POCO Buds X1: పోకో గత వారాంతం ఇండియన్ మార్కెట్ లో విడుదల చేసిన బడ్జెట్ Hybrid ANC ఇయర్ బడ్స్ సేల్ ఈరోజు నుంచి ప్రారంభం అయ్యింది. Poco M6 Plus స్మార్ట్ ఫోన్ తో పాటు విడుదల చేసిన ఈ బడ్స్ ఇప్పుడు Flipkart నుండి లభిస్తున్నాయి. ఈ లేటెస్ట్ ఇయర్ బడ్స్ ధర మరియు ఫీచర్లు తెలుసుకోండి.
పోకో ఈ కొత్త ట్రూవైర్లెస్ ఇయర్ బడ్స్ ను కేవలం రూ. 1,699 రూపాయల ధరలో విడుదల చేసింది. ఈ బడ్స్ ను పసుపు మరియు తెలుపు కలర్ కాంబినేషన్ తో సింగిల్ కలర్ లో మాత్రమే అందించింది. ఈ బడ్స్ ను ఇప్పుడు మీరు Flipkart నుంచి కొనుగోలు చేయవచ్చు. రూ. 2,000 బడ్జెట్ ధరలో ప్రస్తుతం మార్కెట్లో లభిస్తున్న ANC ఇయర్ బడ్స్ కి గట్టి పోటీగా పోకో ఈ ఇయర్ బడ్స్ ను తీసుకు వచ్చినట్లు కనిపిస్తోంది.
పోకో ఈ కొత్త ఇయర్ బడ్స్ ను తక్కువ ధరలో ఆకర్షణీయమైన ఫీచర్స్ తో అందించింది. ఈ ఇయర్ బడ్స్ Hybrid 40dB ANC సపోర్ట్ తో అందించింది. ఈ ఫీచర్ తో ఎటువంటి రణగొణ ధ్వనులు లేకుండా లీనమయ్యే సౌండ్ మరియు కాలింగ్ సౌలభ్యం కూడా అందిస్తుంది. అంతేకాదు, ఇందులో అందించిన AI ENC + క్వాడ్ మైక్ సెటప్ తో అంతరాయం లేని సౌకర్యవంతమైన కాలింగ్ ను పొందవచ్చు అని కూడా పోకో తెలిపింది.
ఈ కొత్త ఇయర్ బడ్స్ ను టైటానియం డయాఫ్రమ్ సపోర్ట్ కలిగిన 12.4mm స్పీకర్ లతో అందించింది. అందుకే ఈ బడ్స్ పవర్ ఫుల్ BASS మరియు క్లియర్ వాయిస్ తో పాటు క్రిస్పీ సౌండ్ అందిస్తుందని పోకో తెలిపింది.
Also Read: Flipkart Sale నుంచి 15 వేల లోపు లభిస్తున్న పెద్ద 40 ఇంచ్ FHD Smart Tv ఆఫర్లు.!
ఇక ఈ బడ్స్ ఇతర ఫీచర్స్ విషయానికి వస్తే, ఈ బడ్స్ బ్లూటూత్ వెర్షన్ 5.3 తో మంచి కనెక్టివిటీ అందిస్తుంది. అయితే, ఈ బడ్స్ లో డ్యూయల్ కనెక్టివిటీ ఫీచర్ లేకపోవడం ఒక లోతుగా చెప్పవచ్చు. పోకో బడ్స్ ఎక్స్ 1 ఇయర్ బడ్స్ 36 గంటల ప్లే టైమ్ అందిస్తుంది మరియు SBC, AAC కోడెక్ సపోర్ట్ లతో వస్తుంది.
