ஹூவாய் துணை பிரான்டான ஹானர் புதிய பட்ஜெட் ஸ்மார்ட்போனினை இந்தியாவில் அறிமுகம் செய்துள்ளது.
மே மாதத்தில் சீன சந்தையில் வெளியிடப்பட்ட ஹானர் 7S ஸ்மார்ட்போன் தற்சமயம் இந்தியாவில் வெளியிடப்பட்டுள்ளது. இதில் 5.45 இன்ச் HD பிளஸ் 720×1440 பிக்சல், ஃபுல் வியூ டிஸ்ப்ளே, குவாட்கோர் மீடியாடெக் MT6739 சிப்செட், 2 ஜிபி ரேம், 16 ஜிபி இன்டெர்னல் ஸ்டோரேஜ் வழங்கப்பட்டுள்ளது.
போட்டோ எடுக்க 13 MP பிரைமரி கேமரா, PDAF,LED . ஃபிளாஷ், முன்பக்கம் 5 MP கேமரா வழங்கப்பட்டுள்ளது. புதிய ஹானர் 7S மாடலில் ஐ ப்ரோடெக்ஷன் எனும் அம்சம் சேர்க்கப்பட்டுள்ளது. இது ஸ்மார்ட்போனில் கையில் பிடிக்கும் போது டிஸ்ப்ளேவில் நீல நிற ஃபில்ட்டரை சேர்க்கும்.
ஹானர் 7S சிறப்பம்சங்கள்:
– 5.45 இன்ச் 1440×720 பிக்சல் 18:9 TFT ஃபுல் வியூ டிஸ்ப்ளே
– 1.5 ஜிகாஹெர்ட்ஸ் குவாட்-கோர் மீடியாடெக் MT6739 64-பிட் பிராசஸர்
– பவர் வி.ஆர். ரோக் GE8100 GPU
– 2 ஜிபி ரேம்
– 16 ஜிபி இன்டெர்னல் மெமரி
– மெமரியை கூடுதலாக நீட்டிக்கும் வசதி
– ஆன்ட்ராய்டு 8.1 ஓரியோ மற்றும் EMUI 8.1
– டூயல் சிம் ஸ்லாட்
– 13 எம்பி பிரைமரி கேமரா, எல்இடி ஃபிளாஷ், PDAF
– 5 எம்பி முன்பக்க கேமரா, எல்இடி ஃபிளாஷ்
– 3.5 எம்.எம். ஆடியோ ஜாக், எஃப்.எம். ரேடியோ
– 4ஜி எல்.டிஇ, வைபை, ப்ளூடூத்
– ஃபேஸ் அன்லாக்
– 3020 Mah . பேட்டரி
ஹானர் 7S விலை மற்றும் விற்பனை
இந்தியாவில் ஹானர் 7S ஸ்மார்ட்போன் விலை ரூ.6,999 என நிர்ணயம் செய்யப்பட்டுள்ளது. ஹானர் அதிகாரப்பூர்வ வெப்சைட் மற்றும் ப்ளிப்கார்ட் வெப்சைட்டில் விற்பனை செய்யப்பட இருக்கும் ஹானர் 7S பிளாக், புளு மற்றும் கோல்டு நிறங்களில் கிடைக்கிறது. ஹானர் 7S மாடலின் முதல் ஃபிளாஷ் விற்பனை செப்டம்பர் 14-ம் தேதி மதியம் 12.00 மணிக்கு நடைபெறுகிறது.