புதிய ஜிகாஃபைபர் இன்னும் விலை குறைவுதான் இருக்கும்.

சமீபத்தில்  நாம்  ஜியோவின் ஜிகாஃபைபர்  4000 லிருந்து 250 0ரூபாய்க்கு  மாறியது  என்று நாம்  பார்த்தோம் அந்த வகையில்  சமீபத்தில்  வந்த அறிக்கையில்  வர இருக்கும்  ஜியோ ஜிகாஃபைபர் விலை  இன்னும் குறைக்கப்பட்டதாக  கூறப்படுகிறது.ஜியோவின் ஜிகாஃபைபர் பிராட்பேண்ட் சேவை இந்தியாவில் அதிகம் எதிர்பார்க்கப்படுகிறது. பீட்டா முறையில் சோதனை செய்யப்படும் இந்த சேவை ஃபைபர் ஆப்டிக் நெட்வொர்க் மூலம் அதிவேக இணைய சேவையை சீராக வழங்கும் என கூறப்படுகிறது.

இந்நிலையில், ரிலையன்ஸ் ஜியோ நிறுவன சேவை கட்டணங்கள் இணையத்தில் வெளியாகி இருக்கின்றன. அந்த வகையில் புதிய விவரங்களில் பேஸ் பிளான் பயனர்களுக்கு ரூ. 600 மாத கட்டணத்தில் கிடைக்கும் என கூறப்படுகிறது. இந்த கட்டணத்தில் பயனர்களுக்கு 50Mbps வேகத்தில் இன்டர்நெட் சேவை வழங்கப்படும் என கூறப்படுகிறது. இதன் 100Mbps வேகம் கொண்ட திட்டம் மாதம் ரூ. 1000 கட்டணத்தில் கிடைக்கும் என எதிர்பார்க்கப்படுகிறது.

மேலே குறிப்பிடப்பட்டிருக்கும் விலையை ஜியோ இதுவரை உறுதிசெய்யவில்லை. எனினும், இந்த சேவை வெளியீடு ரிலையன்ஸ் இன்டஸ்ட்ரீஸ் நிறுவன ஆண்டு பொதுக்குழு கூட்டத்தில் வெளியிடப்படும் என எதிர்பார்க்கப்படுகிறது. இந்த கூட்டம் இன்னும் சில வாரங்களில் நடைபெற இருக்கிறது. முதற்கட்டமாக ஜியோ மேலே கொடுக்கப்பட்டிருப்பதை போன்று இரண்டு சலுகைகளை அறிவிக்கலாம்.

புதிய பிராட்பேண்ட் சேவையை ஜியோ அறிமுகம் செய்வதால் இதன் கட்டணம் குறைவாக நிர்ணயம் செய்யப்படும் என எதிர்பார்க்கப்படுகிறது. இதுவரை ஜியோ ஜிகாஃபைபர் விலை பற்றி ரிலையன்ஸ் ஜியோ எவ்வித தகவலும் வழங்கவில்லை. எனினும், ஏற்கனவே சேவையை வழங்கி வரும் நிறுவனங்களுக்கு கடும் போட்டியை ஏற்படுத்தும் விலையை ஜியோ நிர்ணயிக்கும் என கூறப்படுகிறது.

முன்னதாக வெளியான தகவல்களில் ஜியோ ஜிகாஃபைபர் சேவையில் பயனர்களுக்கு 100 ஜி.பி. டேட்டா 100Mbps வேகத்தில் ஒரு மாதத்திற்கு வழங்கப்படும் என கூறப்பட்டது. பிராட்பேண்ட் டேட்டா தவிர ஜியோ ஹோம் டி.வி. சேவை மற்றும் லேண்ட்லைன் இணைப்பு உள்ளிட்டவையும் வழங்கப்படலாம் என கூறப்படுகிறது. ஹோம் டி.வி. சேவை மூலம் ஜியோ DTH .துறையில் கால்பதிக்கலாம் என கூறப்படுகிறது.

Follow Us

Sakunthala

சகுந்தலா கடந்த 7 ஆண்டுகளாக வேலை பணிபுரிகிறார் இவள் டிஜிட் தமிழின் தொழில்நுட்ப செய்தி, பீச்சர், டிப்ஸ் & ட்ரிக்ஸ், ஸ்லைட் ஷோ வீடியோ போன்ற வற்றை கவர் செய்து வருகிறார், இவள் தொழில் நுட்ப செய்தி என்று சொன்னால் இவள் கேட்ஜெட் அதாவது ஸ்மார்ட்போன், லேப்டாப் ,PC மற்றும் ஆட்டோமொபைல்ஸ் போன்றவற்றை எழுதி வருகிறார் இதை தவிர இவள் சோசியல் மீடியா போஸ்ட் பேஸ்புக் போஸ்ட் , பேஸ்புக் லைவ் இன்ஸ்டாகிராம்,, ட்விட்டர் யூடுப் போன்றவற்றையும் மேனேஜ் செய்து வருகிறாள். View Full Profile