబ్లెట్ 10.36 ఇంచ్ HD డిస్ప్లేని (1280X800 పిక్సెల్స్) రిజల్యూషన్‌తో కలిగివుంది. ఈ డిస్ప్లే OZO ప్లేబ్యాక్‌కు కూడా మద్దతు కలిగివుంది. ఈ నోకియా టాబ్లెట్ ఆండ్రాయిడ్ 12 OS పైన నడుస్తుంది. నోకియా ప్రకారం, ఇది రెండేళ్లపాటు ఆండ్రాయిడ్ అప్‌డేట్‌లను మరియు మూడేళ్లపాటు సెక్యూరిటీ అప్‌డేట్‌ లను అందుకుంటుంది. అంటే, మీరు ఈ టాబ్లెట్‌లో Android 13 మరియు Android 14 కి కూడా మద్దతు పొందుతుంది.

ఇక కెమెరాల పరంగా, ఈ నోకియా ట్యాబ్లెట్ వెనుక 8MP సింగల్ కెమెరాతో వస్తుంది. ముందు వీడియో కాల్ మరియు సెల్ఫీల కోసం AI సెల్ఫీ కెమెరాని కూడా కలిగివుంది. ఈ టాబ్లెట్ 5250mAh బ్యాటరీని కలిగి ఉంది మరియు స్టీరియో స్పీకర్లు, 3.5mm జాక్ మరియు USB టైప్-సి పోర్ట్‌ లకు మద్దతు ఇస్తుంది. ఈ నోకియా ట్యాబ్లెట్ UNISOC T606 ప్రాసెసర్ తో పనిచేస్తుంది మరియు 4GB RAM ను జతగా కలిగివుంది.

Follow Us

Raja Pullagura

Crazy about tech...Cool in nature... View Full Profile