ஒப்போ நிறுவனம் ஏற்கனவே அறிவித்ததை போன்று எஃப் 7 ஸ்மார்ட்போனினை இந்தியாவில் அறிமுகம் செய்துள்ளது. oppo F 7 ஸ்மார்ட்போனில் 6.23 இன்ச் ஃபுல் ஹெச்.டி. + 19:9 ரக டிஸ்ப்ளே வழங்கப்பட்டுள்ளது. நாட்ச் மற்றும் 88% ஆஸ்பெக்ட் ரேஷியோ கொண்டிருப்பதால் இந்த டிஸ்ப்ளேவினை ஒப்போ சூப்பர் ஃபுல் ஸ்கிரீன் டிஸ்ப்ளே என அழைக்கிறது.
ஒப்போ ஸ்மார்ட்போன்களில் அழகிய செல்ஃபி எடுக்க ஏதுவாக வடிவமைக்கப்படும் நிலையில், புதிய ஸ்மார்ட்போனில் அந்நிறுவனம் 25 எம்பி செல்ஃபி கேமரா, ரியல்-டைம் ஹை டைனமிக் ரேஞ்ச் (HDR) சென்சார், செயற்கை நுண்ணறிவு பியூட்டி 2.0 அம்சம் வழங்கப்பட்டு இருக்கிறது. இது முந்தைய தலைமுறை தொழில்நுட்பத்தை விட 20% மேம்படுத்தப்பட்டு இருக்கிறது.
செயற்கை நுண்ணறிவு தொழில்நுட்பம் வாடிக்கையாளர்கள் அடிக்கடி பயன்படுத்தும் அம்சங்களை நினைவில் கொண்டு, புகைப்படங்களை இயற்கையாகவே அழகாக்கும். இத்துடன் செல்ஃபிக்களில் செயற்கை நுண்ணறிவு சார்ந்த ஸ்டிக்கர்களும் வழங்கப்பட்டுகிறது.
ஒப்போ எஃப் 7 சிறப்பம்சங்கள்:
– 6.23 இன்ச் 2280×1080 பிக்சல் ஃபுல் ஹெச்டி பிளஸ் 19:9 IPS டிஸ்ப்ளே
– ஆக்டாகோர் மீடியாடெக் ஹீலியோ P60 12nm பிராசஸர்
– ARM மாலி-G72 MP3 GPU
– 4 ஜிபி, 6 ஜிபி ரேம்
– 64 ஜிபி, 128 ஜிபி இன்டெர்னல் மெமரி
– மெமரியை கூடுதலாக நீட்டிக்கும் வசதி
– டூயல் சிம் ஸ்லாட்
– கலர் ஓஎஸ் 5.0 சார்ந்த ஆன்ட்ராய்டு 8.1 ஓரியோ
– 16 எம்பி பிரைமரி கேமரா, எல்இடி ஃபிளாஷ், f/1.8
– 25 எம்பி செல்ஃபி கேமரா, f/2.0, HDR, சோனி IMX576 சென்சார்
– கைரேகை சென்சார்
– டூயல் 4ஜி வோல்ட்இ, வைபை, ப்ளூடூத்
– 3300 எம்ஏஹெச் பேட்டரி
Oppo F 7 ஸ்மார்ட்போன் சோலார் ரெட், மூன்லைட் சில்வர் என இரண்டு நிறங்களில் கிடைக்கிறது. இதன் விலை ரூ.21,990 என நிர்ணயம் செய்யப்பட்டுள்ளது. இத்துடன் 6 ஜிபி ரேம், 128 ஜிபி இன்டெர்னல் மெமரி கொண்ட சன்ரைஸ் ரெட் நிறத்தில் ஒப்போ எஃப் 7 ஸ்மார்ட்போன் ரூ.26,990 விலையில் விற்பனை செய்யப்படுகிறது. ஏப்ரல் 9-ம் தேதி முதல் ஒப்போ எஃப் 7 ஸ்மார்ட்போன் ஆன்லைன் மற்றும் ஆஃப்லைனில் விற்பனை செய்யப்படுகிறது.