Sony WF-C510: సోనీ ఇండియా ఈరోజు ఇండియా మార్కెట్లో కొత్త ట్రూ వైర్లెస్ ఇయర్ బడ్స్ ను లాంచ్ చేసింది. ఈ ఇయర్ బడ్స్ ను పవర్ ఫుల్ ఫీచర్స్ తో తక్కువ ధరలో లాంచ్ చేసింది. అదే సోనీ WF-C510 TWS బడ్స్ మరియు ఈ బడ్స్ ను నాలుగు ఆకర్షణీయమైన కలర్ ఆప్షన్ లతో కూడా అందించింది. ఈ లేటెస్ట్ సోనీ ఇయర్ బడ్స్ ధర మరియు ఫీచర్స్ తో పాటు కంప్లీట్ ఇన్ఫర్మేషన్ తెలుసుకోండి.
సోనీ ఈ కొత్త బడ్స్ ను సోనీ యొక్క కాంపాక్ట్ మరియు క్లోజ్డ్ టైప్ ఇయర్ బడ్స్ సిరీస్ అయిన WF సిరీస్ నుంచి ఈ కొత్త బడ్స్ ను అందించింది. ఈ కొత్త బడ్స్ ను కూడా చాలా కాంపాక్ట్ సైజులో పవర్ ఫుల్ సౌండ్ అందించే ఫీచర్ తో అందించింది. ఈ సోనీ కొత్త బడ్స్ రౌండ్ డిజైన్ మరియు మాట్టే ఫినిష్ తో ఆకట్టుకుంటాయి.
గొప్ప క్వాలిటీ సౌండ్ కోసం ఈ బడ్స్ లో DSEE (డిజిటల్ సౌండ్ ఎన్ హెన్స్ మెంట్ ఇంజిన్) అందించింది. ఇది హై క్వాలిటీ సౌండ్ ను మంచి బ్యాలెన్స్ తో అందిస్తుంది. అంతేకాదు, ఈ బడ్స్ లో స్పెటియల్ సౌండ్ అనుభూతి కోసం 360 Reality Audio సపోర్ట్ ను అందించింది. ఇది క్లోజ్డ్ టైప్ బడ్స్ అయినా ఇందులో అందించిన యాంబియంట్ మోడ్ తో చుట్టూ ఉండే సౌండ్ లు వినబడే అవకాశం అందిస్తుంది.
ఈ సోనీ బడ్స్ లో ప్రత్యేకమైన Voice Focus వుంది. ఈ ఫీచర్ ను ఆన్ చేయగానే మంచి కాలింగ్ అనుభూతిని అవతలి వారికి అందిస్తుంది. ఈ బడ్స్ టోటల్ 22 గంటల ప్లే టైం అందిస్తుంది. సింగల్ రీచార్జ్ తో ఈ బడ్స్ 11 గంటల ప్లే టైం అందిస్తాయని సోనీ తెలిపింది. ఈ బడ్స్ లో క్విక్ ఛార్జ్ సపోర్ట్ వుంది మరియు 5 నిమిషాల ఛార్జ్ తో 60 మినిట్స్ ప్లే టైం ని ఈ బడ్స్ అందిస్తాయి.
సోనీ WF-C510 ఇయర్ బడ్స్ రెండు డివైజ్ లను ఒకేసారి కనెక్ట్ చేసేలా మల్టీ కనెక్షన్ ఫీచర్ ను కూడా కలిగి వుంది. ఈ బడ్స్ సలాండ్ ను కస్టమైజ్ చేయడానికి Sony Headphones Connect app సపోర్ట్ తో వస్తుంది.
Also Read: G0VO GoSurround 320: ఇన్ బిల్ట్ బ్యాటరీ మరియు 3D Sound తో కొత్త సౌండ్ బార్ లాంచ్.!
సోనీ ఈ కొత్త ఇయర్ బడ్స్ ను రూ. 4,990 ధరతో విడుదల చేసింది. ఈ బడ్స్ బ్లూ, ఎల్లో, బ్లాక్ మరియు వైట్ కలర్ ఆప్షన్ లలో లభిస్తాయి. ఈ బడ్స్ పై రూ. 1,000 రూపాయల క్యాష్ బ్యాక్ ఆఫర్ ను అందించింది. ఈ ఆఫర్ తో ఈ బడ్స్ ను రూ. 3,990 ధరకే పొందవచ్చు. ఈ క్యాష్ బ్యాక్ ఆఫర్ అక్టోబర్ 31 వ తేదీ వరకు మాత్రమే లభిస్తుంది. ఈ సోనీ బడ్స్ సెప్టెంబర్ 26వ తేదీ నుంచి సేల్ కి అందుబాటులోకి వస్తాయి. ఈ బడ్స్ ఆన్లైన్, ShopatSC.com మరియు ఆఫ్ లైన్ స్టోర్స్ లో కూడా లభిస్తాయి.
