నిన్న జరిగిన వన్ ప్లస్ మెగా ఈవెంట్ నుంచి బడ్జెట్ ధరలో హైబ్రిడ్ ANC తో OnePlus Nord Buds 3 Pro బడ్స్ లాంచ్ చేసింది. ప్రస్తుతం మార్కెట్లో నడుస్తున్న చాలా ట్రెండీ ఫీచర్స్ మరియు స్టైలిష్ డిజైన్ తో ఈ బడ్స్ ను విడుదల చేసింది. ఈ బడ్స్ ను రెండు అందమైన కలర్ ఆప్షన్స్ మరియు ఇతర ఫీచర్స్ తో ప్రవేశపెట్టింది.
వన్ ప్లస్ నార్డ్ బడ్స్ 3 ప్రో ఇయర్ బడ్స్ ను రూ. 3,299 ధరతో భారత మార్కెట్ లో ప్రవేశపెట్టింది. ఈ బడ్స్ ను ICICI మరియు OneCard క్రెడిట్ కార్డ్స్ తో కొనేవారికి రూ. 300 అదనపు డిస్కౌంట్ లభిస్తుంది. ఈ బడ్స్ జూలై 20 నుంచి సేల్ కి అందుబాటులోకి వస్తాయి. ఈ బడ్స్ ను అమెజాన్ ఇండియా మరియు వన్ ప్లస్ అధికారిక వెబ్సైట్ నుంచి కొనుగోలు చేయవచ్చు.
Also Read: OnePlus Pad 2: 3K డిస్ప్లే మరియు 12GB ర్యామ్ తో లాంచ్ అయ్యింది.!
వన్ ప్లస్ నార్డ్ బడ్స్ 3 ప్రో ఇయర్ బడ్స్ సాఫ్ట్ జేడ్ మరియు స్టార్రి బ్లాక్ రెండు కలర్ లలో అందించింది. ఈ బడ్స్ AAC మరియు SBC సపోర్ట్ వస్తాయి మరియు హైబ్రిడ్ యాక్టివ్ నోయిస్ క్యాన్సిలేషన్ (ANC) సపోర్ట్ తో ఉంటాయి. ఈ బడ్స్ ను గొప్ప బాస్ సౌండ్ అందించే 12.4 టైటానైజ్డ్ డైఫాగ్రామ్ తో అందించింది. ఇది Bass Wave 2.0 ఫీచర్ తో రిచ్ బాస్ అందిస్తుంది.
ఈ వన్ ప్లస్ ఇయర్ బడ్స్ ANC off పైన టోటల్ 44 గంటల ప్లే టైమ్ అందిస్తుంది. అయితే, ANC On చేసినప్పుడు ఓవరాల్ 20 గంటల ప్లే టైం అందిస్తుందని వన్ ప్లస్ తెలిపింది. ఈ ఇయర్ బడ్స్ లో కాల్ నోయిస్ క్యాన్సిలేషన్ సపోర్ట్ కలిగిన 3-mic సిస్టం వుంది. అలాగే, ఈ బడ్స్ టైప్ C ఛార్జ్ పోర్ట్ మరియు ఫాస్ట్ ఛార్జ్ సపోర్ట్ లను కలిగి వుంది. వన్ ప్లస్ నార్డ్ బడ్స్ 3 ప్రో లేటెస్ట్ బ్లూటూత్ 5.4 సపోర్ట్ వస్తుంది మరియు అంతరాయం లేని కనెక్టివిటీ అందిస్తుంది.
ఈ వన్ ప్లస్ కొత్త బడ్స్ గూగుల్ ఫాస్ట్ పెయిర్ మరియు డ్యూయల్ కనెక్షన్ సపోర్ట్ లను కూడా కలిగి వుంది.
