தொடர்ந்து வோடபோன் நிறுவனம் சமீபத்தில் ரூ.1,499 விலையில் புதிய சலுகையை அறிவித்தது. பின் சில சலுகைகளை மாற்றியமைத்து பயனர்களுக்கு அதிகளவு பலன்களை வழங்கியது. இதைத்தொடர்ந்து வோடபோன் ரூ.396 விலையில் புதிய சலுகையை அறிவித்துள்ளது.
69 நாட்கள் வேலிடிட்டி கொண்டுள்ள புதிய சலுகையில் பயனர்களுக்கு தினமும் 1.4 ஜி.பி. 3ஜி/4ஜி டேட்டா வழங்கப்படுகிறது. அந்த வகையில் பயனர்கள் ரூ.396 விலையில் 96.6 ஜி.பி. டேட்டா வழங்குகிறது இச்சலுகையில் வழங்கப்படும் தினசரி டேட்டா அளவு தீர்ந்ததும், பயனர்களுக்கு அதிவேக டவுன்லோடுகளுக்கு ஒரு எம்.பி. டேட்டாவிற்கு 50 பைசா கட்டணமாக செலுத்த வேண்டும்.
டேட்டா தவிர புதிய வோடபோன் சலுகையில் அன்லிமிட்டெட் லோக்கல் , STD கால்கள் மற்றும் தினமும் 100 SMS . வழங்கப்படுகிறது. அன்லிமிட்டெட் கால்களுக்கு எவ்வித லிமிட்டும் விதிக்கப்படவில்லை. இத்துடன் தேசிய ரோமிங் சேவையும் வழங்கப்படுகிறது.
முதற்கட்டமாக ரூ.396 சலுகை டெல்லி மற்றும் NCR . பகுதியில் மட்டுமே வழங்கப்படுகிறது. இதேபோன்ற பலன்களை வழங்கும் மற்றொரு சலுகை கொல்கத்தாவில் ரூ.398 விலையில் வழங்கப்படுகிறது.
ஆண்டு சலுகையை பொருத்தவரை வோடபோன் ரூ.1499 சலுகை 365 நாட்கள் வேலிடிட்டியுடன் வழங்கப்படுகிறது. இச்சலுகையில் தினமும் 100 எஸ்.எம்.எஸ்., 1 ஜி.பி. அதிவேக டேட்டா மற்றும், அன்லிமிட்டெட் கால்கள் வழங்கப்படுகிறது. அன்லிமிட்டெட் கால்களுக்கு எவ்வித லிமிட்களும் விதிக்கப்படவில்லை.
சமீபத்தில் வோடபோன் தனது ரூ.399 சலுகையை மாற்றியமைத்து வேலிடிட்டியை 84 நாட்களாக அதிகரித்தது. எனினும், தினசரி டேட்டா அளவு 1.4 ஜி.பி.யில் இருந்து 1 ஜி.பி.யாக குறைக்கப்பட்டது. இதே சலுகையில் தினமும் 100 லோக்கல், STD SMS.கள் வழங்கப்படுகிறது.