BOSE సౌండ్ సపోర్ట్ తో Moto Buds+ తీసుకు వస్తున్న మోటోరోలా.!

మోటోరోలా ఇండియాలో కొత్త ప్రోడక్ట్ లాంఛ్ గురించి అనౌన్స్ చేసింది. అదే, Moto Buds TWS బడ్స్ మరియు ఈ సిరీస్ నుంచి రెండు సెట్లు రిలీజ్ చేస్తున్నట్లు కూడా కన్ఫర్మ్ చేసింది. అయితే, లాంఛ్ అవ్వడానికి ముందే ఈ బడ్స్ ఇప్పుడు ట్రెండ్ సెట్ చేయడం మొదలు పెట్టాయి. అందుకు తగిన కారణం కూడా ఉందనుకోండి. దశాబ్దాలుగా ఆడియో రంగంలో అత్యంత ప్రాముఖ్యత కలిగిన BOSE బ్రాండ్ యొక్క సహకారంతో ఈ బడ్స్ ను సౌండ్ ఆఫ్ పర్ఫెక్షన్ గా తీసుకొస్తున్నట్లు, తెలపడం ఇందుకు ప్రధాన కారణం.

Moto Buds+ Sound by BOSE

మోటోరోలా అప్ కమింగ్ బడ్స్ ను బోస్ సౌండ్ సపోర్ట్ తో తీసుకొస్తున్నట్లు టీజింగ్ ద్వారా తెలిపింది. మోటోరోలా ఈ బడ్స్ కోసం సేల్ పార్ట్నర్ గా Flipkart ను ఎంచుకున్నట్లు కనబడుతోంది. అందుకే, కాబోలు ఈ బడ్స్ లాంచ్ కోసం ఇప్పటి నుండే ప్రత్యేకమైన మైక్రో సైట్ పేజ్ ద్వారా ఫ్లిప్ కార్ట్ టీజింగ్ మొదలు పెట్టింది. ఈ మోటో బడ్స్ సిరీస్ ను మే 9 వ తేదీ ఇండియా మార్కెట్ లో విడుదల చేస్తున్నట్లు కంపెనీ డేట్ ఫిక్స్ చేసింది.

ఈ మోటో బడ్స్ సిరీస్ నుంచి మోటో బడ్స్ మరియు బడ్స్+ రెండు బడ్స్ ను లాంఛ్ చేస్తోంది. ఇందులో మోటో బడ్స్ ను ‘Sound of Youth’ మరియు మోటో బడ్స్+ ను ‘Sound of Perfection’ క్యాప్షన్ తో పరిచయం చేస్తోంది.

Also Read: Amazon Great Summer Sale 2024 టాప్ బెస్ట్ Dolby సౌండ్ బార్ డీల్స్ ఇవిగో.!

Moto Buds+: ప్రత్యేకతలు

మోటోరోలా ప్రస్తుతానికి ఈ బడ్స్ యొక్క సూచన ప్రాయంగా ప్రత్యేకతలను మాత్రమే బయటపెట్టింది. ఈ బడ్స్ డ్యూయల్ డైనమిక్ డ్రైవర్స్ మరియు బోస్ సౌండ్ సపోర్ట్ తో Deep BASS మరియు Clear Vocals అందిస్తాయని తెలిపింది. అంతేకాదు, ఈ సెగ్మెంట్ లో బోస్ సౌండ్ తో వచ్చే మొదటి ఇయర్ బడ్స్ ఇవే అవుతాయని కూడా మోటో చెబుతోంది.

ఇక బడ్స్ యొక్క టీజర్ ఇమేజ్ ద్వారా ఈ బడ్స్ లో వైర్లెస్ Hi Res Audio సపోర్ట్ తో వస్తుందని కూడా అర్ధం అవుతోంది. బోస్ సౌండ్ అంటే ప్రత్యేకంగా చెప్పనక్కరలేదు కాబట్టి, ఈ బడ్స్ అందించే సౌండ్ ఎలా ఉంటుందో చూడాలని ఆత్రుత పడే వారు ఎక్కువగా ఉన్నట్లు చెబుతున్నారు.

Follow Us

Raja Pullagura

Crazy about tech...Cool in nature... View Full Profile