பல ஆண்டுகளாக சாப்ஃட்வர் அப்டேட்டை பெறாத பழைய ஸ்மார்ட்போன் உங்களிடம் இருந்தால். இது போன்ற காலாவதியான ஸ்மார்ட்போன்களை பயன்படுத்த வேண்டாம் என நிபுணர்கள் பரிந்துரைக்கின்றனர். ஏனெனில் பழைய ஸ்மார்ட்போன்கள் பயனர்களின் பாதுகாப்பைப் பொறுத்தவரை ஆபத்தானவை. பல ஆண்டுகளாக சாப்ஃட்வர் அப்டேட் பெறாத பழைய ஸ்மார்ட்போன் உங்களிடம் இருந்தால், உங்களுக்கு ஒரு நல்ல செய்தி உள்ளது.
CNBC TV18 இன் அறிக்கையின்படி, கூகிள் தனது வலைப்பதிவு இடுகையில் ஸ்மார்ட்போனுக்கான சில புதிய அம்சங்களை வெளியிடப் போவதாக அறிவித்துள்ளது. கடந்த பல ஆண்டுகளாக இயங்குதளம் (OS) சாப்ஃட்வர் மேம்படுத்தல்கள் வழங்கப்படாத ஸ்மார்ட்போன்களுக்கு இந்த அம்சம் இருக்கும்."எக்ஸ்டென்ஷன் சாப்ட்வேர் டெவலப்பர் கிட்" அம்சத்தை கூகுள் கொண்டு வருகிறது. இதில் ஆண்ட்ராய்டு 12 இன் புதிய அம்சங்களான போட்டோ பிக்கர் போன்ற வசதிகள் பயனர்களுக்கு வழங்கப்படும், இது தற்போது ஆண்ட்ராய்டு 11 மற்றும் ஆண்ட்ராய்டு 12 இயங்குதளங்களைக் கொண்ட பயனர்களுக்குக் கிடைக்கும். புதிய அம்சத்தைப் புதுப்பித்த பிறகு, உங்கள் பழைய ஸ்மார்ட்போனும் வெண்ணெய் போல் இயங்கும்.
தற்போதுள்ள விளம்பர கண்காணிப்பு அமைப்பு Google நிறுவனத்தால் தனியுரிமை சாண்ட்பாக்ஸால் மாற்றப்படும். மேலும், ஆண்ட்ராய்டு 13 சிஸ்டத்திற்காக பீட்டா வெளியீடு செய்யப்படுகிறது.
கூகுள் நிறுவனம் வேண்டுமென்றே பல ஆண்டுகளாக மென்பொருள் புதுப்பிப்புகளை வழங்குவதில்லை, இதனால் பயனர்கள் புதிய ஸ்மார்ட்போன்களை வாங்குகிறார்கள் என்று குற்றச்சாட்டுகள் உள்ளன. ஆனால் இவ்வாறு செய்வதால் சுற்றுச்சூழலில் எலக்ட்ரானிக் கழிவுகளின் அளவு அதிகரித்து வருகிறது. ஆண்ட்ராய்டு ஸ்மார்ட்போன்கள் குறைந்தது 7 ஆண்டுகளுக்கு ஆண்ட்ராய்டு இயக்க முறைமை புதுப்பிப்புகளை வெளியிடும் என்று ஐரோப்பிய ஒன்றியத்திலிருந்து கூகிள் மீது அழுத்தம் கொடுக்கப்படுவதற்கு இதுவே காரணம். பழைய ஸ்மார்ட்போன்களில் சாப்ஃட்வர் அப்டேட்டுக்காக கூகிள் ஒரு புதிய அம்சத்தை வெளியிடுவதற்கு இதுவே காரணமாக இருக்கலாம். இதன் காரணமாக பழைய ஸ்மார்ட்போனின் ஆயுள் அதிகரிக்கும்