மூன்றாம் தரப்பு ஆப்கள் எவ்வளவு ஆபத்தானது? உங்க மொபைல் பாதுகாப்பாக இருக்குமா?

மூன்றாம் தரப்பு செயலி என்றால் என்ன (What is Third Party Apps)

மூன்றாம் தரப்பு செயலியானது, இயங்குதளம் அல்லது அதன் பட்டியலில் இடம்பெறாத பயன்பாடாகும். மேலும், இயங்குதளங்களின் பிரத்யேக இணையதளங்களில் இல்லாத செயலிகள் என்றும் சொல்லலாம். இது இயங்குதளங்களின் கொள்கையின் படி தனி டெவலப்பரால் உருவாக்கப்படுகிறது. அவற்றின் பாதுகாப்பைப் பொறுத்து மூன்றாம் தரப்பு செயலி தகவல் சாதனங்களில் அனுமதிக்கப்படுகிறது.

இதற்கு உதாரணமாக ஆண்ட்ராய்டு தகவல் சாதனங்களில் பிரவுசர் பயன்பாடாக Google Chrome செயல்படுகிறது. இருப்பினும், Google Play Store இல் இருக்கும் பிற அனைத்து பிரவுசர் செயலிகளும் மூன்றாம் தரப்பு பயன்பாடுகள் ஆகும்.Google ஆல் உருவாக்கப்படவில்லை என்றாலும், இந்தப் பயன்பாடுகள் Android சாதனங்களில் பயன்படுத்த அனுமதிக்கப்பட்டுள்ளன. இதேபோல், சமூகவலைதள நிறுவனமாக பேஸ்புக் (Facebook), அது உருவாக்காத சில கேமிங் பயன்பாடுகளை, அதன் தளத்தில் அனுமதிக்கிறது. இவையே மூன்றாம் தரப்பு பயன்பாடுகள்.

அதிகாரப்பூர்வ செயலிகள் Vs மூன்றாம் தரப்பு செயலிகள்?

மூன்றாம் தரப்பு செயலிகள் தகவல் சாதனத்தை உருவாக்கும் நிறுவனத்தை சேராத டெவலப்பர்களால் உருவாக்கப்படுகிறது. அதே வேளையில், சொந்த அல்லது அதிகாரப்பூர்வ செயலிகள் சில ஸ்மார்ட்போன் தயாரிப்பு நிறுவனங்களாலேயே உருவாக்கப்பட்டு பயனர்கள் தரவிறக்கம் செய்ய அனுமதிக்கப்படுகிறது. எடுத்துக்காட்டாக ஆப்பிள் நிறுவனம் பயனர்களுக்காக iTunes, iBooks போன்ற செயலிகளை வழங்குகிறது. கூகுள் ஆண்ட்ராய்டு தளமும், பயனர்களுக்காக குரோம் முதற்கொண்டு தேவையான பல செயலிகளை வழங்குகிறது. உலகளவில் உள்ள சாப்ட்வெர் பிரைவசி பாலிசி  மையப்படுத்தி, அதிகாரப்பூர்வு செயலிகள் டெவலப் செய்யப்படுகிறது. அதே நேரத்தில் ஆப்பிள் இயங்குதளத்தில் கூகுள் நிறுவனத்தின் குரோம் செயலியை நிறுவும் போது, அதுவும் மூன்றாம் தரப்பு செயலியாக மாறிவிடுகிறது.

பணியிடங்களில் மூன்றாம் தரப்பு செயலிகளை பயன்படுத்துவதால் மறைந்திருக்கும் ஆபத்துகள்:
மொபைல் மால்வேர் அதிகரிக்கும்

- Kaspersky Lab கடந்த ஆண்டில் 3,00,000 புதிய மொபைல் மால்வேர் புரோகிராம்கள் கண்டறிந்ததாக தகவல் வெளியிட்டுள்ளது. ஆப்பிள் நிறுவன இயங்குதளங்கள், ஆண்ட்ராய்டை விட பாதுகாப்பானதாகக் கருதப்பட்டாலும், கடந்த ஆண்டில் XcodeGhost, YiSpecter என்ற இரண்டு மால்வேர்கள் ஐஓஎஸ் ஆப் ஸ்டோரில் கண்டறியப்பட்டது குறிப்பிடத்தக்கது.

நெட்வொர்க் அச்சுறுத்தல்கள்

பணியாளர்கள் மூன்றாம் தரப்பு மொபைல் செயலிகளை பயன்படுத்தும்போது, நெட்வொர்க் அளவிலும் அவர்களுக்கு ஆபத்து நிறைந்திருக்கிறது. பாதுகாப்பற்ற வைஃபை நெட்வொர்க்குகளுடன் இணைக்கப்பட்டால், நடுவில் இருக்கும் ஹேக்கர்கள் உங்கள் தகவல் சாதனத்தில் ஊடுருவ நிறைய சாத்தியக்கூறுகள் உள்ளது.

வளர்ந்து வரும் தாக்குதல் நுட்பங்கள்

ஒரு நிறுவனத்தின் ஊழியர்கள் உதவியுடன் நிறுவன தரவுகளை ஹேக்கர்களால் எடுக்க முடியும். மூன்றாம் தரப்பு பயன்பாடுகளை பெருமளவில் நாம் கட்டுப்படுத்த முடியாது. புது நுட்பங்களை கொண்டு ஹேக்கர்கள் எப்போதும், தகவல் சாதங்களுக்கு வலை விரித்துக் கொண்டிருப்பர் என்பதை மறக்க வேண்டாம். முக்கியமாக, பெரும்பாலான மூன்றாம் தரப்பு செயலிகள் நம்பகத்தன்மை கொண்டதாக இருக்கும். என்றாலும், அந்த செயலிகளுக்கு உங்கள் டேட்டாகளை அணுகும் ஆதரவை எப்போதும் தரக்கூடாது. தேவையான நேரத்தில் ஆதரவு கொடுத்தாலும், தேவை முடிந்த பின் அதனை உடனடியாக திரும்பப் பெற வேண்டும்.

செயலிகளின் டேட்டா அணுகலை நிறுத்துவது எப்படி (How to remove app permissions)

உங்கள் ஸ்மார்ட்போனில் Settings Apps என்ற பகுதிக்கு செல்லவும்

அங்கு நீங்கள் அதிகம் பயன்படுத்தாத செயலியை கிளிக் செய்யவும்

அதில் தெரியும் Permissions என்ற பக்கத்திற்கு செல்லவும்

அந்த செயலிக்கு என்ன அனுமதியை நீங்கள் கொடுத்துள்ளீர்கள் என்பது ஸ்க்ரீனில் காட்டப்படும்

தேவையில்லை என்றால் அனைத்து அனுமதிகளையும் தடை செய்ய வேண்டும்

இல்லையென்றால், தேவையான அனுமதியைத் தவிர பிற அனுமதிகளை தடை செய்ய வேண்டும்