சாம்சங் நிறுவனம் இந்தியாவில் M சீரிஸ் இரண்டு ஸ்மார்ட்போன்களை அறிமுகப்படுத்தியுள்ளது இதனுடன் அந்த ஸ்மார்ட்போனின் பெயர் Galaxy M 10 மற்றும் M 20 என வைக்கப்பட்டுள்ளது இதனுடன் இந்த ஸ்மார்ட்போன் 7000 படஜெட் விலையில் வரும் நிலையில் இந்த ஸ்மார்ட்போன்களில் எது மிகவும் சிறந்த அம்சத்தை வழங்குகிறது என்பதை பற்றி தான் இதில் பார்க்க போகிறோம்.
கேலக்ஸி M20 ஸ்மார்ட்போனில் 6.3 இன்ச் FHD பிளஸ் இன்ஃபினிட்டி வி டிஸ்ப்ளே, எக்சைனோஸ் 7904 ஆக்டா-கோர் 14 என்.எம். பிராசஸர் வழங்கப்பட்டுள்ளது. கேலக்ஸி எம்10 ஸ்மார்ட்போனில் 6.2 இன்ச் HD . பிளஸ் இன்ஃபினிட்டி வி டிஸ்ப்ளே, எக்சைனோஸ் 7870 14 என்.எம். பிராசஸர் வழங்கப்பட்டுள்ளது
இரண்டு ஸ்மார்ட்போன்களும் வைட்வைன் எல்1 சான்று பெற்றிருக்கிறது. இதனால் இந்த ஸ்மார்ட்போன்களில் HD . வீடியோக்களை எவ்வித சிரமமும் இன்றி சீராக ஸ்டிரீம் செய்ய முடியும். புதிய ஸ்மார்ட்போன்கள் சாம்சங் எக்ஸ்பீரியன்ஸ் 9.5 யு.எக்ஸ். சார்ந்த ஆண்ட்ராய்டு 8.1 ஓரியோ இயங்குதளம் கொண்டு இயங்குகிறது.
கேலக்ஸி M 20 ஸ்மார்ட்போனில் பிங்கர்ப்பரின்ட் சென்சார் மற்றும் ஃபேஸ் அன்லாக் வசதி வழங்கப்பட்டுள்ளது. கேலக்ஸி எம்10 ஸ்மார்ட்போனில் கைரேகை சென்சார் வழங்கப்படவில்லை. இரு ஸ்மார்ட்போன்களிலும் 13 எம்.பி. பிரைமரி கேமரா, f/1.9, 5 எம்.பி. 120 டிகிரி அல்ட்ரா வைடு லென்ஸ் கொண்ட இரண்டாவது பிரைமரி கேமரா வழங்கப்பட்டுள்ளது.
சாம்சங் கேலக்ஸி எம்10 மற்றும் கேலக்ஸி எம்20 ஸ்மார்ட்போன்கள் ஓசன் புளு மற்றும் சார்கோல் பிளாக் என இருவித நிறங்களில் கிடைக்கிறது.
கேலக்ஸி எம்10 மற்றும் கேலக்ஸி எம்20 ஸ்மார்ட்போன்களில் டூயல் சிம் ஸ்லாட், மைக்ரோ SD கார்டு ஸ்லாட்கள் மற்றும் டூயல் 4ஜி வோல்ட்இ வசதி வழங்கப்பட்டுள்ளது. கேலக்ஸி எம்20 ஸ்மார்ட்போனில் 5000 Mah பேட்டரி, டைப்-சி ஃபாஸ்ட் சார்ஜிங் வசதி, 15 வாட் சார்ஜர் வழங்கப்படுகிறது. கேலக்ஸி எம்10 ஸ்மார்ட்போன் 3430 Mah . பேட்டரி கொண்டிருக்கிறது.
விலை மற்றும் விற்பனை
இந்தியாவில் சாம்சங் கேலக்ஸி எம்10 ஸ்மார்ட்போனின் 2 ஜி.பி. ரேம் வெர்ஷன் விலை ரூ.7,990 என்றும் 3 ஜி.பி. ரேம் வெர்ஷன் விலை ரூ.8,990 என நிர்ணயம் செய்யப்பட்டுள்ளது. கேலக்ஸி எம்20 ஸ்மார்ட்போனின் 3 ஜி.பி. ரேம் விலை ரூ.10,990 என்றும் 4 ஜி.பி. ரேம் விலை ரூ.12,990 என நிர்ணயம் செய்யப்பட்டுள்ளது.