சாம்சங் நிறுவனத்தின் அதிகம் எதிர்பார்க்கப்பட்ட மடிக்கக்கூடிய ஸ்மார்ட்போன் அறிமுகம் செய்துள்ளது .
சாம்சங் நிறுவனத்தின் அதிகம் எதிர்பார்க்கப்பட்ட மடிக்கக்கூடிய ஸ்மார்ட்போன் அறிமுகம் செய்துள்ளது . முன்னதாக இந்த ஸ்மார்ட்போன் எவ்வாறு காட்சியளிக்கும் என்பதை மட்டும் கடந்த ஆண்டு நவம்பரில் நடைபெற்ற டெவலப்பர்கள் நிகழ்வில் சாம்சங் காட்சிப்படுத்தியது.
இதன் தொடர்ச்சியாக கேலக்ஸி அன்பேக்டு 2019 விழாவில் சாம்சங் தனது மடிக்கக்கூடிய ஸ்மார்ட்போனினை விரிவாக அறிமுகம் செய்திருக்கிறது. கேலக்ஸி ஃபோல்டு என அழைக்கப்படும் புதிய ஸ்மார்ட்போனில் 7.3 இன்ச் மற்றும் 4.6 இன்ச் அளவுகளில் இரு டிஸ்ப்ளேக்கள் வழங்கப்பட்டுள்ளன. இவற்றை சக்தியூட்ட இருபுறங்களிலும் இரண்டு பேட்டரிகள் வழங்கப்பட்டு, பிரத்யேக தொழில்நுட்பம் இருபேட்டரிகளில் இருந்து மின்சக்தியை ஒருங்கிணைக்கும் பணியை செய்கிறது.
சாம்சங் மடிக்கக்கூடிய ஸ்மார்ட்போனான கேலக்ஸி ஃபோல்டு ஆடம்பர சாதனம் என்றே அறிமுகம் செய்யப்பட்டுள்ளது. இதில் 7.3 இன்ச் இன்ஃபினிட்டி ஃபிளெக்ஸ் டிஸ்ப்ளே வழங்கப்பட்டுள்ளது. இதனால் ஸ்மார்ட்போன் திறக்கப்பட்ட நிலையில், சுமார் 7.3 இன்ச் அளவிலும், மடிக்கக்கப்பட்ட நிலையில், 4.6 இன்ச் அளவில் பயன்படுத்தலாம். புதிய மடிக்கக்கூடிய ஸ்மார்ட்போன் முற்றிலும் புதிய முறையில் உற்பத்தி செய்யப்பட்டதாக சாம்சங் தெரிவித்துள்ளது.
சாம்சங் கேலக்ஸி ஃபோல்டு சிறப்பம்சங்கள்:
– 7.3 இன்ச் இன்ஃபினிட்டி ஃபிளெக்ஸ் டைனமிக் AMOLED பேனல்
– 4.6 இன்ச் சூப்பர் AMOLED பேனல்
– 12 ஜி.பி. ரேம்
– 512 ஜி.பி. மெமரி
– 16 எம்.பி. அல்ட்ரா வைடு கேமரா, f/2.2
– 12 எம்.பி. வைடு ஆங்கிள் கேமரா, டூயல் பிக்சல் AF, OIS, f/1.5 – f/2.4
– 12 எம்.பி. டெலிபோட்டோ கேமரா, PDAF, OIS, f/2.4
– 10 எம்.பி. f/2.2 + 8 எம்.பி. டெப்த் கேமரா, f/1.9 (உள்புறம் இரு கேமரா செட்டப்)
– 10 எம்.பி. செல்ஃபி கேமரா, f/2.2
– ஆண்ட்ராய்டு பை
– 4380 Mah . பேட்டரி (இரு பேட்டரிகள்)
சாம்சங் தனது கேலக்ஸி ஃபோல்டு ஸ்மார்ட்போனில் செயலிகளை சீராக இயங்க வைக்க கூகுளுடன் இணைந்து பணியாற்றி இருக்கிறது. இத்துடன் வாட்ஸ்அப், யூடியூப் மற்றும் மைக்ரோசாஃப்ட் ஆஃபீஸ் உள்ளிட்டவை மடிக்கக்கூடிய ஸ்மார்ட்போனில் சீராக இயங்க வைக்க செயலிகள் பிரத்யேகமாக ஆப்டிமைஸ் செய்யப்பட்டுள்ளன.
கேலக்ஸி ஃபோல்டு விற்பனை விவரங்கள்:
சாம்சங் தனது கேலக்ஸி ஃபோல்டு மடிக்கக்கூடிய ஸ்மார்ட்போன் ஏப்ரல் 26, 2019 முதல் விற்பனை செய்யப்படும் என தெரிவித்திருக்கிறது. இதன் விலை 1980 டாலர்கள் (இந்திய மதிப்பில் ரூ.1,41,300) என நிர்ணயம் செய்யப்பட்டுள்ளது.
புதிய கேலக்ஸி ஃபோல்டு ஸ்மார்ட்போன் கிரீன், புளு, சில்வர் மற்றும் பிளாக் என நான்கு வித நிறங்களில் கிடைக்கிறது. கேலக்ஸி ஃபோல்டு ஸ்மாப்ட்போன் 4ஜி எல்.டி.இ. மற்றும் 5ஜி வேரியண்ட்களில் விற்பனை செய்யப்படும் என சாம்சங் அறிவித்துள்ளது.
Follow Us
Sakunthala
சகுந்தலா கடந்த 7 ஆண்டுகளாக வேலை பணிபுரிகிறார் இவள் டிஜிட் தமிழின் தொழில்நுட்ப செய்தி, பீச்சர், டிப்ஸ் & ட்ரிக்ஸ், ஸ்லைட் ஷோ வீடியோ போன்ற வற்றை கவர் செய்து வருகிறார், இவள் தொழில் நுட்ப செய்தி என்று சொன்னால் இவள் கேட்ஜெட் அதாவது ஸ்மார்ட்போன், லேப்டாப் ,PC மற்றும் ஆட்டோமொபைல்ஸ் போன்றவற்றை எழுதி வருகிறார் இதை தவிர இவள் சோசியல் மீடியா போஸ்ட் பேஸ்புக் போஸ்ட் , பேஸ்புக் லைவ் இன்ஸ்டாகிராம்,, ட்விட்டர் யூடுப் போன்றவற்றையும் மேனேஜ் செய்து வருகிறாள். View Full Profile
