Facebook లాగిన్ వివరాలను ఫిషింగ్ చేస్తున్న 25 యాప్స్ ను Play Store నుండి గూగుల్ తొలగించింది. అసలువిషయానికి వస్తే, వినియోగదారులు తమ ఫేస్‌బుక్ అకౌంట్ ను ఉపయోగించి కొన్నియాప్స్ కి లాగిన్ అవ్వడం సర్వసాధారణం. అయితే, ఈ యాప్స్ వాస్తవ ఫేస్‌బుక్ లాగిన్ పేజీ పైన ఫాక్స్ లాగిన్ పేజీని సృష్టించడం ద్వారా వినియోగదారుల లాగిన్ వివరాలను సేకరిస్తాయి . ఫ్రెంచ్ సైబర్-సెక్యూరిటీ ఏజెన్సీ Evina, ఈ విషయాన్ని పసిగట్టి Google కి రిపోర్ట్ చేసింది.
XDA డెవలపర్స్ ప్రకారం, “ఈ యాప్స్ హానికరమైన అంశాలు కలిగివున్నాకూడా , చట్టబద్ధమైన కార్యాచరణ ముసుగులో దాగివున్నాయి. ఈ యాప్స్, గూగుల్ ప్లే స్టోర్‌లో వాల్‌పేపర్ యాప్స్ , ఇమేజ్ మరియు వీడియో ఎడిటర్లు, ఫ్లాష్‌లైట్ యాప్స్ , గేమ్స్ మరియు ఫైల్ మేనేజర్స్ వంటి పేర్లతో మారువేషంలో ఉన్నాయని ఎవినా పేర్కొంది. ” ఈ విషయం ఎంత సీరియస్ గా తీసుకోవాలంటే, ఈ హానికరమైన యాప్స్ 2.4 మిలియన్స్ కంటే ఎక్కువ సార్లు డౌన్లోడ్ చేయబడ్డాయి. అంటే, క్లియర్ గా చెప్పాలంటే.. 24 లక్షల కంటే ఎక్కువ సార్లు డౌన్లోడ్స్ చేయబడ్డాయి.
ఫ్రెంచ్ సైబర్-సెక్యూరిటీ ఏజెన్సీ ఎవినా ఈ హానికరమైన యాప్స్ గురించి మే నెలలోనే నివేదించినట్లు ZDNet పేర్కొంది. ఈ యాప్స్ లో కొన్ని ప్లే స్టోర్ నుండి 5,00,000+ కంటే ఎక్కువ డౌన్లోడ్ నంబర్ కలిగి ఉన్నాయి. వీటిలో కొన్ని యాప్స్, సూపర్ వాల్‌పేపర్స్ ఫ్లాష్‌లైట్, వాల్‌పేపర్ స్థాయి, వీడియో మేకర్, సూపర్ బ్రైట్ ఫ్లాష్‌లైట్, సాలిటైర్ గేమ్, ఫైల్ మేనేజర్ మరియు ఇటువంటి మరిన్ని ఉన్నాయి.